Tito 3:2 - Nuevo Testamento Toba Sombrero Negro

² 'Noota qom ja ja 'noe'n naa'me 'laqataqa jo'ne yachalo'te gaa'me laqaya'olqa, ja loequiaĝayaqa, nataq'aen 'noota qom choĝodenataĝanaĝayaqa, nataq'aen ja en 'te 'yoĝodenaĝaic da'me 'loyaĝa'j nale dajoya'agueta gaa'me laqaya'olqa.

Nuevo Testamento Toba Sur

² Sa ishit da quetapeguelec ca lÿa. Chaqdata da huo'o da lhualaxavic qataq da lsoxoyic. Qataq huosotta da lataxac da huetapegue' ca camachaqca shiÿaxaua.

La'aqtaqa Ñim Lo'onatac 'Enauacna 2013

² Qataq saishet da qauema naua la'aqtaqa da detaqtega ca lỹa, nachaqrata da nmitaique da nlagaxayec, qataq huo'o naq 'enec naqa'en ca lỹa, qataq ỹachaxan da huesota lataxac da ỹalectaigui na shiỹaxauapi.

Tito 3:2 Referans Kwoze

Efesios 4:31

Aĝañiñi da'me anaucheñiya ga'me adaqayai; ena'te aualemataitac; ena'te aueloiquiitapega't; ena'te auachinataĝañilegue ga'me adaqayai uotaĝa ta'le a'uotañi nale.

Efesios 4:2

Ena'te ami 'yoĝodenaĝayaqa, dite da'me 'noota qom yataqata ami joĝodayaqa naa'me adai'lidi' nataq'aen da'me anapogaĝadeñi. 'Noota qom auodenataĝañetac nale, chiyaqayi da'me adoqopich'ii.

1 Timoteo 3:3

'Noota qom ja lataĝa lae't, uotaĝa ta'le ja dodinataĝanac, dite da'me yataqata qopitaĝanaqataqaic, napogaĝadeneguet ga'me ja no'en, nataq'aen ja en 'te p'ajaye jaga'me laicaua.

1 Pedro 3:10

Qa'a naa'me nedii's jo'ne qoyedidiñe joca'li eet'oi: “Joga'me jo'ne jetaque noqopita da'me 'noyaĝac Nataq'aen da'me tauelo jogaa'me noloqo'ote jo'ne machidiñe, 'Noota qom netela na'me lachaĝat qaedi ja 'yaĝatetac ga'me ja no'en Nataq'aen na'me nedegaĝat qaedi ja nenaĝategue ga'me noqovinaĝanaĝac.

1 Pedro 3:8

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.

Santiago 4:11

Ami yaqaya'olqa, 'noota qom nach'e eta't da'me a'uamaqachiñe' gaa'me adaqayadi', qa'a joga'me jo'ne en ja no'en na'me 'laqatac 'me yachalegue joga'me jo'ne mach'e laqaya, choqoda'me naloqote'n, nach'ega jo'ne nach'e ena'am da'me en ja no'en ga'me 'laqatac q'aen da'me yejouetac da'me Dios lamaĝajoĝonaĝac, queda'me ya'uo da'me mach'e laloqotenaĝanaĝac da'me dojo' namaĝajoĝonaĝac. Qama'le nach'ega jo'ne ja yoqo'cha da'me dojo' Dios 'laqatac.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

Mateo 11:29

'Noota qom auacoñiyeguet jena'me yepiñejec jo'ne ami janema, nataq'aen 'noota qom jayem auayachiñe queda'me 'uo da'me ñapogaĝadenaĝac nataq'aen joĝodaic jena'me yeuel; nach'eda eeta da'me male 'nomategue jonaa'me adai'lidi'.

1 Pedro 2:1

Chane'eja 'noota qom aĝañidiñi ena'uaque naa'me yodapecache jo'ne ja 'noe'n. Ena'te auoqovinaĝañetac, uotaĝa ta'le ja ami 'te yataĝalo'te, uotaĝa ta'le 'uo ga'me adep'aguenataĝanaĝaqui uotaĝa ga'me ade'uenaĝanaĝaqui.

Santiago 3:17

Qalaĝaja jogaa'me jo'ne ue'tajopa joda'me nayatenaĝanaĝac jo'ne chiyaqaje'ma joñe'me Dios, 'uaeñe da'me nedo'ta't yema joda'me 'loyaĝac, nataq'aen da'me joĝodaic choqoda'me onaĝaicaloec, nataq'aen choĝodenataĝanaĝayaqa nataq'aen da'me yataqatelegue ya'uo da'me lecochaĝac jo'ne onaĝaic, nataq'aen da'me ja ch'e noqovila't, choqoda'me onaĝaic joda'me ya'uo.

Gálatas 6:10

Qo'che', qom nach'e eta't jaqanatetaq, je'etaĝama da'me 'noota jogaa'me qadaqaya', qalaĝaja yataqachiñe p'ajaye yecochaĝalo jogaa'me jo'ne quetegue ñe'me Cristo.

