1 Petro 1:16 - Xitsonga (Bibele)

¹⁶ hikuva ku tsariwile leswaku: “Hlawulekani, hikuva ndzi hlawulekile.”

BIBELE Mahungu Lamanene

¹⁶ Hikuva ku tsariwile va ku: “Hlawulekani, hikuva mina ndzi hlawulekile.”

Testamente Leyimpsha Xichangana

¹⁶ Hikuva kutsaliwile lesvi: “Kwetsimani, hikuva mina nikwetsimile.”

1 Petro 1:16 Referans Kwoze

Levhitika 11:44

Hikuva hi mina Yehovha, Xikwembu xa n'wina; mi ta tihlawula, mi va lava hlawuriweke, hikuva ndzi hlawulekile; mi nga tshuki mi yirisa miri ya n'wina hi xin'wana xa leswi kokovaka la emisaveni.

Levhitika 19:2

“Byela nhlengeletano ya vana va Israele, u ku eka vona: ‘Hlawulekani hikuva ndzi hlawulekile, mina Yehovha, Xikwembu xa n'wina.

Levhitika 20:7

Mi ta tihlawula, kutani mi ta va lava hlawulekeke; hikuva hi mina Yehovha, Xikwembu xa n'wina.

Amosi 3:3

“Xana vambirhi va nga famba swin'we va nga pfumelelananga?

Levhitika 11:45

Hikuva hi mina Yehovha la mi humeseke etikweni ra Egipta leswaku ndzi va Xikwembu xa n'wina; mi ta kwetsima hikuva ndzi kwetsimile.’ ”

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.