1 Petro 1:12 - Xitsonga (Bibele)

¹² Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

BIBELE Mahungu Lamanene

¹² Va kombisiwile hi ku hlavuteriwa leswaku a va nga titirheli, kambe a va tirhela n'wina, eka swilo leswi mi tivisiweke swona sweswi. Mi tivisiwile swilo swa kona hi lava va twariseke Mahungu Lamanene eka n'wina, hi Moya lowo Kwetsima lowu rhumeriweke hi le tilweni. Swilo swa kona, tintsumi na tona ta navela ku swi hlometela.

Testamente Leyimpsha Xichangana

¹² Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

1 Petro 1:12 Referans Kwoze

Yohane 15:26

“Kutakuloko ku fika Muchaveleri, loyi ndzi nga ta n'wi rhuma eka n'wina, a huma eka Tatana, wu nga Moya wa ntiyiso, lowu humaka eka Tatana, hi yena la nga ta vula vumbhoni bya mina;

Vaefesa 3:10

leswaku vutlhari bya Xikwembu lebyi mikhuva ya byona yi nga tala hilaha ku nga hlayiwiki, byi kombisiwa sweswi hi Kereke, eka vakulukumba ni ka vafumi va le matilweni,

1 Vakorinto 2:10

Kambe Xikwembu xi hi pfuletele tona hi Moya wa xona; hikuva Moya wu lavisisa hinkwaswo, hambi swi ri leswi enteke swa Xikwembu.

Vaheveru 4:2

Hikuva na hina hi byeriwile Evhangeli kukotisa vona; kambe valavo, rito leri va ri yingiseke a ri va pfunanga nchumu, hikuva a ri pfangananga ni ku pfumela etimbilwini ta lava yingiseke.

Marka 16:15

Kutani a ku eka vona: “Yanani emisaveni hinkwayo, mi ya byela swivumbiwa hinkwaswo Evhangeli.

1 Petro 1:25

kambe rito ra Hosi ri tshama hilaha ku nga heriki”; kutani hi rona rito leri mi ri byeriweke eEvhangelini.

Nhlavutelo 5:11

Kuteloko ndzi langutile, ndzi twa rito ra tintsumi leto tala leti rhendzeleke xiluvelo, ni swivumbiwa leswi hanyaka leswa mune, ni vakulukumba; ntsengo wa vona a wu ri wa makume ya magidigidi ya magidigidi, ni magidigidi ya magidigidi; va ku hi rito lerikulu:

2 Vakorinto 6:6

ni le ku tengeni, ni le ku tiveni; hi ku yingisela, hi vunene, hi moya lowo saseka, hi rirhandzu leri nga riki na ku xisa, hi rito lerinene, hi matimba ya Xikwembu;

2 Vakorinto 1:22

loyi a hi toteke, i Xikwembu, xi nga xona lexi hi fungheke, lexi hi nyikeke xirhangana xa Moya etimbilwini ta hina.

Varhoma 15:19

hi matimba ya swikombiso, ni masingita, ni matimba ya Moya; ndzi va ndzi haxa Evhangeli ya Kriste, ndzi sungula eYerusalema, ndzi tsemakanya ku ya hetelela eIiriya.

Timhaka 2:33

Kakuloko a tlakusiwile hi voko ra xinene ra Xikwembu, u amukerile eka Tatana, ku tshembisa ka Moya lowo Kwetsima, kutani u chelerile leswi mi swi vonaka, ni leswi mi swi twaka.

Daniele 12:13

Kambe wena, yana eku heleni ka wena, u wisa, kutani u ta pfuka u yimela ndzhaka ya wena eku heleni ka masiku.”

Daniele 12:9

A ku eka mina: “Famba, Daniele, hikuva timhaka leti ti ta sala ti funengetiwile, ti lemeriwile ku fikela enkarhini wa makumu.

Vaheveru 2:4

Xikwembu xi ri karhi xi tiyisa vumbhoni bya vona hi swikombiso leswa masingita, ni mitirho leyo tala ya matimba; xi ri karhi xi va avela Moya lowo Kwetsima, hilaha xi swi rhandzaka hakona.

Vagalatiya 1:16

ku ndzi pfuletela N'wana wa xona leswaku ndzi ya n'wi vula exikarhi ka vamatiko; a ndzi vutisanga nyama ni loko yi ri ngati;

Vagalatiya 1:12

hikuva a ndzi yi amukelanga eka munhu, hambi ku ri ku yi dyondzisiwa hi munhu, kambe ndzi hlavuteriwile yona hi Yesu Kriste.

Varhoma 10:15

Kutani va ta dyondzisisa ku yini, loko va nga rhumiwi! Hilaha ku tsariweke leswaku: “Milenge ya lava vulaka Evhangeli ya ku rhula yi sasekile swonghasi; milenge ya lava vulaka timhaka leto saseka!”

Varhoma 1:17

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Luka 15:10

Ndzi ri eka n'wina: Hi mukhuva wolowo, ku tsaka ku kona emahlweni ka tintsumi ta Xikwembu, hikwalaho ka mudyohi a ri un'we la hundzukaka.”

Matewu 11:25

Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.

