Tito 2:7 - Nuevo Testamento Toba Sombrero Negro

⁷ nataq'aen nach'e eta't aua'uo da'me 'noota qaedi am yadenaĝa't jogaa'me. 'Noota qom qaya'te lale'gue da'me adapaĝaguenataĝanaĝac, nataq'aen yachimaqachiñe,

Nuevo Testamento Toba Sur

⁷ Qataq 'am ÿataqta 'auachaxana namayipi ca no'on n'aqtaguec da 'ad'onataxanaxac. Da 'auapaxagueetac, sa ishit da huo'o ca camachaqca 'oxottapiguiñi. Chaqdata da sa 'auasaguettac.

La'aqtaqa Ñim Lo'onatac 'Enauacna 2013

⁷ Qataq 'am ỹataqta 'auachaxana namayepi ca no'on 'aro'onataxanaxac. Da 'auapaxaguenataxaatac qalaq saishet da 'auasaguettac.

Tito 2:7 Referans Kwoze

1 Pedro 5:3

Ena'te aueñe'tem ta'le yataqachiñe auoqochiyaja'am jogaa'me jo'ne ch'e adouataldi', dite da'me auepaquitapega da'me naqa'ami jo'ne laloqotenaĝanaĝaiqui jogaa'me,

1 Timoteo 4:12

At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

Filipenses 1:10

qaedi auayachiñe joga'me a'vichi nale, qaedi qom yitaĝa 'niyelaq joñe'me Cristo, male yataqata qaya'te adoequi, nataq'aen da'me yataqata ami ja 'nalo'te.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

2 Ts 3:9

Te'me 'uo da'me ladic da'me ami jajelaĝanoqoto gamachaqaega qaedi qo'mi alecochiiyalo, qalaĝaja ja jauoqo jena'me jenjo' dite da'me jenaqatapega 'noota da'me jo'onataĝanaĝatac. Qa'a jetaque jaloĝonaq da'me qat'onatac, qaedi qo'mi auadenaĝachi' jo' qomle.

Efesios 6:24

'Noota qom joñe'me Dios yataqata yichoĝode'n onolqa'tape naa'me jo'ne yataqata ja yaĝadiñi da'me noqopideta joñe'me Qadejaliaĝanec Jesucristo, nach'e eta't ja pal.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

2 Corintios 8:8

Ja naqaeda ta'le ami janema ga'me yamaĝajoĝonaĝac. Jaldata da'me jetaque auayachiñe da'me eeta da'me yauote lajaqaje' jogaa'me qadaqaya'olqa jo'ne p'etaqadaiquipi, qaedi ami auaqanachichi ta'le aualoĝoñi da'me adoqopich'ii jo'ne qaya'te lale'gue.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.