Tito 2:14 - Nuevo Testamento Toba Sombrero Negro

¹⁴ Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Nuevo Testamento Toba Sur

¹⁴ Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

La'aqtaqa Ñim Lo'onatac 'Enauacna 2013

¹⁴ Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Tito 2:14 Referans Kwoze

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

1 Pedro 1:18

Qa'a joote auayachiñe da'me ami joote qoyachiyoĝotedaue da'me 'noyaĝac jo'ne qaya'te chiyaqayi, da'me 'noyaĝac jo'ne e'n adoĝochi jodia'me mach'e auachiyoĝogueta 'me adet'aldi', nataq'aen auayachiñe da'me jo'ne lajo'viyaĝac jenjo' jo'ne yaqanatet da'me ami nauela'ajalo ja qoyen 'te lajo'vi ga'me oro uotaĝa jaga'me plata jo'ne pa'l jo' qomle,

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Gálatas 3:13

Qalaĝaja ñe'me Jesucristo nep'aĝala't yaconeguet ga'me te'me qadoĝot da'me ne'uaĝanaguec 'me qoyachalegue ga'me jo'ne ja yoqocha'alo daa'me namaĝajoĝonaĝaco. Qama'le naq'aeta da'me qo'mi nec'alaĝatedegue, qa'a daa'me nedii's enaac: “Dios ye'uaĝan gamachaqaega jo'ne yeleualegue jaga'me sodoso.”

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Hechos 9:36

Jaa'me jaajo' noloqo'ote ga'me noic jo'ne Jope na'ña jañe'me p'etaqadai lenaĝat Tabitá, jo'ne griego 'laqatac yelo'teguet Dorcas. Janjo' yauo yema da'me nejiyaĝauayaĝac 'yetetac da'me 'noota nataq'aen lecochiyalo gaa'me 'uo da'me louenaĝanaĝa'j.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Gálatas 1:4

Jesucristo nach'e eta't yoqo'cha ñe'me Qadet'a Dios, qama'le yaconeguet da'me leleuaĝa qaedi qoyapalaĝa't naa'me qadoeco, qama'le qo'mi yachiyoĝotedaue jena'me aleua 'me ja no'en da'me qo'mi nec'alaĝatedegue.

Juan 10:15

Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel.

Hebreos 10:24

Qama'le onolqa'tape da'me qo'mi, 'noota qom jelaqaque ga'me lajoĝoc da'me ñecochaĝapega't, qaedi nichiguegue da'me qadoqopich'i, chayovida'a da'me nach'e eta't jauoqo da'me jo'ne 'noota.

Tito 2:7

nataq'aen nach'e eta't aua'uo da'me 'noota qaedi am yadenaĝa't jogaa'me. 'Noota qom qaya'te lale'gue da'me adapaĝaguenataĝanaĝac, nataq'aen yachimaqachiñe,

1 Timoteo 6:18

Nataq'aen a'uaĝatema qaedi yauote da'me 'noota, qa'a da'me onaĝayaqa 'lonataqa ena'am ta'le yataqata neuoyaĝaco. Nataq'aen 'noota ta'le ja jemataqayaqa, nataq'aen onaĝaicaloec.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Santiago 4:8

Aueñi qoyoqo'ta joñe'me Dios, qaedi joñe'me en ami qoyode'talo, nataq'aen da'me aviyoyii jonaa'me adoua'adi jo'ne uetayelo jonaa'me adoecodi', choqoda'me auemedegue jona'me paĝachigui jo'ne uetayelo naa'me adai'lidi', qa'a ami jo'ne jetaque adoqopichiya joñe'me Dios nataq'aen jena'me ua'ña jena'me aleua.

1 Timoteo 2:10

Qom jaga'me yauo jetaque ya'uo ga'me onaĝaic 'netaĝac, 'noota ta'le en onaĝaic ga'me en yelo'teguet, qa'a nach'eda da'me eeta da'me 'netaĝac jaga'me yauo jo'ne eetapela't 'nonaĝachigui ñe'me Dios.

1 Timoteo 2:6

jo'ne nemela't qaedi qoyalat ca'li, qama'le naqaeñe chiyaqayi joga'me nec'alaĝac da'me yema da'me qo'mi, nataq'aen joote yaloĝon ca'li uetalegue jaga'me sodoso male yauana jena'me jiyaĝadipi.

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

Hechos 15:14

Simón qo'mi 'yaĝatetapema da'me eeta queda'me yemta nayi Dios yotaua'n joga'me ja judiopi, nataq'aen 'yatetelo'te joga'me noic jo'ne mach'e c'oqo'tepi.

Hechos 15:9

Dios ja qo'mi 'te ye'tema da'me qaedi qo'mi yodapecache jogaa'me nataq'aen qo'mi, qa'a nach'e ena'am yoqovite' q'ae'n da'me lepe'e' naa'me lai'li.

Juan 6:51

Naqayem jo'ne pan 'me nec'alaĝa, jo'ne ñenochiñe da'me jachiyoĝogue di'me piyem. Joga'me jo'ne yalic jenjo' pan nach'e eta't da'me nec'aletaye: jenjo' pan jo'ne janegue, nach'ena jo'ne mach'e yapachidiyaĝac, da'me janegue qaedi 'uo da'me lec'alaĝa'j jogaa'me jiyaĝadipi.”

Mateo 3:12

Ena'am ta'le nachetac jaga'me 'lonataĝanaqate jo'ne lajoqotaye qama'le najecot ga'me trigo yiyota'a ga'me lojoyiñi. Yachauelo ga'me liquipi' joga'me trigo, qalaĝaja ga'me lojoyiñi qamqa'me yajaĝauelo ga'me dole' jo'ne nach'e eta't edetañgui.”

Mateo 1:21

María 'uo qomle ga'me c'oĝot, qama'le auen lenaĝat Jesús qomle. Naq'aeta da'me lenaĝat qa'a nec'alaĝatedegue qomle gaa'me jiyaĝadipi chiyoĝotauelo jodaa'me loeco.”

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Efesios 1:11

Da'me 'uo ñe'me Cristo, Dios male en qo'mi liquiyaqa ca'li yemta da'me 'lonataĝanaĝac, qaedi yataqata en qo'mi lec'oqo'te, qaedi male jaconaĝaguet yema joga'me 'yaĝatetac ca'li. Nach'ena jena'me jenjo' Dios lelnataĝac jo'ne qo'mi yanema, nach'eñe jo'ne ja yoqovin joga'me 'laqatac uotaĝa 'lonataĝanaĝac.

Hebreos 1:3

Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

1 Juan 1:9

Qalaĝaja, qom jechoĝotaqa'tape daa'me qadoeco qama'le ñe'me Dios yapalaĝa't ena'uaque jodaa'me, nataq'aen qo'mi nepolidiñe qaedi yiyo'y ena'uac gaa'me jo'ne ja chimadichidiñe. Nach'e naq'aeta qa'a Dios ja doqovinaĝan, dite da'me yataqatelegue joñe'me.