Tito 3:5 - Nuevo Testamento Toba Sombrero Negro

⁵ qama'le qo'mi nec'alaĝatedegue. Dojo' ya'uo ja naqaeda ta'le yajouaĝat da'me jauoqo ga'me chimaqachiñe, dite da'me yajouaĝat da'me yataqata qo'mi yichoĝode'n. Chane'eja ñe'me Lepaqal 'me ja 'nalegue yiyo'y naa'me qadai'li nataq'aen en dalaĝaic da'me qadañoĝoc qama'le qo'mi yadalaĝa't.

Nuevo Testamento Toba Sur

⁵ nachi qomi' nca'alaxatreec. Qaq de'eda qomi' i'oteque, sa ishit da huo'otaq naigui ca so'otaqtac ÿaÿamaqchiguiñi. Mayi ñimayi qomi' ichoxode'n. Ÿoqo'oyi qomi' nca'alaxatreec co'ollaq saxaigui da achilaxac mayi naigui da dalaxaic qadañoxoc qataq da dalaxaic qanachaalataxac mayi chigoqchigui so Espíritu Santo.

La'aqtaqa Ñim Lo'onatac 'Enauacna 2013

⁵ na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Tito 3:5 Referans Kwoze

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

1 Corintios 6:11

Uo'oe gaa'me naq'aeta ca'li da'me 'loyaĝa'j. Qalaĝaja male ami qonachilaĝa'n; male joote ami qoyiyota'alo qaedi oviyo'ot ñe'me Dios; male ami qoye'n yataqatelo'te q'ae'n; nach'eda lañoqotaĝanaĝac ñe'me Jaliaĝanec Jesucristo nataq'aen Lepaqal 'me ja 'nalegue ñe'me Qanedios jo'ne ami 'yetema da'me dojo'.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

1 Pedro 1:3

'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

Efesios 2:4

Qalaĝaja joñe'me Dios yataqata let'adaic da'me lichoĝodenataĝanaĝac, yataqata onaĝaicaloec, jouaĝat da'me jalcote da'me qo'mi noqopitalo.

Efesios 5:26

qama'le qo'mi 'yaĝatema da'me 'laqataĝanaĝac qaedi male yataqata e'n qo'mi loqo'te nataq'aen da'me qo'mi e'n yoqovite' da'me qo'mi qonachilaĝa'n,

Romanos 11:6

Qama'le qom naqaeda da'me Dios lichoĝodenataĝanaĝac jo'ne chiyaqayi, male ja naqaegaua gaa'me 'nonataqa ta'le chiyaqayi, qa'a ta'le naq'aeta da'me lichoĝodenataĝanaĝac, ja nichoĝodenataĝanaĝac.

Hebreos 4:16

Chane'eja da'me qo'mi, 'noota qom ena'te joqoleguetaq da'me jec'ataĝa'uo di'me lejaliaqa' joñe'me mach'e Qanedios jo'ne ñoqotaĝanaĝaic, qaedi joñe'me qo'mi lecochiyalo nataq'aen da'me qo'mi yichoĝode'n, gamachaqaega ga'me nolo' qom 'uo ga'me jouenaqataque.

Colosenses 3:10

Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Gálatas 2:16

qalaĝaja jayatenaq queda'me jaldata ñe'me Dios yataqatelo'te q'ae'n jogaa'me jo'ne p'iida'a ñe'me Jesucristo, nataq'aen qaya'te gamachaqaega yaqanatet ta'le nec'aliyi daa'me namaĝajoĝonaĝaco nach'edi qom te'me que'teguelo. Chayovida'a mach'e qo'mi da'me jep'iyaqa ñe'me Jesucristo qaedi Dios qo'mi yataqatelo'te q'ae'n queda'me 'uo da'me qadepe'e, qa'a ñe'me Dios qaya'te gamachaqaega yataqatelo'te q'ae'n qom nach'edata da'me que'teguelo jodaa'me namaĝajoĝonaĝaco.

Romanos 3:20

Qa'a qaya'te gamachaqaega eetapela't yedalegue da'me Dios yiyamaĝaden qa'a jouaĝat da'me que'teguelo daa'me namaĝajoĝonaĝaco, qa'a daa'me namaĝajoĝonaĝaco nach'edata da'me qo'mi yayatenaĝaneque da'me nach'e ena'am 'uo ga'me qadajouaĝajet.

