Tito 2:12 - Nuevo Testamento Toba Sombrero Negro

¹² Dios qo'mi yapaĝagueneque da'me dojo' nichoĝodenataĝanaĝac qaedi janajoĝodiñe da'me je'etaq ga'me jo'ne Dios daqaeca'alo, nataq'aen ja yitaĝa jeloqotapiye daa'me lamaico jena'me aleua, dite da'me qom cha'li jouaqa'ta jena'me aleua qama'le 'noota qom qo'mi joĝodayaqa, qo'mi chimaqachidiñe nataq'aen jauoqo ga'me jo'ne Dios yepaquetapega.

Nuevo Testamento Toba Sur

¹² Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

La'aqtaqa Ñim Lo'onatac 'Enauacna 2013

¹² Qaq de'era lqouagaxanaqtaic Ñim Lo'onatac 'Enauacna qomi' ỹapaxagueneque da 'enauac qolaqa'ai da qauem qarataxac qataq da qarqopitaxanaqtaic. Nache sachoq da achaalataxac da ntel-la't ca shiỹaxaua, qataq no'on da lataxac, qataq nañanot da quetague' Ñim Lo'onatac 'Enauacna.

Tito 2:12 Referans Kwoze

Mateo 16:24

Yem qama'le dojapegue'to jogaa'me lapaĝaguenataqa, enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, qama'le yachi jaga'me nesodoso da'me jayem equegue.

Romanos 6:19

(Ena'am ga'me ch'e jiyaĝaua lelnataĝac da'me dojo' 'yaqataĝanaĝac, qa'a ami qaya'te at'añaĝaqui, qama'le ja auaqanachichi ta'le auayachiñe naa'me naajo' uo'oe.) Naq'aeta dojo', ca'li animiñiyoue na'me adapa'chidi' da'me a'vichi ga'me paĝachigui nataq'aen ga'me ja no'en, qama'le nach'e ena'am nayi auemiñiyoue naa'me adapa'chidi' da'me a'vichi ga'me chimaqachiñe qaedi ami ue'tajopa da'me 'noyaĝac jo'ne yoqovita, da'me ja ami 'te 'nalo'te.

2 Pedro 2:9

Qama'le joñe'me Jaliaĝanec yaqanatet da'me nec'alaĝate'guejopa ga'me napiyenague'j jogaa'me jo'ne yataqachiñe nemetot joñe'me, nataq'aen da'me taya'a q'ae'n da'me ne'uaĝanague'j ga'me loeco lo'olpi chayovida'a qom yovita ga'me nolo' p'ategue qom qoya'uo da'me nec'atenaĝanaĝac.

1 Juan 2:6

Ga'me jo'ne eetapela't yataqata netaye joñe'me Dios, 'noota qom que'teguelo daa'me 'lonataqa joñe'me Jesucristo.

2 Timoteo 3:12

Yataqata eja da'me dojo', gaa'me jetaque uedaue da'me dojo' jo'ne jetaque quetegue joñe'me Cristo Jesús, qomle male qoyecaa'tape yajouaĝat da'me dojo';

Apocalipsis 14:12

¡Male qoyauana da'me eeta da'me napogaĝadenaĝa'j ga'me Dios lec'oqo'tepi, nach'egaua jo'ne yoqocha'alo naa'me lamaĝajoĝonaĝaco ñe'me Dios nataq'aen da'me ja yaĝadiñi da'me yataqata p'iida'a ñe'me Jesús!

Lucas 1:75

Qaedi yataqachiñe jenaĝa ja 'nalo'te gaa'me qat'onataqa nataq'aen qo'mi chimadichidiñe Da'me ñauegaĝala't da'me qo'mi uetauelo, da'me cha'li 'uo da'me qanejiyaĝauayaĝac.

1 Ts 4:7

Qa'a auayachiñe joñe'me Qadet'a qo'mi yiyaĝanalo qaedi yataqata ja 'nalegue da'me qat'oyaĝac. Chane'eja ena'te oquiyegue joga'me yataqata ja no'en.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

1 Ts 4:9

Ja auoviñetaque ta'le jediñe ga'me 'yaqatac jo'ne 'yaĝatetac da'me noqopich'i adoqopichiyalo jogaa'me adaqayadi'olqa jo'ne p'iida'a ñe'me Qadet'a, qa'a joñe'me joote ami yapaĝagueneque queda'me 'noota qom anoqopichiyapega't.

