Tito 3:7 - Nuevo Testamento Toba Sombrero Negro

⁷ Dios qo'mi yichoĝode'n qama'le qo'mi e'n yataqatelo'te q'ae'n. Chane'eja ya'uo yema da'me dojo' qaedi jaqanatetaq ta'le nach'e ena'am jaconaĝaguet qomle ga'me nevitaĝanatac; qo'che' 'uo da'me qo'mi uetauelo 'me qadajoĝonataĝanaĝac, nach'eda da'me 'noyaĝac 'me ja 'naidena'a.

Nuevo Testamento Toba Sur

⁷ Ÿoqo'oyi nagui ñimayi ishit da qaltaq qomi' ÿaÿamaxadeete' souaxat da lqouagaxanaqtaic, qataq qomi' ÿanema da achaalataxac chochi tateec mayi ñaquitaqta'aguet.

La'aqtaqa Ñim Lo'onatac 'Enauacna 2013

⁷ Damaye ỹataqta saishet sa saxaguet, qalaxaye Ñimaye ỹachegoxotchigui da lqouagaxanaqtaic da qomi' ỹaconegueta, qataq qomi' ỹanema da yaqto' saconaxaguet da 'itchiguiñi achaalataxac chochaq tatec maye seuataqta'aguet.

Tito 3:7 Referans Kwoze

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Romanos 3:24

Qalaĝaja Dios, da'me lichoĝodenataĝanaĝac 'me qaya'te lajo'viyaĝac en qo'mi yataqatelo'te q'ae'n, chiyaqayi da'me nec'alaqataĝanaĝac 'me ya'uo ca'li ñe'me Cristo Jesús.

Tito 2:11

Naq'aeta da'me auapaĝagueneque ena'uaque joga'me p'etaqadaiquipi, qa'a joote yaloĝon da'me lichoĝodenataĝanaĝac joñe'me Dios, nach'eda ja qalaĝa q'aen da'me lec'alaĝa'j ena'uaque joga'me jiyaĝadipi.

1 Corintios 6:11

Uo'oe gaa'me naq'aeta ca'li da'me 'loyaĝa'j. Qalaĝaja male ami qonachilaĝa'n; male joote ami qoyiyota'alo qaedi oviyo'ot ñe'me Dios; male ami qoye'n yataqatelo'te q'ae'n; nach'eda lañoqotaĝanaĝac ñe'me Jaliaĝanec Jesucristo nataq'aen Lepaqal 'me ja 'nalegue ñe'me Qanedios jo'ne ami 'yetema da'me dojo'.

Tito 1:2

qaedi yataqachiñe yayate'n jogaa'me queda'me yacoteguet qomle da'me nec'alaĝac 'me qaya'te loiquiaqa'. Dios ja doqovinaĝatac: ca'li maliaĝa ja ye'et jena'me aleua, joote 'yaĝatetac ca'li da'me dojo' qaedi gaa'me lec'oqo'tepi joñe'me nach'e eta't 'uo da'me lec'alaĝa'j.

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

Gálatas 2:16

qalaĝaja jayatenaq queda'me jaldata ñe'me Dios yataqatelo'te q'ae'n jogaa'me jo'ne p'iida'a ñe'me Jesucristo, nataq'aen qaya'te gamachaqaega yaqanatet ta'le nec'aliyi daa'me namaĝajoĝonaĝaco nach'edi qom te'me que'teguelo. Chayovida'a mach'e qo'mi da'me jep'iyaqa ñe'me Jesucristo qaedi Dios qo'mi yataqatelo'te q'ae'n queda'me 'uo da'me qadepe'e, qa'a ñe'me Dios qaya'te gamachaqaega yataqatelo'te q'ae'n qom nach'edata da'me que'teguelo jodaa'me namaĝajoĝonaĝaco.

Romanos 11:6

Qama'le qom naqaeda da'me Dios lichoĝodenataĝanaĝac jo'ne chiyaqayi, male ja naqaegaua gaa'me 'nonataqa ta'le chiyaqayi, qa'a ta'le naq'aeta da'me lichoĝodenataĝanaĝac, ja nichoĝodenataĝanaĝac.

Gálatas 3:29

Chane'eja ta'le ademii'teguet ñe'me Cristo, qama'le ami qoyapetenegueta gaa'me Abraham lec'oqo'tepi, qama'le nach'e ena'am chimaqachiñe ta'le auacoñiyeguet ga'me joote yaqataĝañi 'laqatac ñe'me Dios jo'ne yanem ca'li ñe'me Abraham.

Romanos 4:16

Qo'che' da'me 'naqatac 'me qoyanem di'me Abraham ja qaya da'me lajo'viyaĝac 'me qoyanema qomle gaa'me c'oqo'tepi, nach'eda ch'e qoyanem 'me qaya'te lajo'vi, chiyaqalegue da'me lepe'e'. Dojo' 'naqatac yelo'teguet da'me nach'edata yiyamaĝatem ena'uaque jogaa'me jo'ne yoqotelo'te daa'me namaĝajoĝonaĝaco, dite da'me nach'e ena'am ena'uaque gaa'me jo'ne yoqotedelegue da'me nepe'e, ena'am di'me Abraham. Qama'le nach'eda naq'aeta da'me ena'uaque qo'mi mach'e qadet'a jodi'me.

