1 Petro 4:12 - Xitsonga (Bibele)

¹² Varhandziwa, mi nga hlamaleni loko ku ri ni ndzilo exikarhi ka n'wina ku ta mi ringa; kukota loko ngi mi humeleriwe hi timhaka leto hlamarisa;

BIBELE Mahungu Lamanene

¹² Varhandziwa, mi nga hlamaleni loko mi wela hi miringo leyi pfurhaka ku fana ni ndzilo ku ta ringa ku tiya ka n'wina, onge hi loko mi humeleriwa hi swin'wana leswi nga riki swona.

Testamente Leyimpsha Xichangana

¹² Varhandziwa, mingahlamaleni loko miweliwa hi miringo leyipfurhaka kufana ni ndzilo kutaringa kutiya ka n'wina, onge hi loko mihumeleliwa hi lesvohlamalisa.

1 Petro 4:12 Referans Kwoze

2 Timotiya 3:12

Kambe hinkwavo lava rhandzaka ku hanya hi vukhongeri lebyi nga eka Yesu Kriste, va ta xanisiwa.

1 Petro 5:9

N'wi ariseni hi ku tiya eku pfumeleni, mi ri karhi mi tiva leswaku maxangu ya n'wina, i man'we ni lama humelelaka vamakwenu lava nga emisaveni.

Daniele 11:35

Kutani exikarhi ka lava tlhariheke, van'wana va ta wa leswaku va ta ringetiwa, ni ku hlantswiwa, ni ku basisiwa, ku yisa emikarhini leyo hetelela, hikuva, na yona mhaka leyo, yi vekeriwe nkarhi lowu; vekiweke.

1 Vakorinto 10:13

A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

1 Vakorinto 3:13

ntirho wa un'wana ni un'wana wu ta vonaka: hikuva wu ta humesiwa eku vonakaleni esikwini ra Hosi, hikuva wu ta kombisiwa hi ndzilo; kambe ndzilo wu ta ringeta ntirho wa un'wana ni un'wana leswaku wu te yini.

1 Petro 4:4

Hilaha va hlamalaka, loko mi nga yi swin'we na vona emakhukhumbeni ya vuoswi, kutani va mi sandza hakona.

Esaya 28:21

Hikuva Yehovha u ta yima tanihi leswi a nga endla entshaveni ya Perasimi; u ta kariha tanihi leswi a swi endleke enkoveni wa Gibiyoni leswaku a tirha ntirho wa yena — ntirho lowu hlamarisaka — ni ku tirha swa yena swa mahlori.

Eklesiasta 5:8

Loko u nga vona etikweni rin'wana xisiwana xi xanisiwa, ni ku lulama ni ku avanyisa loko swi hombolokisiwa, u nga tshuki u hlamala ha swona, hikuva la tlakukeke ehenhla ka un'wana la tlakukeke u kona la langutelaka, ni Muungameri u kona la nga ehenhla ka vona.

1 Petro 2:11

Varhandziwa, ndza mi khongotela hi laha mi nga vaendzi ni valuveri, ndzi ku: Alelani ku navela ka nyama loku lwaka ni moya,