Efesios 2:2

Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

Romanos 6:12

Chane'eja, ena'te anajeñe'teguet ta'le gaa'me adapa'chidi' lamaico nach'e eta't ami noma't, qa'a ami netayelo da'me adoiquiaqa'yaĝaqui, nataq'aen ta'le adapa'chidi' ami yepagaqatetapeque qaedi a'vichi.

Mateo 28:20

nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.

1 Juan 2:27

Qalaĝaja joote ami ua'ajopa joñe'me Dios Lepaqal jo'ne Jesucristo ami yanema. Qama'le ja auachitataitaque ta'le 'uo ga'me ami yapaĝague'n, qa'a joñe'me Dios Lepaqal nach'eñe ami yapaĝagueneque ena'uaque jogaa'me jo'ne uo'oe, nataq'aen da'me lapaĝaguenataĝanaĝac yataqata eja, nataq'aen qaya'te loqovinaĝanaĝac. Chane'eja, nach'e aueñeta't auoqochi'taguet joñe'me Cristo, nach'e naq'aeta da'me Dios Lepaqal joote ami yapaĝagueneque.

2 Pedro 3:11

Yema gaa'me uo'oe male qoyolaĝachigui qomle. Chane'eja da'me ami, ¡'noota qom let'adaic da'me anetelaĝaqui nataq'aen da'me nach'e eta't aueñi yoqovita da'me at'oyaĝaqui da'me oquitapegue' ñe'me Dios!

Hebreos 8:11

Nataq'aen da'me male ja yitaĝa ta'le youen da'me 'uo ga'me yapaĝaguen Ga'me lequiaĝaua uotaĝa joga'me mach'e laqaya, Da'me qaedi jayem yateton, Qa'a male ena'uac ga'me jiyaĝadipi joote jayem yateton, Chayovida'a gaa'me jo'ne ja 'yaĝayaqa, qama'le nach'e ena'ama jogaa'me 'yaĝayaqa.

1 Timoteo 6:17

Qama'le jogaa'me 'uo da'me leuoyaĝa'j jena'me jenjo' aleua, a'uaĝatema qaedi ja 'yoĝodenaĝayaqa nataq'aen ja e'n 'te p'ajodaye ga'me yauata, qa'a da'me neuoyaĝac qaya'te chiyaqayi, mac da'me 'noota ta'le yate'm da'me leuataqataĝanaĝa'j joñe'me Dios jo'ne naqaeñe nale chiyoqo'ot yema joga'me jouenaqatac, qama'le en jalcote nale, qaedi yataqata qo'mi made'tape.

1 Timoteo 4:12

At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

Colosenses 1:22

Qalaĝaja nayi Cristo yitaĝa ami 'niyelaĝatela'ajalo, chiyaqayi da'me lachoĝodec 'me leleuaĝa ca'li cha'li ue'tena, qaedi ja ami 'te 'nalo'te da'me ami naueguedela't, qaya'te adejamaĝataĝaqui nataq'aen qaya'te adaviyaĝaje'che.

Gálatas 5:24

Qama'le qo'mi da'me joote jouaqa'tot ñe'me Jesucristo joote jenaĝa yeleualegue jaga'me sodoso da'me qanejiyaĝauayaĝac loecoyaĝac nataq'aen gaa'me ja 'noe'n lamaico.

Gálatas 1:4

Jesucristo nach'e eta't yoqo'cha ñe'me Qadet'a Dios, qama'le yaconeguet da'me leleuaĝa qaedi qoyapalaĝa't naa'me qadoeco, qama'le qo'mi yachiyoĝotedaue jena'me aleua 'me ja no'en da'me qo'mi nec'alaĝatedegue.

2 Corintios 7:1

Ami yaqaya'olqa, Dios joote qo'mi yaqataĝana'aque da'me 'laqatac. Qo'che' 'noota qom ja jauoqo ga'me ja no'en, dite da'me nach'e eta't jenaĝa qaya'a ga'me qadoec qaedi Dios qo'mi yaconegueta. 'Noota qom 'ñonaĝataĝaye ñe'me Dios, nataq'aen 'noota qom ja'aedenaqatac da'me ja 'nalegue ena'am joñe'me.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

Romanos 8:13

Qa'a qom oquitalo'te ga'me ch'e adamaicodi', qama'le adelevi: qalaĝaja qom jouaĝat da'me chiyaqayi ñe'me Dios Lepaqal da'me aualachi' daa'me adamaicodi', qama'le adec'aliyegue.