Romanos 3:28

Naq'aeta da'me jovitaĝa da'me loiquiaqa'yaĝac: yataqatelegue q'aen ñe'me Dios ga'me jiyaĝaua jo'ne 'uo da'me lepe'e, ja yauaqa'a ta'le chiyaqalegue da'me qodique'teguelo daa'me namaĝajoĝonaĝaco.

1 Pedro 3:7

Qama'le naq'aeta da'me ami le'mi jo'ne joote a'uoñi, 'noota qom auayachiñe da'me aueloyeguet joda'me adouayaĝaqui, qama'le auañema da'me netelaĝac jo'ne mach'e loĝot, yajouaĝat da'me ja ena'am da'me 'lañaĝa'j jogaa'me yauo'. Nataq'aen 'noota qom qo'nonaĝachidegue gaa'me yauo', qa'a nach'e ena'ama da'me qoyiyaĝanalo qaedi ne'uaĝada'uo da'me nec'alaĝa jo'ne chiyaqayi da'me lichoĝodenataĝanaĝac ñe'me Dios. 'Noota qom naq'aeta da'me aueñe'teque qaedi qaya'te 'uo ga'me nauanegueta jogaa'me jo'ne mach'e anetamenaĝacodi'.

Hebreos 11:9

Chane'eja, yajouaĝat da'me 'uo da'me lepe'e, Abraham nalegue ga'me aleua jo'ne qoyaloĝona ca'li, ena'am ta'le yaqa'a, qama'le netaue ga'me ch'e nepaqaliaĝala' joca'li, nataq'aen ñe'me c'oĝot Isaac choqoñe'me laual Jacob, jo'ne nach'enaua 'me joote yacoteguet da'me jo'ne Dios 'yaĝatema.

Hebreos 11:7

Ñe'me Noé yataqata p'iya'a ñe'me Dios joca'li 'uo da'me 'yaĝatem, queda'me uo'oe qomle jogaa'me jo'ne maliaĝa ja qoyauanalo. Qama'le Noé paja'a da'me yoqo'cha joca'li, ye'et jaga'me nelicota lat'edai, qaedi nec'alaĝatedegue gaa'me 'lachaqadiaĝa'u. Chane'eja da'me lepe'e ñe'me Noé, nach'eda jo'ne yaloĝon da'me qoya'uo ga'me ne'uaĝanague'j jogaa'me jiyaĝa'u jo'ne neteda'ña jena'me aleua. Qama'le chiyaqayi da'me lepe'e ñe'me Noé, nach'eñe yataqata qoyiyamaĝaden.

Hebreos 6:17

Nach'e ena'am ñe'me Dios, da'me jetaque en 'yoqo'tegue da'me jo'ne yaloĝonalo yema ga'me lec'oqo'tepi jo'ne yacoteguet qomle da'me jo'ne qoyen loĝo't, qama'le yataqata 'naĝatelegue da'me 'laqatac ca'li yayatenaĝaneque da'me mach'e lelnataĝac jo'ne ja yitaĝa ta'le ya'uo ga'me dalaĝaic.

Gálatas 4:7

Chane'eja ami male ja aueñiya'ama jogaa'me nelataqapi, dite da'me yataqachiñe lec'oqo'tolqa ñe'me Dios, qama'le queda'me ami lec'oqo'tolqa, male chimaqachiñe ta'le nach'e ena'am auacoñiyeguet da'me leuoyaĝac joñe'me.

Romanos 4:4

Qama'le nayi, qom 'uo ga'me t'onataĝan ja ena'am ta'le ch'e neme ga'me nejetenaguec 'me qoyanem, dite da'me qa'a qoyejeten da'me 'lonataĝanaĝac.

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Mateo 25:34

Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

Marcos 10:17

Mane'e ca'li Jesús yenoĝonegue da'me jetaque yitaĝa ec, qama'le 'uo ñe'me jiyaĝaua jo'ne naqalegoqo'ta, qama'le yejoidiñe naa'me leliquetel da'me dajoya'aguet joñe'me, qama'le enaac, da'me yenat: —Paĝaguenataĝanaĝaic jo'ne am 'noota, ¿jach'e ga'me 'noota ta'le ja'uo qaedi jaqanatet ta'le jaue da'me 'yoyaĝac jo'ne ja 'naidena'a?

2 Ts 2:16

Ñe'me Dios jo'ne Qadet'a yataqata qo'mi noqopitalo chayovida'a da'me qo'mi yanema joda'me qat'añaĝac nataq'aen da'me qadeuataqataĝanaĝac jo'ne chiyoqo'ot da'me lichoĝodenataĝanaĝac joñe'me, nataq'aen joñe'me Qadec'alaĝaiqui Jesucristo,

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.