1 Petro 3:3 - Xitsonga (Bibele)

³ Ku tibombisa ka n'wina ku nga tshuki ku va ka le handle, hi misisi leyi horhiweke, ni swibombiso swa nsuku kumbe ku tibombisa hi tinguvu;

BIBELE Mahungu Lamanene

³ Xa n'wina, ku nga vi ku tibombisa hi swa le handle, hi misisi leyi horhiweke, ni ku tisasekisa hi swilo swa nsuku, ni ku ambala tinguvu leto saseka.

Testamente Leyimpsha Xichangana

³ Xa n'wina, kungavi kutibombisa hi sva le handle, hi misisi leyisasekisiweke, ni kutisasekisa hi svilo sva golidi, ni kuyambala tinguvu ta risima.

1 Petro 3:3 Referans Kwoze

Varhoma 12:2

Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Yeremiya 4:30

Kutani wena muonhiwa, u ta endla yini xana? Hambi u nga tifunengeta hi crimson, hambi u tisasekisa hi vubombi bya nsuku, ni loko u nga tibombisa emahlweni hi murhi; vubombi bya wena a byi pfuni nchumu; swigangu swa wena hakunene swi ku sandzile; swi lave vutomi bya wena.

Yeremiya 2:32

Xana wanhwana a nga rivala vubombi bya yena, kumbe mutekiwa mavamba ya yena xana? Kambe tiko ra mina ri ndzi rivarile hi masiku lama nga heriki.

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

Eksoda 33:4

Kuteloko tiko ri yingisile rito leri chavisaka leri, ri rila, ri tshika ku tibombisa.

Genesa 24:53

Kutani nandza a humesa xuma xa silivhere ni xa nsuku, ni tinguvu, a nyika Rhaveka; ni makwavo wa yena, ni mana wa yena, a va nyika xuma xa risima.

Genesa 24:47

Ndzi n'wi vutisisa, ndzi ku: ‘U n'wana mani?’ Kutani a ku: ‘Ndzi n'wana Betuwele, n'wana Nahoro, loyi Milika a nga n'wi velekela.’ Kavaloko ndzi nghenisa xingwavila enhompfini ya yena, ni masindza emavokweni ya yena.

Genesa 24:22

Kuteloko tikamela ti hetile ku nwa, wanuna loyi, a teka xingwavila xa nsuku xa hafu ya xikele, ni masindza mambirhi ya khume ra tixikele ta nsuku, a n'wi vehela wona emavokweni.

Pisalema 45:9

Vanhwanyana va tihosi va le xikarhi ka malandza ya wena. Nsati wa wena u tshamile evokweni ra wena ra xinene, U sasekisiwe hi nsuku wa Ofiri.

Eksoda 38:8

Kutani a endla nkamba hi koporo ni xikhato xa wona hi koporo, a endla ntirho lowo hi swivonivoni swa vavasati lava hlengeletanaka enyangweni ya tabernakela ya nhlengeletano.

Eksoda 32:2

Kutani Aroni a ku eka vona: “Anyulani swingwavila swa nsuku leswi nga etindleveni ta vasati va n'wina ni ta vana va n'wina, mi ndzi tisela swona.”

Ezekiele 23:40

Na kambe va rhumele ku vitana vanhu lava pfaka ekule; kuteloko murhumiwa u fikile eka vona, va ta. U hlambele vona, u tole mahlo ya wena, u tibombisile hikwalaho ka vona;

Estere 5:1

Hi siku ra vunharhu, Estere a funengela swifunengelo swa yena swa vukosikazi, kutani a ya yima erivaleni leri nga exikarhi ka yindlu ya hosi, emahlweni ka yindlu ya hosi, hosi a yi tshamisile exiluvelweni xa ku fuma ka yena, endlwini ya vuhosi, kusuhi ni nyangwa ya yindlu.

Eksoda 35:22

Ku ta vavanuna ni vavasati; hinkwavo lava swi rhandzeke hi mbilu; va tisa swingwavila ni masindza ni tintlhama, ni tinxakaxaka ta mitirho ya nsuku; un'wana ni un'wana a humesa ku nyika ka yena ka nsuku loku a ku hlawuleleke Yehovha.

Eksoda 3:22

kambe wansati un'wana ni un'wana u ta kombela eka loyi a akeke na yena, ni le ka loyi a tshameke endlwini ya yena mitirho ya silivhere ni ya nsuku ni tinguvu; mi ta ambexa vana va n'wina ha tona; mi ta phangisa sweswo Vaegipta.”

2 TIHOSI 9:30

Kutani Yehu a fika eYizriele. Yezabele, kuteloko a swi twile, a titota mahlo, a bombisa nhloko ya yena, kutani a languta hi fasitere.

1 Petro 3:2

loko va ta va va vonile mikhuva ya n'wina leyi tengeke, leyi nga ni xichavo.