Tito 3:8 - Nuevo Testamento Toba Sombrero Negro

⁸ Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Nuevo Testamento Toba Sur

⁸ Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

La'aqtaqa Ñim Lo'onatac 'Enauacna 2013

⁸ Qaq de'era sheetega ỹataqta 'eesa. Ỹoqo'oye ñeshetaique da ỹataqta 'auapaxaguenataxanec, yaqto' 'enauac na ỹa'amaqten Ñim Lo'onatac 'Enauacna ỹataqta npogoxoinapegue' da ỹo'ot ca ỹaỹamaqchiguiñi. De'era sheetega ỹataqta 'onaxaic, qataq huo'o naq naigui.

Tito 3:8 Referans Kwoze

Tito 3:14

Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Tito 1:9

'Noota ta'le yataqachiñe nematala't da'me yataqatelegue 'naqataĝanaĝac jo'ne qoyapaĝaguenec, qaedi nach'e ena'am yaqanatet ta'le yapaĝagueneque joda'me yataqatelegue gaa'me laqaya'olqa nataq'aen 'yañaqatetapeque qaedi nach'e eta't quetedalegue, nataq'aen qaedi yaqanatet ta'le noqotetapegalo gaa'me jo'ne te'me nautetedapega.

Tito 3:1

Ena'uaque jogaa'me anetouenaĝanaĝaneque queda'me 'noota ta'le uatec'alo jogaa'me jo'ne 'uo da'me lejaliaqa' nataq'aen gaa'me jaliaĝanaqa, choqoda'me yoqocha'alo jogaa'me, nataq'aen nach'e eta't niyamaĝateta'ajalo ta'le yauote da'me 'noota.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

Romanos 4:5

Qalaĝaja qom 'uo ga'me p'iya'a ñe'me Dios jo'ne yataqatelegue q'aen ga'me loeco lo'o, qama'le da'me lepe'e yovidalegue da'me Dios yiyamaĝaden qama'le yataqatelegue q'aen, mate mane'e qaya'te 'lonataqa 'me yotaua'n da'me 'uo ga'me niyamaĝadenataguec.

Juan 12:44

Jesús neteneque naa'me 'laqataqa da'me enaac: “Ga'me jo'ne jayem p'iya'a, ja jaldata da'me jayem p'iya'a, dite da'me nach'e ena'am p'iya'a ñe'me Taĝadena' jo'ne jayem namaĝaquena.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Filemón 1:11

Ca'li gaa'me noloqo'ote jo'ne yenoĝodegue, ñe'me Onésimo ch'e adelatac ca'li jo'ne qaya'te auen chiyaqayi, qalaĝaja nayi male 'uo ga'me auen chiyaqayi, nach'e ena'am da'me 'uo ga'me jen chiyaqayi.

2 Corintios 4:13

Daa'me nedii's jo'ne qoyedidiñe ca'li eet'oi: “Jep'iya'a ca'li ñe'me Dios, qo'che' nayi male jojetac.” Qo'mi nataq'aen jep'iyaqa ñe'me Dios, qo'che' ja'aĝataqatac da'me onaĝaic 'naqataĝanaĝac.

Hechos 12:15

Jogaa'me eedapega: —¡Am jalaĝai! Qalaĝaja jaga'me yachimaĝadejañe da'me yataqachiñe eja. Jogaa'me enapega't: —Ja naqaeñe, dite ñe'me lepaqal.

Efesios 4:28

Joga'me jo'ne cachaĝaic ca'li, 'noota qom yaĝañi da'me lecachaĝac. Nach'edata da'me t'onataĝan nayi qaedi 'uo ga'me chiyaqayi, qama'le yaqanatet da'me lecochiyalo gaa'me louenaĝanaĝaco.

1 Timoteo 2:8

Chane'eja, nale yema'a't gaa'me p'etaqadayaqa, 'uaediñe jepaquetapegalo ta'le gaa'me le'mi nodidijeguem naa'me loua' da'me yauote ga'me netamenaĝa'j. 'Noota qom yoqovichiguilo gaa'me lai'li, nataq'aen 'noota ta'le ja dalemata'y nataq'aen ja dapete'tape.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

2 Timoteo 1:12

Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.

Tito 2:7

nataq'aen nach'e eta't aua'uo da'me 'noota qaedi am yadenaĝa't jogaa'me. 'Noota qom qaya'te lale'gue da'me adapaĝaguenataĝanaĝac, nataq'aen yachimaqachiñe,

Hebreos 10:24

Qama'le onolqa'tape da'me qo'mi, 'noota qom jelaqaque ga'me lajoĝoc da'me ñecochaĝapega't, qaedi nichiguegue da'me qadoqopich'i, chayovida'a da'me nach'e eta't jauoqo da'me jo'ne 'noota.

Mateo 20:4

Qama'le dojapegue'to, enaac: «Nach'e ena'am ami auecaechiya di'me yanaĝanaqa' qaedi a'uonataĝañi, qama'le ami jejeteneque ga'me mach'e adajo'vii.» Jogaa'me eque' ca'li.