Tito 2:8 - Nuevo Testamento Toba Sombrero Negro

⁸ nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.

Nuevo Testamento Toba Sur

⁸ Qataq na 'adapaxaguenataxanaxaco ÿataqta no'oite' naq'en, yaqto' sa ishit da huo'o ca n'aqtaguec da 'au'axattac. Nachaqdata da n'aloxon naq'en ca depa'aguenataxaatac, cha'ayi sa ishit da huo'o ca qami' ÿasaxalguete l'aqtac sa ÿaÿamaxañi.

La'aqtaqa Ñim Lo'onatac 'Enauacna 2013

⁸ Qataq naua 'arapaxaguenataxanaxaco ỹataqta no'oite' 'anqa'en, yaqto' saishet da huo'o ca 'am quetapeguelec. Da 'auo'ot de'era sheetega, nache na'aloxon 'anqa'en nam qomi' ipa'agueeta'ape, nache saishet da huo'o ca qauem la'aqtac da qomi' ỹasaxaleguete.

Tito 2:8 Referans Kwoze

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

1 Pedro 2:15

Qa'a naq'aeta da'me loequenataĝanaĝac ñe'me Dios: qom auauoyi da'me chimaqachiñe, qama'le jogaa'me jo'ne qaya'te layatenaĝanaĝac nataq'aen jogaa'me chiyoĝo's qaya'te ladi'j ta'le ami dachinataĝalo'te.

1 Pedro 3:16

Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.

1 Timoteo 6:3

Qom 'uo ga'me dapaĝaguenataĝaneque gaa'me mach'e lelnataĝaco jo'ne ja 'yamaqate'n da'me napaĝaguenataĝanaĝac jo'ne yataqata eja 'me chiyoqo'ot joñe'me mach'e Qadejaliaĝanec Jesucristo, chayovida'a ja yeuaten da'me mach'e qadepe'e ladic,

2 Ts 3:14

Qom 'uo ga'me ami uetauelo jo'ne ja yoqo'cha ga'me qadapaĝaguenataĝanaĝac 'me uaye janjo' qadediije, qama'le aueloi'ta joga'me nataq'aen ena'te anichiquii'uo, qaedi yataqata nepocoq.

1 Timoteo 5:14

Chane'eja jepaquetapega ta'le jogaa'me p'ail jo'ne jona'li 'yaĝainadi', 'noota ta'le yitaĝa yauote gaa'me loua', qama'le yitaĝa uo'oe gaa'me c'oqo'te, nataq'aen male 'uo ga'me mach'e 'lachaqa'yaĝa'j jo'ne qoyen 'lonata'j, qama'le qaya'te en ladic gamachaqaega ga'me nojaĝac jo'ne ja no'en nale chiyoqo'ot ñe'me payac.

Lucas 13:17

Ca'li Jesús nenaĝategue da'me dojo', gaa'me laute'upi 'uo da'me lepocoqo't; qalaĝaja yema ga'me jiyaĝadipi male made'tapolqa ca'li yauata gaa'me t'adayaqa uo'oe jo'ne 'lonataqa joñe'me.

Marcos 12:34

Ca'li Jesús yayaten queda'me yataqachiñe 'noota da'me 'lataĝac ñe'me paĝaguenataĝanaĝaic daa'me Dios lamaĝajoĝonaĝaco, qama'le enaac: —Maqachaĝa adauaqa'a da'me Dios lejaliaĝa. Nataq'aen queda'me ja yitaĝa 'uo ga'me ch'e yapinalegue da'me yauo'oe gaa'me lenataĝanaĝaco.

Marcos 12:32

Qama'le ñe'me judiopi napaĝaguenoqo't enaac: —Yataqachiñe 'noota, paĝaguenataĝanaĝaic: yataqachiñe eja da'me anenaĝategue queda'me 'uo ñe'me Dios jo'ne onolec, nataq'aen qaya'te dios laqaya.

Marcos 12:28

Qama'le 'uo ñe'me jiyaĝaua jo'ne judiopi napaĝaguenoqo't jo'ne domachitapegalo da'me necotetapega't. Mane'e da'me yayaten queda'me onaĝaic da'me 'lataĝac ñe'me Jesús, qama'le yec'ata joñe'me da'me yenat: —¿Jach'e ga'me p'ajaye daa'me Dios lamaĝajoĝonaĝaco?

Marcos 12:17

Qama'le Jesús enaac: —Chane'eja chimaqachiñe da'me auañem ga'me jo'ne mach'e loĝot ñe'me lejaliaĝane'j gaa'me Roma laje', nataq'aen auañem ñe'me Dios ga'me mach'e loĝot. Qama'le jalcote da'me yoqochetem da'me 'laqatac joñe'me.

Tito 3:14

Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.