1 Pedro 2:10

Da'me ami joca'li ja jalchi'ena ta'le ami noic laje', qalaĝaja nayi male ami noic jo'ne Dios lec'oqo'tepi. Joca'li ñe'me Dios cha'li ja ami 'te yichoĝode'n, qalaĝaja nayi male yataqata ami yichoĝode'n.

Efesios 4:23

Qama'le 'noota ta'le yataqata qoyadalaĝa't jogaa'me adelnataĝacodi',

Romanos 3:28

Naq'aeta da'me jovitaĝa da'me loiquiaqa'yaĝac: yataqatelegue q'aen ñe'me Dios ga'me jiyaĝaua jo'ne 'uo da'me lepe'e, ja yauaqa'a ta'le chiyaqalegue da'me qodique'teguelo daa'me namaĝajoĝonaĝaco.

Romanos 9:11

Qama'le ca'li maliaĝa jona'li niyidiñe jogaa'me qamaliaĝa ja yayate'n ta'le yauote gamachaqaega, uotaĝa 'noota uotaĝa ja no'en, qama'le naq'aeta da'me yiyamaĝachiñe da'me ladiquiyaĝac 'me Dios ladiquiyaĝac q'aen da'me 'uo ga'me liquiyac naloteguet ga'me jetaque ye'et, jogaa'me jo'ne jetaque yiyaĝanalo, ja yec'ate'n gaa'me 'lonataqa jo'ne joote yauote jogaa'me.

Lucas 1:78

Qa'a da'me let'adaic lichoĝodenataĝanaĝac ñe'me mach'e Qanedios, Qama'le qo'mi namaĝalo ñe'me Qadec'alaĝaiqui, jo'ne chiyaqaje'ma di'me p'ajeguem, ena'am ta'le nolo' jo'ne dalaĝaic,

Lucas 1:54

Qo'mi lecochiyalo, qo'mi jo'ne qo'mi Israel lec'oqo'tepi, jo'ne qo'mi mach'e nejoĝonaqa, qa'a ja yapalaĝate'ta da'me qo'mi yichoĝode'n,

Lucas 1:50

¡Nach'e eta't 'uo da'me lichoĝodenataĝanaĝac jogaa'me jo'ne naĝadi'ñejop joñe'me!

Tito 3:4

Qalaĝaja ca'li ñe'me Dios mach'e Qadec'alaĝaiqui yaloĝon da'me lichoĝodenataĝanaĝac nataq'aen da'me loqopich'i jouaĝat ga'me jiyaĝadipi,

Romanos 9:30

Qama'le da'me dojo', ¿jach'e ga'me jenaqaac? Da'me chiyaqayi da'me nepe'e, Dios e'n yataqatelo'te q'ae'n joga'me ja judiopi, jo'ne ja yelotedaque ga'me chimaqachiñe.

Romanos 9:16

Chane'eja ja naqaega chiyaqayi ga'me jiyaĝaua yepaquetapega uotaĝa 'nañaĝatetac, dite da'me naqaeñe ñe'me Dios da'me yichoĝoden joga'me.

Romanos 4:5

Qalaĝaja qom 'uo ga'me p'iya'a ñe'me Dios jo'ne yataqatelegue q'aen ga'me loeco lo'o, qama'le da'me lepe'e yovidalegue da'me Dios yiyamaĝaden qama'le yataqatelegue q'aen, mate mane'e qaya'te 'lonataqa 'me yotaua'n da'me 'uo ga'me niyamaĝadenataguec.

Lucas 1:72

Nataq'aen queda'me ja yapalaĝate'talo da'me yichoĝode'n jodia'me jachiyojoĝogueta jo'ne mach'e qadet'al, Da'me ya'uo da'me yataqachiñe ja 'nalegue ca'li ye'tem ga'me jiyaĝadipi qaedi male niyamaĝadeteguet joñe'me.

Hebreos 6:6

qalaĝaja da'me male yaĝañi da'me lepe'e, nach'ega ga'me jiyaĝaua jo'ne ja yaqanatet ta'le yitaĝa 'ñemaĝañi. Ja yaqanatet ta'le yitaĝa 'niyeloqot joñe'me Dios qa'a ena'am ta'le naqaega jo'ne yitaĝa yep'elegue jaga'me nesodoso joñe'me Dios Lec'oĝot da'me yataqata ye'uetac joñe'me.

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Romanos 11:14

Jepaquetapega ta'le uo'oe gaa'me mach'e 'yachaqadiaĝa'u nometeguet da'me netotaĝa'j jouaĝat ami, qaedi naq'aeta da'me jaueguelo da'me lec'alaĝa'j.

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.