Amosi 3:7

Hikuva Hosi, Yehovha, a nga endli nchumu a nga si kombisa makungu ya yena eka malandza ya yena va nga vaprofeta.

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

1 Vatesalonika 2:9

Na n'wina, vamakwerhu, ma anakanya mikarhalo ni nyuku wa hina hilaha hi mi leteleke hakona Evhangeli ya Xikwembu, hi ri karhi hi tirha vusiku ni nhlikanhi, hi nga ti tikerisa munhu exikarhi ka n'wina.

Luka 9:6

Kwalaho va huma, va famba hi miti ni swimitana, va ri karhi va dyondzisa Evhangeli, va horisa vavabyi hinkwako.

Luka 2:26

A a kombisiwile khale hi Moya lowo Kwetsima leswaku a nga ka a nga fi a nga si vona Kriste wa Hosi;

Matewu 16:17

Yesu a hlamula, a ku eka yena: “U katekile, Simoni n'wana Yona, hikuva a hi nyama ni ngati leswi ku pfuleteleke sweswo, kambe i Tatana wa le tilweni.

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Daniele 10:1

Hi lembe ra vunharhu ra Korexe hosi ya Peresi, rito ri kombisiwa Daniele la thyiweke vito ra Beltexatsara; rito lero ri tiyile, kambe ri vula khombo lerikulu; kutani a xiya rito lero swinene, a twisisa ni xivono.

Daniele 8:13

Kutani ndzi yingisa un'wana wa vahlawuriwa a vulavula; kutani muhlawuriwa un'wana a hlamula la nga sungula ku vulavula, a ku: “I mangani masiku lama hlayiweke eka xivono lexi ematshan'weni ya gandzelo ra masiku, ni le matshan'weni ya xidyoho lexi onhaka xana? Xikwetsimisiso ni mavandla swi ta hluriwa swi kandziyeriwa ku yisa kwihi?”

Daniele 2:47

Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Daniele 2:22

Hi xona lexi hlavutelaka leswi enteke ni swihundla; xi tivisisa leswi nga emunyameni; ku vonakala ku akile eka xona.

Daniele 2:19

Kavaloko xihundla lexo xi kombisiwa Daniele exikombisweni xa vusiku, kutani Daniele a khensa Xikwembu xa le henhla.

Esaya 32:15

ku fikela loko moya wa le henhla wu cheriwa ehenhla ka hina, ni loko mananga ma hundzuka mitanga, kutani ntanga wu fanisiwa ni xihlahla.

Swivuriso 1:23

Hundzukani hi ku tshinya ka mina! Maswivo, ndzi ta mi chelela moya wa mina, Ndzi mi dyondzisa timhaka ta mina.

Eksoda 25:20

Tikerubu ti ta tshambuluta timpapa ta tona ehenhla, ti funengeta vukhongelelo hi timpapa, ti ri karhi ti langutene; mimombo ya tikerubu yi languta vukhongelelo.

Vaheveru 11:13

Volavo hinkwavo va fele eku pfumeleni, va nga si nyikiwa leswi va swi tshembisiweke, kambe va swi vonile va ri ekule va swi tsakela, kutani va tivurile vaendzi ni valuveri emisaveni.

Esaya 53:1

Ku pfumerile mani lexi hi nga byerisa xona, kutani voko ra Yehovha ri kombisiwe eka mani?

Varhoma 1:15

Kutani sweswi, loko ndzi ri mina, ndzi tilunghisele ku vula Evhangeli, ni le ka n'wina lava nga eRhoma.

Timhaka 16:10

Kakuloko a vonile mahlori walawo, hi tilunghisa kan'we ku ya eMakedoniya, hi ku tiva leswaku Hosi yi hi vitanele kona ku ya va dyondzisa Evhangeli.

Timhaka 10:44

Kakuloko Petro a ha vulavula marito walawo, Moya lowo Kwetsima wu xikela ehenhla ka hinkwavo lava yingisaka rito.

Timhaka 8:25

Kuteloko vaapostola va vula vumbhoni bya rito ra Hosi, va tlhelela eYerusalema, va ri karhi va vula Evhangeli emitini leyo tala ya Vasamariya.

Timhaka 4:31

Kuteloko va khongerile, xivandla lexi va hlengeletaneke eka xona, xi tsekatseka, kutani hinkwavo va tala Moya lowo Kwetsima, kutani va vula rito ra Xikwembu hi ku tiya.

Timhaka 4:8

Kavaloko Petro a vulavula na vona a tele Moya lowo Kwetsima, a ku: “Tihosi ta tiko, na n'wina vakulu va Israele,

Yuwele 2:28

“Endzhaku ka sweswo, ndzi ta chela moya wa mina ehenhla ka nyama hinkwayo, ku ta profeta vana va n'wina va xinuna ni va xisati; swidyuhati swa n'wina swi ta lorha milorho, ni majaha ya n'wina ma vona mahlori.

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

1 Petro 4:6

Hikuva hikwalaho ka mhaka leyi, lava feke, na vona, va dyondzisiwile Evhangeli, leswaku va ta avanyisiwa enyameni hi mukhuva wa vanhu kambe va ta hanya emoyeni hi mukhuva wa Xikwembu.