1 SAMIELE 1:17 - Xitsonga (Bibele)

¹⁷ Heli a hlamula, a ku: “Famba hi ku rhula, Xikwembu xa Israele a xi ku nyike lexi u xi kombeleke.”

BIBELE Mahungu Lamanene

¹⁷ Kutani Heli a hlamula a ku: “Hiswona, famba hi ku rhula, Xikwembu xa Israele a xi ku nyike leswi u swi kombelaka.”

1 SAMIELE 1:17 Referans Kwoze

Marka 5:34

Yesu a ku eka yena: “N'wananga, ku pfumela ka wena ku ku hanyisile, famba hi ku tsaka, u hanyisiwile evuvabyini bya wena.”

Vaavanyisi 18:6

Muprista a ku: “Yanani hi ku rhula; riendzo ra n'wina leri mi fambaka ha rona, ri le mahlweni ka Yehovha.”

2 TIHOSI 5:19

Elixa a ku eka yena: “Famba hi ku rhula.” Kuteloko Naamani a fambile kulenyana,

1 SAMIELE 25:35

Kutani Davhida a amukela evokweni ra yena leswi a n'wi tiseleke. Kutani a ku eka yena: “Tlhela hi ku tsaka endlwini ya wena; languta, ndzi yingisile rito ra wena, ndzi ku tsetselerile.”

Luka 7:50

Kambe Yesu a ku eka wansati: “Ku pfumela ka wena ku ku hanyisile, famba hi ku rhula.”

Luka 8:48

Kutani Yesu a ku eka yena: “N'wananga, ku pfumela ka wena ku ku hanyisile, famba hi ku rhula.”

1 TIKRONIKA 4:10

Yabese a khongela Xikwembu xa Israele, a ku: “Ingi loko u ndzi katekisa, loko u tshineta mindzilekana ya mina, ingi loko voko ra wena ri va na mina, loko u ndzi sirhelela eka leswo biha, leswaku ndzi nga tshuki ndzi twa ku vaviseka!” Kutani Xikwembu xi n'wi nyika leswi a swi kombeleke.

1 SAMIELE 29:7

Sweswi, tlhela u muka hi ku tsaka leswaku u nga endli nchumu lowo biha emahlweni ka tihosi ta Vafilista.”

Genesa 25:21

Kutani Isaka a khongelela nsati wa yena eka Yehovha, hikuva a a ri mhika; kutani Yehovha a amukela ku khongela ka yena; kavaloko Rhaveka, nsati wa yena, a tika nyimba.

1 SAMIELE 1:16

U nga hlayi nandza wa wena exikarhi ka vanhwanyana va Beliyali; hikuva ndzi vulavurile ku fika sweswi evukulwini bya ku vilela ka mina, ni bya ku vaviseka ka mina.”

1 SAMIELE 1:23

Elikana, nuna wa yena, a ku eka yena: “Endla hi ku twisisa ka wena; tshama u ko u n'wi lumula. Ntsena Yehovha a a endlise rito ra yena!” Kutani wansati a tshama a an'wisa n'wana wa yena a ko a n'wi lumula.

1 SAMIELE 20:42

Kutani Yonatani a ku eka Davhida: “Famba hi ku tsaka leswi hi nga hlambanyelana hi vito ra Yehovha, hi te: ‘Yehovha a a ve exikarhi ka mina na wena, ni le xikarhi ka vana va mina ni vana va wena hi masiku!’ ”

2 SAMIELE 15:9

Kutani hosi yi ku eka yena: “Famba hi ku rhula.” Kavaloko a pfuka, a ya eHebroni.