1 Petro 4:11 - Xitsonga (Bibele)

¹¹ Loko un'wana a vulavula, a a landze marito ya Xikwembu; loko un'wana a tirha ekerekeni, a a tirhe hi matimba lawa Xikwembu xi n'wi nyikaka, leswaku Xikwembu xi dzunisiwa eka hinkwaswo ha Yesu Kriste, loyi a nga ni ku kwetsima ni matimba, hilaha ku nga heriki. Amen!

BIBELE Mahungu Lamanene

¹¹ Loko un'wana a nyikiwile ku vulavula, a a vulavule hi ku landza marito ya Xikwembu; loko un'wana a nyikiwile ku tirhela vanhu, a a swi endle tanihi loyi a swi tirhaka hi matimba lawa Xikwembu xi n'wi nyikaka wona, leswaku eswilweni hinkwaswo Xikwembu xi dzunisiwa ha Yesu Kriste. Ku dzuneka ni matimba swi le ka xona hilaha ku nga heriki. Amen.

Testamente Leyimpsha Xichangana

¹¹ Loko mun'wana anyikiwile kuvulavula, aavulavule hi kulandza marito ya Xikwembu; loko mun'wana anyikiwile kutirhela vanhu, aasviyendle kufana ni lweyi asvitirhaka hi matimba lawa Xikwembu ximunyikaka wona, lesvaku ka svilo hinkwasvu Xikwembu xidzunisiwa ha Yesu Kriste. Kudzuneka ni matimba svi le ka xona hilaha kungaheliki. Amen.

1 Petro 4:11 Referans Kwoze

1 Vakorinto 10:31

Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

Vaefesa 6:10

Loko swi ri tano, tiyani eHosini ni le matimbeni ya yona lama nga tsandziwiki ha nchumu.

1 Petro 4:10

Un'wana ni un'wana hilaha a averiweke ku nyika hakona, a a tirhele van'wana hakona, kukotisa swiaveri leswinene swa tintswalo leto tala ta Xikwembu.

Timhaka 7:38

Hi yena la nga yima enhlengeletanweni le mananga, kun'we ni ntsumi leyi nga vulavula na yena eNtshaveni ya Sinayi, a ri ni vakokwa wa hina; hi yena la amukeleke marito ya ku hanya ku hi nyika wona.

Vaefesa 4:29

Ku nga tshuki ku huma emilon'wini ya n'wina rito ra tingana, hambi ri ri rin'we, kambe a ku hume rito ro nandziha ra ku akisa hi mfanelo, ri nga rito leri humeselaka lava yingisaka vunene byin'wana.

Varhoma 3:2

Kumbe ku yimba ku pfuna yini? Ka pfuna ngopfu hi matlhelo hinkwawo, ngopfungopfu hi leswi marito ya Xikwembu ma vekiweke eka vona.

Yakobo 1:19

Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;

Vakolosa 4:6

Ku vulavula ka n'wina a ku ve lo kunene hi masiku, ku lungiwe hi munyu, mi ta tiva hi laha mi fanelaka ku hlamula hakona eka un'wana ni un'wana.

1 Vakorinto 12:4

Tinyiko, tona, ti avene, Moya, wona, i wun'we.

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

Yuda 1:25

eka Xikwembu xi ri xoxe, Muhlayisi wa hina, ha Yesu Kriste, Hosi ya hina, ku ve ku kwetsima, ni vukulu, ni matimba, ni vuhosi, mikarhi hinkwayo yi nga si va kona, ni sweswi, ni ku ya fika emikarhini hinkwayo leyi nga riki na ku hela! Amen.

Vaheveru 5:12

Hikuva a swi mi fanele khale ku va vafundhisi, kasi ni sweswi, ma ha fanela ku tivisiwa masungulo ya timhaka ta Xikwembu; kutani mi hundzukile vanhu lava faneriwaka hi ntswamba, ku nga ri hi swakudya leswi tiyeke.

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

1 Timotiya 1:17

Eka Hosi ya mikarhi, leyi nga riki na ku bola ni ku voniwa, eka Xikwembu xi ri xin'we xa vunene, a ku ve ku chaviwa, ni ku twala hi mikarhi ni mikarhi! Amen!

1 Vakorinto 3:10

Loko ndzi ri mina, hi tintswalo ta Xikwembu leti ndzi ti nyikiweke, ndzi akile masungulo kukota muaki lowo tlhariha, kutani un'wana u aka ehenhla ka wona.

Matewu 6:13

U nga hi yisi emiringweni, kambe u hi lwela eka lowo biha.’

Daniele 7:14

Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Pisalema 145:13

Ina, ku fuma ka wena i ku fuma ka mikarhi hinkwayo, Ni vuhosi bya wena byi kona ku yisa etinxakeni leti nga heriki.