Gálatas 6:1

Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

1 Timoteo 3:11

Nataq'aen jogaa'me yauo' jo'ne jetaque uedaue jena'me jenjo', 'noota ta'le yauo' jo'ne onaĝayaqa loec, ja 'noota ta'le quejaĝail, 'noota ta'le yataqata joĝodail, uotaĝa yataqata ejoda nale 'uo ga'me yauote.

1 Ts 2:7

Qalaĝaja ta'le ami jenaqateque da'me dojo' jo'ne ami jaloĝonaĝalo ga'me t'adaic nejaliaĝa jo'ne qo'mi ue'tajopa da'me qo'mi lamaĝa's joñe'me Cristo, qalaĝaja da'me qo'mi nach'edata da'me jadenaĝataq da'me qo'mita jaqayi't nale ami jouaqatauelo, ena'am jaga'me nat'e nale yataqata netela ga'me yataqata c'oqo'te.

Filipenses 4:5

'Noota qom ami qoyayate'n nale da'me yataqata ami choĝodenataĝanaĝayaqa, qa'a joñe'me Qadejaliaĝanec 'niyelaq jo' qomle.

1 Corintios 9:19

Mate mane'e ja jayem 'te lelatac gamachaqaega, qalaĝaja jayem je'etec da'me 'yoyaĝac da'me ena'am ta'le ena'uaque ami jayem adelataqui, qaedi da'me yomataĝanaĝac jen p'etaqadaiquipi ga'me jiyaĝadipi.

2 Corintios 12:20

Jo'oyapega nale jenate'ta qom ami jec'atalo da'me ami jejapichiyalo, qama'te jauana ga'me at'oyaĝaqui jo'ne ja ja'amaqaten, nataq'aen jayem auañiya ga'me 'yoyaĝac jo'ne ja naqaega ta'le jetaque auañiya. Jo'oyapega ta'le ami jejomalo'te da'me aueloquitapega't, uotaĝa aualemataitapega't, 'uo da'me 'yotaĝac, nachinataĝanaĝac, novidaqataĝanaĝac, 'yoĝodenaĝac nataq'aen qaya'te niyamaĝa ami uetauelo.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Hechos 23:5

Pablo 'yategueta, enaac: —Ami yaqaya'olqa, jayem ja jayaten ta'le naqaeñe ñe'me tamenaĝaiqui lo'olpi lajoĝola'; qa'a daa'me nedii's jo'ne qoyedidiñe joca'li eet'oi: «Ena'te auachalegue da'me ja no'en ñe'me jo'ne nejaliaĝatelegue ga'me adayi.»

Judas 1:10

Qalaĝaja jenjo' jiyaĝadipi yataqata ja 'noe'n gaa'me 'laqataqa jo'ne yedaĝatapegalo jogaa'me jo'ne ja yateto'n. Nataq'aen ga'me te'me latetonaĝanaĝa'j ena'am ga'me jiyac jo'ne qaya'te yatetonac, qama'le qom 'uo ga'me yauote, nach'ega jo'ne 'naĝa't jogaa'me.

Judas 1:8

Temaqaedi da'me 'uo da'me dojo' naloqotenaĝanaĝaiqui, pilaetaĝa yaqalan taĝa jena'me jenjo' jiyaĝadipi jo'ne quetapegue'to jonaa'me lichoĝonaĝaco, qama'le 'naĝa't da'me mach'e 'loyaĝa'j, nataq'aen ja yacoteguet da'me lamaĝajoĝonaĝac joñe'me Qadejaliaĝanec, nataq'aen ja yiyamaĝate'tape daa'me 'laqataqa nale enapegalo jogaa'me namaĝa'spi jo'ne 'uo ga'me li'yoĝodi'j.

2 Pedro 2:10

Joñe'me Jaliaĝanec yataqata ye'uaĝa'n qomle ena'uaque jogaa'me jo'ne ja yaĝadiñi da'me quetalo'te naa'me namaico jo'ne ja 'noe'n nataq'aen da'me ja yacoteguet da'me lamaĝajoĝonaĝac ñe'me Jaliaĝanec. Yataqachiñe t'añi'y jogaa'me nataq'aen p'aguenataĝanaĝayaqa, choqoda'me qaya'te loqolanaqa' da'me yojoue'n gaa'me neteda'ague di'me piyem jo'ne 'uo da'me 'lonaĝa'j.

1 Pedro 4:4

Qalaĝaja nayi da'me male ja aualequechiñe da'me napacalo'te ja 'noe'n q'ae'n da'me nejiyaĝauayaĝa'j jogaa'me ja p'etaqadayaqa; qo'che' jogaa'me male loualeteguet qama'le ami ye'ue'tape.

1 Corintios 6:10

uotaĝa gaa'me dalataĝa'n nale decachi'y, uotaĝa gaa'me pitaĝanaqataqayaqa, uotaĝa gaa'me taĝayaqa nale, uotaĝa gaa'me 'uenaĝanaĝayaqa, uotaĝa gaa'me cachaĝayaqa. Qaya'te onolec naa'me naajo' yaqanate't ta'le taue joda'me lejaliaĝa ñe'me Dios.