1 Petro 1:4 - Xitsonga (Bibele)

⁴ hi ta nyikiwa ndzhaka leyi nga boriki, leyi nga nyamisiwiki, yi nga vuniki, leyi hlayiseriweke hina ematilweni,

BIBELE Mahungu Lamanene

⁴ ni leswaku hi nyikiwa ndzhaka leyi nga boriki, leyi nga nyamisiwangiki, leyi nga vuniki. Mi vekeriwile yona ematilweni,

Testamente Leyimpsha Xichangana

⁴ ni lesvaku hinyikiwa ndzhaka leyingaboliki, leyinganyamisiwangiki, leyingavuniki. Mivekeliwile yona matilweni,

1 Petro 1:4 Referans Kwoze

Nhlavutelo 21:27

A ku na xilo xa thyaka lexi nga ta nghena kona, hambi la endlaka manyala ni mavunwa; kambe ku ta nghena ntsena lava tsariweke ebukwini ya vutomi ya Xinyimpfana.

Vaheveru 9:15

Hikwalaho Kriste mulamuri wa ntwanano lowuntshwa, leswaku rifu ra yena, kuteloko ri humelele ku ta kutsula lava tluleke nawu hi nkarhi wa ntwanano lowo sungula, lava vitaniweke va nyikiwa ndzhaka leyi nga heriki, leyi va yi tshembisiweke.

1 Petro 5:4

Kutani loko murisi lonkulu a ta humelela, mi ta amukela harhi leyi nga boriki ya ku kwetsima.

2 Timotiya 4:8

leswi seleke hileswaku harhi ya ku lulama yi ndzi tshamele, leyi Hosi yi nga ta ndzi nyika siku lero, yena a nga muavanyisi lowo lulama; kambe a nga ka a nga nyiki mina ntsena, kambe hinkwavo lava nga ta va va rhandzile ku humelela eka yena.

Vakolosa 1:5

hikwalaho ka ku tshemba loku mi vekeriweke kona ematilweni, loku mi rhangeke mi ku yingisa hi rito ra ntiyiso ra Evhangeli,

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

Vaefesa 1:18

a xi voninge mahlo ya timbilu ta n'wina, mi ta tiva ku tshemba loku nga kona eku vitaniweni ka n'wina ha xona, ni rifuwo ra ku kwetsima ka ndzhaka ya xona, leri nga lunghiseriwa vakwetsimi,

Ezekiele 47:12

Kutani eribuwini ra xinambyana, entsungeni wa haleno, ni le ntsungeni wa hase, ku ta mila mirhi hinkwayo ya mihandzu; matluka ya yona ma nga ka ma nga vuni, mihandzu ya yona yi nga ka yi nga heri. Yi ta vupfa hi tin'hweti hinkwato, hikuva mati ya nambu hi lama pfelelaka evukwetsimelweni; mihandzu ya yona yi ta va swakudya, matluka ya yona wu ta va murhi.”

Vaefesa 1:14

moya lowu, i xirhangana xa ndzhaka ya hina, hi kondza hi kuma ku kutsuriwa ka lava Xikwembu xi tifuweleke vona, ku va eku dzuniseni ka ku kwetsima ka xona.

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

Varhoma 8:17

Kutani loko hi ri vana, hi vadyandzhaka na swona; ndzi ri vadyandzhaka va Xikwembu, ni vadyandzhakakulobye na Kriste, loko kunene hi twa ku vaviseka na yena, hi ta kwetsimisiwa na yena.

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Timhaka 20:32

“Kutani sweswi, ndzi mi veka eka Xikwembu ni ka rito ra tintswalo ta xona, lexi nga ni matimba ya ku mi akisa, ni ku mi nyika ndzhaka swin'we ni vakwetsimi hinkwavo.

Pisalema 31:19

Ku kurile swonghasi ku kateka ka wena. Loku ku vekelaka lava ku chavaka, Loku u tirhaka hakona emahlweni ka vana va vanhu, Ni ku pfuna lava chavelaka eka wena.

Yakobo 1:11

Hikuva dyambu ri tsuvukile, ri ni mumu ri omisa byanyi, kutani xiluva xa byona xi wile, ku saseka ka nghohe ya xona ku lovile. Hi mukhuva wolowo, la fuweke, na yena, u ta vuna eku fambeni ka yena.

Vakolosa 1:12

Khensani Tatana la nga mi endla lava lulameleke ku va ni ku averiwa endzhakeni ya vakwetsimi eku vonakaleni;

Vagalatiya 3:18

Hikuva loko ndzhaka yi nga nyikiwa hi nawu, a ya ha nyikiwi hi ku tshembisa, kasi Xikwembu xi yi nyike Abrahama hi ku tshembisa ntsena.

1 Vakorinto 9:25

Kambe un'wana ni un'wana la nga ni mpika ya ku kamana, u titsona hinkwaswo; kasi vona va endlisa sweswo leswaku va nyikiwa harhi leyi bolaka; kambe hina hi endlela leyi nga boriki.

1 Petro 3:9

Mi nga tlheriseli swo biha hi swo biha hambi ku ri ku rhukana hi ku rhukana, kambe mi katekisa, hikuva mi vitaneriwe swona, leswaku mi ta dya ndzhaka ya ku kateka.

Pisalema 47:4

U hi hlawulele ndzhaka ya hina, Ku kwetsima ka Yakobo, loyi a n'wi rhandzaka.

Esaya 66:22

“Hikuva hilaha matilo lamantshwa, ni misava leyintshwa, leyi ndzi nga ta yi tumbuluxa, swi ta tshama swi va kona, emahlweni ka mina,” ku vula Yehovha, “hi sweswo rixaka ra n'wina, ni vito ra n'wina swi ta tshama swi va kona.

Marka 10:17

Kuteloko a humele endleleni, un'wana a tsutsuma, a khinsama emahlweni ka yena, a n'wi vutisa, a ku: “Mufundhisi lonene, ndzi ta endla yini ku dya ndzhaka ya vutomi le byi nga heriki?”

Vakolosa 3:24

hikuva ma swi tiva leswaku mi ta nyikiwa hi Hosi hakelo ya ndzhaka; tirhelani Kriste Hosi.

Vaheveru 10:34

Hikuva mi twele vusiwana lava bohiweke, kutani mi pfumerile hi ku tsaka loko swa n'wina swi tekiwa hi ku tiva leswaku mi ni rifuwo leri tlurisaka, leri nga kona hi masiku etilweni.