Tito 3:14 - Nuevo Testamento Toba Sombrero Negro

¹⁴ Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.

Nuevo Testamento Toba Sur

¹⁴ Nataq'en na qadqaÿañicpi 'amqajnataxanaxaicpi 'onaxaic da ÿaÿaten da i'ot ca no'on, qataq da itauan ca huo'o da lhuenaxanaxa, yaqto' da nachaalataxac namayipi ÿataqta huo'o da lañaxataxac.

La'aqtaqa Ñim Lo'onatac 'Enauacna 2013

¹⁴ Nataqa'en na qarqaỹañicpi 'amqaanataxanaxaicpi, 'onaxaic da ỹaỹaten da ỹo'ot ca no'on, qataq da itauan cam huo'o da lhuenaxanaxa, yaqto' da nachaalataxac namayepi ỹataqta huo'o da naigui.

Tito 3:14 Referans Kwoze

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

Mateo 7:19

Qama'le yema jaga'me epaq jo'ne ja 'noota ga'me jala, qoyequejoĝoye qama'le qoyijaĝañgui ga'me dole'.

2 Pedro 1:8

Qom naq'aeta da'me aueñi adoqochidi' naa'me naajo' jo'ne uo'oe nataq'aen da'me anichiyaĝachiyegue, qama'le da'me at'oyaĝaqui 'uo ga'me chiyaqayi qomle, qa'a ja ch'e yajamaĝajaye da'me auatetoñi ñe'me Jesucristo mach'e Qadejaliaĝanec.

Filipenses 4:17

Da'me dojo' jo'ne ami ja'aĝatema nayi, ja jelotaque ta'le yitaĝa 'uo joga'me jayem auañem. Nach'edata da'me jelotaque da'me nichiquetaye ga'me anejetenaguequi jo'ne Dios ami yanema qomle.

Efesios 4:28

Joga'me jo'ne cachaĝaic ca'li, 'noota qom yaĝañi da'me lecachaĝac. Nach'edata da'me t'onataĝan nayi qaedi 'uo ga'me chiyaqayi, qama'le yaqanatet da'me lecochiyalo gaa'me louenaĝanaĝaco.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Juan 15:8

Qom jalcote da'me anejalayaĝaqui qama'le auovidiya'a da'me ami yataqatelo'te yapaĝaguenataqa: nach'eda da'me dojo' jo'ne yaloĝon da'me 'lonaĝac ñe'me Taĝadena'.

2 Ts 3:8

Nataq'aen nale 'uo ga'me jaliguinaq ja ch'e ta'le jaconaĝa, dite da'me yataqata qaneuodenaĝac nale, jo'onataĝatac nale nolo' uotaĝa pi'yaq, qaedi uotaĝa ja yedalegue da'me ch'e qo'mi auachichi, uotaĝa qo'mi avichoĝodeñi', ja naq'aeta.

Hechos 20:35

Nach'e eta't ami japaĝagueneque queda'me 'noota qom naq'aeta da'me a'uonataĝañi, qaedi auaqanachichi ta'le alecochiiyalo gaa'me jo'ne 'uo da'me louenaĝanaĝa'j. Anetoviñetapega gaa'me 'laqataqa ca'li ñe'me Jaliaĝanec Jesús: «P'ajaye namaic da'me 'uo ga'me qoyanegue, ja ena'am da'me 'uo ga'me qonauela't.»”

Mateo 21:19

Ga'me ladic, yela'a jaga'me epaq jo'ne higuera, qama'le uayoĝo'ta, qalaĝaja ja yauana jaga'me jala, nedo'ta't jana'me layoqote. Chane'eja enapega jaga'me higuera: —¡Chiyoqochiñe nayi ja yitaĝa aueco'o! Qanach'e ua'a da'me paja'a daqaqa jaga'me higuera.

Hechos 18:3

queda'me nach'e ena'am ga'me jo'ne yayate'n 'me 'lonata'j jo'ne nach'ena ye't ga'me ualoq 'me machaĝaqui qama'le uetauelo jogaa'me qaedi t'onataĝa'n.

1 Ts 2:9

Ami yaqaya'olqa, anetoviñetac ga'me qat'onataĝanaĝac ca'li, choqoga'me yataqata qadepagaĝac qaedi maqachaĝa 'uo ga'me qadomataĝanaĝac ga'me 'noyaĝac, yataqata 'uo ga'me qat'onataĝanaĝac gaa'me noloqo'ote chayovida'a gaa'me pi'yaĝadi, qaedi ja ami 'te qaueladetalo'te ca'li da'me ami, da'me cha'li ami ja'aĝataqatapema joga'me 'naqatac jo'ne yataqata chiyoqo'ot joñe'me Dios.

Romanos 15:28

Chane'eja qom maqachaĝa jomat da'me dojo' nataq'aen qom joote janema jana'me necochanaqate jogaa'me, qama'le jajo'tague di'me España uotaĝa ami jayoĝolo'te qaedi cada'ac ami jejapichiyalo.

Romanos 12:13

Gaa'me louenaĝanaĝaco gaa'me Dios lec'oqo'tepi 'me ja 'nalo'te, 'noota qom anaviquila't; a'nonaĝachiyeguilo gaa'me jo'ne ami dejapichiyalo.

Filipenses 4:16

Nataq'aen ca'li joue'ta di'me Tesalónica ja onolec ga'me najaqaje jo'ne jayem auamaqaiya ca'li.

Tito 2:8

nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.