1 Petro 3:1 - Xitsonga (Bibele)

¹ Hi mukhuva wolowo, na n'wina, vavasati, yingisani vanuna va n'wina, leswaku hambi van'wana va nga va kona lava nga yingisiki rito, va ta kokiwa hi mikhuva ya vasati va vona ku nga ri hi rito,

BIBELE Mahungu Lamanene

¹ Swi tano na n'wina, vavasati lava tekiweke: Titsongahateni eka vanuna va n'wina, leswaku van'wana va nga kokiwa hi mahanyelo ya n'wina vasati va vona, hambiloko va nga yingisi Rito. A va nga byeriwi hi munhu,

Testamente Leyimpsha Xichangana

¹ Hi svosvo, n'wina vavasati lavatekiweke: Titsongahateni ka vanuna va n'wina, lesvaku van'wana vakokiwa hi mahanyela ya n'wina vasati va vona, hambi loko vangayingisi Rito avangabzeliwi hi munhu,

1 Petro 3:1 Referans Kwoze

Vakolosa 3:18

N'wina vavasati, yingisani vanuna va n'wina hilaha swi fanelaka eHosini.

Vaefesa 5:33

Hi sweswo na n'wina, un'wana ni un'wana a a rhandze nsati wa yena, kukotisa loko a tirhandza; kutani wansati, na yena, a a ve ni xichavo eka nuna wa yena.

1 Vakorinto 11:3

Kambe ndzi rhandza loko mi swi tiva leswaku nhloko ya wanuna un'wana ni un'wana i Kriste; kutani nhloko ya wansati i nuna, kutani nhloko ya Kriste, i Xikwembu.

1 Vakorinto 7:16

Hikuva wena wansati, u swi tiva ha yini leswaku u ta ponisa nuna wa wena xana? Na wena, wanuna, u swi tiva ha yini leswaku u ta ponisa nsati wa wena xana?

Genesa 3:16

Eka wansati, a ku: “Ndzi ta ku engetelela ngopfu ku vaviseka ka ku tika ka wena, u ta veleka vana hi ku vaviseka; ku navela ka wena ku ta ya eka nuna wa wena, kambe yena u ta ku fuma.”

1 Petro 3:7

Hi mukhuva wolowo, na n'wina vavanuna, tshamani ni vasati va n'wina hi mukhuva lowu sasekeke, mi tiva leswaku va kotisa swibya leswi nga tiyangiki, mi va ni xichavo, hikuva na vona, swin'we na n'wina, va ta dya ndzhaka ya tintswalo ta vutomi, leswaku ku khongela ka n'wina ku nga ti tsandzekisiwa.

Varhoma 7:2

Swi tano ni wansati la tekiweke, u bohiwile hi nawu eka nuna wa yena loko a ha hanya, kambe loko nuna a file, u tshunxiwile enawini wanuna.

1 Vakorinto 14:34

Kukotisa etikerekeni hinkwato ta vakwetsimi, vavasati va n'wina a va miyele etinhlengeletanweni; hikuva a va pfumeleriwi ku vulavula; va fanele ku yingisa, kukota leswi nawu wu swi vulaka na wona.

Matewu 18:15

“Loko makwenu a dyohile, yana u n'wi laya mi le swenu; loko a ku yingisa, u ta va u kumile makwenu.

Vakolosa 4:5

Fambani hi ku xiya eka lava nga ehandle, mi ri karhi mi hatlisela mikarhi.

Vaheveru 11:8

Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona.

2 Vatesalonika 1:8

hi ndzilo lowu pfurhaka, ku rihisa lava nga tiviki Xikwembu, ni lava nga yingisiki Evhangeli ya Yesu Kriste, Hosi ya hina.

Varhoma 6:17

Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

Swivuriso 18:19

Makwavo wa munhu u tlula hi ku nonon'hwa muti wa khokholo, Ku hambana ka vamakwavo ku kotisa timbanti ta yindlu ya vuhosi.

Swivuriso 11:30

Mihandzu ya munhu wo lulama i murhi wa vutomi; La tlhariheke u tikumela timbilu ta vanhu.

1 Petro 4:17

Hikuva nkarhi wa ta, lowu ku avanyisa ku nga ta sungula hi yindlu ya Xikwembu; kutani loko ku ta sungula hi hina, makumu ya lava nga pfumeriki Evhangeli ya Xikwembu, ma ta va lawo yini-ke?

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Varhoma 10:16

Kambe a hi hinkwavo lava yingiseke Evhangeli, hikuva Esaya u te: “Hosi, i mani la pfumeleke ku dyondzisa ka hina?”

1 Petro 3:2

loko va ta va va vonile mikhuva ya n'wina leyi tengeke, leyi nga ni xichavo.