Tito 3:1 - Nuevo Testamento Toba Sombrero Negro

¹ Ena'uaque jogaa'me anetouenaĝanaĝaneque queda'me 'noota ta'le uatec'alo jogaa'me jo'ne 'uo da'me lejaliaqa' nataq'aen gaa'me jaliaĝanaqa, choqoda'me yoqocha'alo jogaa'me, nataq'aen nach'e eta't niyamaĝateta'ajalo ta'le yauote da'me 'noota.

Nuevo Testamento Toba Sur

¹ 'Auennataxanaxanec na 'amqajnataxanaxaicpi da ÿataqta ÿoqochi'iguet qataq ÿalaxalec na nta'alpi mayi lta'adaicpi qataq na ltauapi. Chaqdata da lhuotta da i'ot ca camachicague't no'on n'onataxanaxac.

La'aqtaqa Ñim Lo'onatac 'Enauacna 2013

¹ 'Auennataxanaxanec na 'amqaanataxanaxaicpi da iuen da ỹachaxana da lalaxayec na nta'alpi maye 'amaqtaqaicpi qataq na ltauapi. Qataq nache 'eetai' da lhuotta da ỹo'ot ca ỹaỹamaqchiguiñi.

Tito 3:1 Referans Kwoze

Mateo 22:21

Jogaa'me 'yadeteguet: —Nach'eñe ñe'me lejaliaĝane'j ga'me Roma laje'pi. Chane'eja ñe'me Jesús enapegalo: —Qama'te auañem ñe'me lejaliaĝane'j ga'me Roma laje'pi ga'me jo'ne mach'e loĝot, nataq'aen auañem ñe'me Dios ga'me jo'ne mach'e loĝot ñe'me Dios.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

2 Timoteo 2:21

Chane'eja qom 'uo joga'me jiyaĝaua niyamaĝatela't, t'oiya'agueta daa'me daajo' 'nonataqa laqaya' jo'ne ja 'noe'n, qama'le nach'ega ena'am ta'le le'ec jo'ne 'uo ga'me lajo'viyaĝac, jo'ne nemenot joñe'me Jaliaĝanec nataq'aen yataqata youen, qama'le male tayet joga'me en 'lonatac jo'ne onaĝaic.

2 Timoteo 1:6

Chane'eja yitaĝa am ja'aĝatem qaedi ena'te aĝañi da'me auen t'onataĝan na'me jo'ne Dios am yanem ca'li youa' am jecodelegue.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

1 Timoteo 4:6

Qom auapaĝaguenataĝaneque naa'me naajo' namaĝajoĝonaĝaco jogaa'me adaqaya', qama'le am yataqata eja nataq'aen onaĝaic lamaĝajec joñe'me Cristo Jesús. Qa'a nataq'aen yataqata aue'n ejoda naa'me 'naqataqa jo'ne en t'añi da'me qadepe'e, nach'enaua jo'ne joote oquetapegue'to 'me napaĝaguenataĝanaĝaco jo'ne yataqata onaĝayaqa.

1 Timoteo 2:2

Nataq'aen anetameñilo'te nale gaa'me p'ajodaye nataq'aen jogaa'me jaliaĝanaqa, qaedi 'uo da'me qat'achaqa'yaĝac 'me 'noota, uotaĝa qo'mi yataqata machidiñe, choqoda'me 'uo da'me qadepe'e chayovida'a onaĝaic da'me qadoec.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

2 Pedro 1:12

Chane'eja nach'e eta't da'me ja jaĝañi da'me ami ñetouenaĝanaĝaneque yema da'me dojo', queda'me joote yataqachiñe auayachiñe nataq'aen da'me nach'e eta't da'me oquitalegue da'me eja jo'ne joote ami qoyapaĝagueneque.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Judas 1:5

Mate mane'e joote auayachiñe da'me dojo', qalaĝaja jetaque ami ñetouenaĝanaĝaneque da'me jo'ne ya'uo joca'li ñe'me Jaliaĝanec, queda'me jetaque nec'alaĝatedegue gaa'me Israel lec'oqo'tepi. Qama'le ya'uo da'me naqatedegue jogaa'me, yachiyoĝotauelo jogaa'me Egipto laje', qalaĝaja ca'li yem da'me dojo' qama'le yapalaĝa't jogaa'me jo'ne ja p'iida'a joñe'me.

Tito 3:14

Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.

2 Timoteo 2:14

Nach'e eta't anetouenaĝanaĝaneque jogaa'me adaqaya' jena'me jenjo'; nataq'aen queda'me yataqata am yec'atetac ñe'me Qadet'a, a'uelopeque jogaa'me jiyaĝadipi qaedi qaya'te napetaĝac, qa'a da'me dojo' yataqata qaya'te yelo'teguet, mac joda'me 'naĝa't nale gaa'me maqachaĝa te'me naquiaĝatedapega da'me dojo' 'naqatac.

Tito 1:16

Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.