1 Petro 5:11

eka xona a ku ve ku kwetsima ni matimba hi masiku lama nga heriki. Amen!

Yakobo 1:26

Loko un'wana exikarhi ka n'wina a ringanisa leswaku u ni vukhongeri, kutani a nga bohi ririmi ra yena, kambe a tixisa embilwini, vukhongeri bya munhu loyi, i bya hava.

Vafilipiya 2:11

kutani tindzimi hinkwato ti vula leswaku Yesu Kriste i Hosi, ku ve ku dzuniseni ka Xikwembu Tatana.

Vaefesa 5:20

mi khensa hi masiku Xikwembu Tata wa n'wina, hikwalaho ka hinkwaswo hi vito ra Hosi ya hina, Yesu Kriste.

1 Vakorinto 6:20

ni leswaku a mi tifumi? Hikuva mi kutsuriwile hi nxavo lowo nonon'hwa; dzunisani Xikwembu hakona emirini wa n'wina, ni le moyeni wa n'wina leswi nga swa Xikwembu.

Varhoma 11:36

Hikuva swilo hinkwaswo swi hume eka yena, swi kona eka yena, kambe swi endleriwa yena! Ku kwetsima a ku ve eka yena hilaha ku nga heriki! Amen!

Daniele 4:34

Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.

Daniele 4:3

Swikombiso swa xona, kasi swonghasi! Ni masingita ya xona ma ni matimba wonghasi! Vuhosi bya xona i vuhosi Lebyi nga heriki, ni ku fuma ka xona ku tshama etinxakeni leti nga heriki.

Yeremiya 23:22

Loko ingi va yimele emakungwini ya mina, a va ta tivisa tiko ra mina marito ya mina, va va hundzuluxa emikhuveni ya vona leyo biha ni le vumbabveni bya ku endla ka vona!

Vafilipiya 1:11

mi ri karhi mi veka mihandzu ya ku lulama leyi vekiwaka ha Yesu Kriste, leswaku ku va eku twakaleni ni le ku dzuniseni ka Xikwembu.

2 Vakorinto 9:13

va ta dzunisa Xikwembu loko va vona nhlengo wolowo, hikuva, na n'wina, mi yingisa Evhangeli ya Kriste, yoleyo mi tivulaka ha yona leswaku mi va ni ku hanana ka xiviri eka vona ni ka hinkwavo,

Varhoma 16:27

eka xona xi nga Xikwembu xa vutlhari xi ri xoxe, ku ve ku twala, ha Yesu Kriste, hilaha ku nga heriki! Amen!

Yohane 13:31

Kuteloko a humile, Yesu a ku: “Sweswi, N'wana wa Munhu u dzunisiwile, kutani Xikwembu xi dzunisiwile ha yena.

Varhoma 12:3

Hikuva hi tintswalo leti ndzi ti nyikiweke, ndzi byela munhu un'wana ni un'wana exikarhi ka n'wina leswaku, a nga tshuki a tiringanisa hi vukulu ku tlurisa leswi fanelaka, kambe a a ve ni miehleketo ya ku titsongahata a ya hi mpimo wa ku pfumela loku Xikwembu xi ku aveleke un'wana ni un'wana.

2 Vakorinto 2:17

Hikuva a hi fani ni lavo tala lava onhaka rito ra Xikwembu; kambe hi vulavula emahlweni ka Xikwembu hi ri lavanene eka Kriste, hi ri lava rhumiwaka hi Xikwembu.

Vaefesa 1:19

mi ta tiva ni vukulukumba lebyi nga hlambanyisiwiki bya matimba ya xona, eka hina vapfumeri, hi mitirho ya matimba ya xona, lama nga tsandziwiki ha nchumu,

1 Vatesalonika 2:4

kambe tanihi leswi Xikwembu xi hi voneke hi ri lava fanelaka ku averiwa ntirho wa Evhangeli, hi vurisa sweswo, swi nga ri leswaku hi tsakisa vanhu, kambe swi ri leswaku hi tsakisa Xikwembu lexi ringaka timbilu ta hina.

Tito 2:1

Loko u ri wena, vula leswi lulameleke ku dyondzisa loku tengeke:

Tito 2:15

Vula timhaka leti, u khongotela, u tshinya hi matimba hinkwawo; munhu a nga tshuki a ku sandza.

Vaheveru 13:7

Anakanyi varisi va n'wina lava mi byeleke rito ra Xikwembu; mi etisa ku pfumela ka vona, mi ri karhi mi langutisa ku hetelela ka ku hanya ka vona.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

1 Petro 4:16

Kambe loko un'wana a biwa hi leswi a nga Mukriste, a nga tshuki a va ni tingana, kambe a dzunisa Xikwembu hi vito lero.