Tito 3:10 - Nuevo Testamento Toba Sombrero Negro

¹⁰ Qom 'uo ga'me ja nalo'ta'ajalo q'ae'n ga'me p'etaqadaiquipi, qama'le auayatenaĝanec queda'me ya'uo ga'me ja chimaqachiñe; qom ja yaĝañi qama'le yitaĝa auayatenaĝanec. Qom maliaĝa ja am 'te yoqo'cha, qama'le ja yitaĝa auaje'tem ta'le dojapegue'to joga'me p'etaqadaiquipi.

Nuevo Testamento Toba Sur

¹⁰ Da huo'o ca sa nhuojna't naq'en na 'amqajnataxanaxaicpi, camayi ÿataqta 'autaxaÿot. Qaq da 'am sa ÿalaxaguet da mashi dos 'avi'iguelaxalec da qonapega, camayi nal'en da 'auÿotauga.

La'aqtaqa Ñim Lo'onatac 'Enauacna 2013

¹⁰ Da huo'o ca sa nhuoona't naqa'en na 'amqaanataxanaxaicpi, nache camaye ỹataqta 'autaxaỹot. Qaq da 'am sa ỹalaxaguet da mashe dos 'avi'eguelaxalec da qonapega, nache camaye 'anqateeguesop na 'amqaanataxanaxaicpi.

Tito 3:10 Referans Kwoze

Romanos 16:17

Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me,

2 Juan 1:10

Qom 'uo gamachaqaega ami dejapichiyalo jo'ne ja dapaĝaguenataĝanec da'me dojo' Cristo lapaĝaguenataĝanaĝac, ena'te aueñi taue ga'me at'emequi uotaĝa ta'le auep'iyeñi;

2 Timoteo 3:5

Nalaĝayelo da'me eetedapega 'uo ga'me lepe'e', qalaĝaja yataqata yoqolegue't da'me qadepe'e ladic. Ena'te ta'le ch'e cholic da'me aualegouelo naa'me naajo' jiyaĝa'u,

2 Ts 3:14

Qom 'uo ga'me ami uetauelo jo'ne ja yoqo'cha ga'me qadapaĝaguenataĝanaĝac 'me uaye janjo' qadediije, qama'le aueloi'ta joga'me nataq'aen ena'te anichiquii'uo, qaedi yataqata nepocoq.

2 Ts 3:6

Ami yaqaya'olqa, yitaĝa ami jaqataĝalo, qa'a qo'mi lamaĝa's joñe'me Qadejaliaĝanec Jesucristo, 'noota qom auelodiye'ye gamachaqaega ga'me adaqayai jo'ne ja t'onataĝan, nataq'aen ga'me jo'ne ja que'tegue da'me qadapaĝaguenataĝanaĝac jo'ne ami janemaĝama ca'li.

Gálatas 5:20

Netamenoto gaa'me qop'iya'alo 'me ja ejoda, napaĝagueta da'me 'uo ga'me napinec qaedi pi'yoĝo'n nataq'aen ja yeuote'n gaa'me laqaya'. Mach'egaua deloiquitapega't, c'alaĝanaĝayaqa nataq'aen gamachaqaega yalemataĝanaĝa'n. Mach'e niyamaĝadetapela'ajalo, nach'e eta't necotayapega't, nataq'aen jogaa'me chiyaqayilo da'me male onolqa'tape uo'oe naa'me mach'e tayapegue'galo.

Gálatas 5:12

Qama'le gaa'me jo'ne ami yeloiquiaĝa'tape, ¡'noota qom mach'egaua yema yichaĝadegue naa'me lapa'che lael!

1 Corintios 11:19

Qa'a Dios ami yaje'tema da'me mach'e ami ja adaloi'ta't qaedi yataqate' di'yoqochiguilo gaa'me jo'ne 'nañaĝatela'ajalo uetedaue da'me yataqatelegue napaĝaguenataĝanaĝac.

2 Corintios 13:2

Ga'me yejapichaĝac jo'ne uañe laeñi, ami jaqateque queda'me ja jayem 'te damitelegue qom jajoya'agueta gaa'me jo'ne yauote da'me loe'j ca'li, nataq'aen ena'uaque joga'me loeco lo'olpi. Nayi da'me jayem qayalegue, nach'edi ji'iyelaĝatelegue da'me yaqataĝac jo'ne joote ami janema.

2 Pedro 2:1

Nach'e ena'am uo'oe joca'li jogaa'me laqaya' netedaue ga'me noic jo'ne Israel jo'ne enapela'ajalo 'laqataĝanaĝanaqa ñe'me Dios, qalaĝaja ja eja. Qama'le nach'e ena'am da'me ami netedaue qomle jogaa'me paĝaguenataĝanaĝayaqa jo'ne qovinaĝanaĝayaqa. Jogaa'me dapaĝaguenataĝa'n qalaĝaja naa'me mach'e lelnataĝaco yoĝochidiñe queda'me jetaque yapalaĝa't ena'uac, chayovida'a da'me nematedapec da'me 'loyaĝac ñe'me mach'e Lejaliaĝane'j jo'ne yachiyoĝotedaue da'me ne'uaĝanague'j, jenjo' jo'ne chiyaqayi da'me paja'a 'uo da'me lachoĝode'j qoyen jo'ne ne'uaĝanague'j let'adaic.