1 Petro 1:15 - Xitsonga (Bibele)

¹⁵ Kambe hilaha la mi vitaneke a hlawulekeke, na n'wina, mi hlawuleka emikhuveni ya n'wina hinkwayo,

BIBELE Mahungu Lamanene

¹⁵ Kambe, leswi loyi a nga mi vitana a hlawulekeke, hlawulekani na n'wina emahanyelweni hinkwawo ya n'wina.

Testamente Leyimpsha Xichangana

¹⁵ Kambe, lesvi lweyi angamivitana akwetsimeke, kwetsimani na n'wina mahanyeleni hinkwawu ya n'wina.

1 Petro 1:15 Referans Kwoze

Matewu 5:48

Sweswo-ke, na n'wina, mi hamba mi hetiseka, kukotisa Tata wa n'wina la nga etilweni a hetisekeke.

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Vaheveru 12:14

Hisekelani ku va ni ku rhula ni hinkwavo, ni ku kwetsima, loku, kungakuloko munhu a ku pfumala, a nga ka a nga voni Hosi;

Yakobo 3:13

I mani la nga ni ku tlhariha ni ku tiva exikarhi ka n'wina xana? A a kombise mitirho ya yena hi mikhuva yo saseka leyi nga ni vutlhari lebyinene.

1 Yohane 3:3

Kutani un'wana ni un'wana la nga ni ku tshemba kuloku ka yena, wa titengisa kukota yena a tengeke.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

Vafilipiya 1:27

Ntsena, tifambeleni hi mukhuva lowu fanelaka Evhangeli ya Kriste, leswaku hambi ndzi ta mi vona, hambi ndzi nga ri kona, ndzi nga twa timhaka ta n'wina leswaku ma ha yima emoyeni wun'we, ni ku lwela swin'we ku pfumela ka Evhangeli hi mbilu yi ri yin'we,

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Tito 3:14

Varikwerhu a va dyondze, na vona, eku chivirikela mitirho leyinene va ta pfuna emasikwini ya ku pfumala, va nga tshuki va pfumala mihandzu.

Esaya 6:3

A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

Nhlavutelo 3:7

“Tsalela ni ntsumi ya kereke ya Filadelfiya, u ku: “ ‘La kwetsimeke, Lowa ntiyiso, La nga ni mpfungura wa Davhida, La pfulaka, ku nga pfari munhu; La pfalaka, ku nga pfuri munhu, u vulavula sweswo, u ri:

2 Timotiya 1:9

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

1 Timotiya 4:12

Ku nga tshuki ku va ni la tsan'waka vuntshwa bya wena, kambe u va wena xikombiso xa vapfumeri, eku vulavuleni, ni le ku tihanyeleni, ni le rirhandzwini, ni le ku pfumeleni, ni le ku tengeni.

Vafilipiya 3:20

Kambe muti wa hina wu le matilweni laha hi langutelaka kona Mulondzovoti, a nga Hosi Yesu Kriste,

Vafilipiya 3:14

ndzi rivala swa le ndzhaku, kutani ndzi navela swa le mahlweni, ndzi tsutsumela swa le mahlweni, leswaku ndzi kuma ku hakeriwa ka le henhla, loku hi nga vitaneriwa kona hi Xikwembu ha Yesu Kriste.

Nhlavutelo 6:10

A va huwelela hi rito lerikulu, va ku: “Hosi yo kwetsima ya ntiyiso, u ta hlwela ku ri kungani ku avanyisa ni ku rihisa ngati ya hina eka lava akeke emisaveni xana?”

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

1 Petro 3:16

mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.

Tito 3:8

Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.

1 Vatesalonika 2:12

ha mi khongotela leswaku mi famba hi mukhuva lowu dzunisaka Xikwembu lexi mi vitaneleke eku fumeni ka xona, ni le ku vonakaleni ka xona.

Nhlavutelo 4:8

Swivumbiwa leswi hanyaka leswa mune, xin'wana ni xin'wana xa swona a xi ri ni timpapa ta ntlhanu na rin'we, a swi tele ni mahlo hi matlhelo hinkwawo ni le ndzeni; kutani a swi nga miyeri nhlekanhi ni vusiku, a swi ku: “Ku kwetsima, ku kwetsima, ku kwetsima Hosi Xikwembu lexi nga ni matimba hinkwawo, Loyi a a ri kona, Loyi a nga kona, Loyi a taka.”

Varhoma 9:24

hikwalaho xi hi vitaneke, ku nga ri exikarhi ka Vayuda ntsena, kambe ni le xikarhi ka vamatiko.

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.