1 Petro 4:3 - Xitsonga (Bibele)

³ Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

BIBELE Mahungu Lamanene

³ Tshikani ku endla leswi tsakeriwaka hi vamatiko, hikuva swi ringene loko mi swi endlile eminkarhini leyi hundzeke. Khale a mi hanya hi ku endla swa manyala, hi ku navela ku titsakisa, hi ku pyopyiwa, ni makolo, ni ku va swilovekelo, ni ku gandzela swikwembu swa hava leswi nga lavekiki.

Testamente Leyimpsha Xichangana

³ Tshikani kuyendla lesvitsakeliwaka hi vamatiko, hikuva sviringene loko misviyendlile minkameni leyihundzeke. Khale amihanya hi kuyendla sva kubiha, hi kunavela kutitsakisa, hi kudakwa, ni makolo, ni kuhanya mabzaleni, ni kugandzela svikwembu sva hava lesvingalavekiki.

1 Petro 4:3 Referans Kwoze

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Vaefesa 5:18

Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

1 Vatesalonika 4:5

ku nga ri ku navela swa thyaka kukota vahedeni lava nga tiviki Xikwembu.

1 Petro 1:14

mi va vana va ku yingisela, lava nga yiki hi ku navela ka n'wina ka khale, mi nga si tiva nchumu.

Vagalatiya 5:21

ni makwanga, ni ku pyopyiwa, ni makolo, ni swilo leswo tano, leswi ndzi mi byelaka erivaleni, kukotisa leswi ndzi tshamaka ndzi mi byela leswaku, lava endlaka leswo tano, va nga ka va nga dyi ndzhaka ya ku fuma ka Xikwembu.

Vagalatiya 5:19

Kasi mitirho ya nyama yi le rivaleni, byi nga vumbhisa, ni vugangu, ni vuoswi,

Ezekiele 45:9

Hosi Yehovha u ri: Oho tihosi ta Israele, swi ringene! Tshikani ku leva ni ku phanga, endlani hi nawu ni ku lulama mi nga tshami mi xanisa tiko ra mina, ku vula Hosi Yehovha.

Yuda 1:4

Hikuva exikarhi ka n'wina, ku nghene hi ku wonga, vanhu van'wana, lava ku avanyisiwa ka vona ku tsariweke khale; vanhu lava nga chaviki Xikwembu, va hundzula tintswalo ta Xikwembu xa hina manyala, kutani va landzula Yesu Kriste loyi a nga yena Mufumi a ri swakwe, ni Hosi ya hina.

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

Ezekiele 44:6

Kutani u byela vatiarisi valavo va yindlu ya Israele, u ku: Hosi Yehovha u ri: Manyala hinkwawo ya n'wina ma ringene, yindlu ya Israele,

Esaya 28:7

Kambe na vona va voyavoyamela evhinyweni, va solovanya hi byalwa; muprista ni muprofeta va dedeleka ebyalweni, va nwela evhinyweni, va solovanya loko va profeta, va dedeleka; loko va avanyisa, va voyama.

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

2 Vakorinto 12:21

kutani kungakuloko ndzi vuyile ka n'wina, kumbe Xikwembu xa mina xi ta ndzi tsongahata ha n'wina, kutani ndzi ta vaviseka hikwalaho ka lavo tala lava dyoheke va nga tisolangiki ethyakeni, ni le vuoswini, ni le swidyohweni leswi va swi endleke.

1 Vakorinto 12:2

Ma swi tiva leswaku a mi ri vamatiko lava nga kokeriwa eka swifaniso leswi nga vulavuriki, hilaha mi nga kokiwa hakona.

Varhoma 13:13

A hi fambeni hi mukhuva lowu fanelaka, kukota vanhu lava fambaka ninhlekanhi, ku nga ri hi mahlomi ni ku pyopyiwa, ni vuoswi, ni vumbhisa, ni timholovo, ni mona;

Marka 7:22

ni ku yiva, ni ku navela rifuwo, ni lunya, ni ku xisa, ni ku titshika, ni mahlo layo biha, ni xisandzu, ni ku tikurisa, ni vuhunguki.

Yeremiya 16:18

Kambe, eku sunguleni, ndzi ta va rihisela kambirhi ku homboloka ka vona ni ku dyoha ka vona, hikuva va nyamisile tiko ra mina hi manyala ya vona, kambe va tatile ndzhaka ya mina hi mitsumbu ya swikwembu swa vona leswi sandzekaka.”

Esaya 65:4

hi ku tshama emasirheni, hi ku peta vusiku emabakweni, hi ku dya nyama ya nguluve, ni swakudya leswi nyameke eswibyeni swa vona;

Esaya 5:11

Va ni khombo lava vindzukaka ku tsutsumela swakunwa leswi pyopyisaka, ni lava hitekaka nivusiku, va hisiwa hi vhinyo.

2 TIKRONIKA 15:8

Asa, kuteloko a yingisile marito lawa ni ku profeta ka Odede, muprofeta, a tiya mbilu, kutani a susa manyala ya tiko hinkwaro ra Yuda ni ra Benjamini ni ya miti leyi a yi tekeke entshaveni ya Efrayimi, a pfuxa ni alitari ya Yehovha leyi ngi yi ri emahlweni ka nyangwa ya Yehovha.

1 TIHOSI 21:26

U endlile leswo biha ku tlurisa hi ku landza swifaniso swa swikwembu, ni ku endla hinkwaswo leswi endliweke hi Vaamori, lava Yehovha a va hlongoleke emahlweni ka vana va Israele.

2 SAMIELE 13:28

Abixalomu a lerisa malandza ya yena, a ku: “Xiyani swinene, kutakuloko mbilu ya Aminoni yi tsakisiwa hi vhinyo, ni loko ndzi ku eka n'wina: ‘Dlayani Aminoni!’ Mi ta n'wi dlaya, mi nga chavi, a ndzi mi lerisanga sweswo xana? Tiyani timbilu, mi va tinhenha!”

Yeremiya 16:11

U ta ku eka vona: ‘Hi leswi vatata wa n'wina va ndzi tshikeke, ku vula Yehovha, kutani va ya lava swikwembu swin'wana, va swi tirhela kambe va swi khinsamela; kambe, loko ndzi ri mina, va ndzi tshikile, kutani a va hlayisanga milawu ya mina.