Hechos 24:25

Qalaĝaja ca'li Pablo male 'yaĝatetac da'me 'noyaĝac jo'ne chimaqachiñe, da'me nomat da'me 'loyaĝac ga'me jiyaĝaua, nataq'aen ga'me nec'atenaĝanaĝac qom'te, Félix t'oiyapega qama'le enaac: —Paja'a oc nayi. Mach'e yitaĝa am jiyaĝana qom 'uo ga'me yedaqa'.

Hechos 24:16

Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

1 Juan 5:19

Nataq'aen jayatenaq queda'me yataqachiñe qo'mi Dios lec'oqo'tolqa, nataq'aen queda'me yema jogaa'me jiyaĝadipi jo'ne ja 'noe'n uetedalegue da'me lañoqotaĝanaĝac ñe'me payac.

Efesios 1:4

Ca'li maliaĝa ja di'yoq jena'me aleua, Dios joote en qo'mi liquiyaqa qaedi qolaĝague ñe'me mach'e Liquiyac Jesucristo, da'me en jajoyaqa'aguet joñe'me Dios, male yataqata ja qo'mi 'te 'nalo'te, qaya'te qanaviyaqataguec. Dios yataqata qo'mi noqopitalo,

Juan 14:30

“Nayi male ja jalcote ta'le ami jojapegue'to, qa'a male novitequena ga'me jo'ne damaĝajoĝolegue jenjo' aleua. Te'me qaya'te ta'le lañoqotaĝanaĝac da'me jayem nejaliaĝatelegue,

Juan 6:25

Mane'e da'me yovidedeta ga'me lajego joga'me noĝop let'adaic qama'le yauata ñe'me Jesús queda'me ue'ta joga'me loogue, qama'le 'uo da'me qoyenatetapec: —Paĝaguenataĝanaĝaic, ¿jach'e jo'me ua'a da'me anovitequena?

Lucas 1:6

Ñe'me Dios yauana queda'me chimadichidiñe jogaa'me, qa'a yoqocha'alo jodaa'me Dios yepaquetapegalo choqodaa'me lamaĝajoĝonaĝaco joñe'me, nataq'aen qaya'te gamachaqaega ta'le lejamaĝataĝa'j jogaa'me.

Judas 1:18

ca'li enapega't: “Gaa'me p'atedegue noloqo'ote qom'te qama'le uo'oe ga'me jiyaĝadipi 'me 'uenaĝanaĝaiquipi jo'ne quetapegue'to daa'me nejiyaĝauayaĝaco lamaico jo'ne ja 'noe'n.”

2 Timoteo 4:10

qa'a ñe'me Demas jayem ca'e, en p'ajaye da'me loqopich'i jena'me ua'ña jena'me aleua, qama'le dajoyi di'me Tesalónica. Jo'me Crescente dajoyi di'me aleua Galacia, qama'le ñe'me Tito yec'ata di'me aleua Dalmacia.

Mateo 12:32

Chayovida'alo gaa'me jo'ne jayem ye'uetedac, jayem jo'ne yataqachiñe Jiyaĝaua Lec'oĝot, Dios yapalaĝa't gaa'me laviyaĝaco; qalaĝaja ga'me e'n ja 'noe'n da'me 'laqataqa da'me ye'uetac ñe'me Dios Lepaqal 'me ja 'nalegue, qamqa'me ja yapalaĝa't da'me laviyaĝaco nayi da'me cha'li uetalegue jena'me aleua nataq'aen qom'che ga'me na'taquena.

1 Timoteo 6:9

Qalaĝaja jogaa'me jetaque neuoyaĝadi, yataqata ja naloteguet joda'me napiyenague'j, qama'le tadoue joga'me 'lonaĝanaĝaiqui joñe'me ja yataĝalegue, male ja onolec ga'me yepiteda'a, chayovida'a qom yataqata ja no'en. Qama'le nach'eda da'me dojo' yajouaĝa't gaa'me jiyaĝadipi da'me tadoue ga'me lachoĝode'j let'adaic nataq'aen jena'me neleuaĝa.

Santiago 1:27

Da'me nepe'e jo'ne qaya'te lale'gue nataq'aen da'me ja paĝachigui jo'ne yec'atetac joñe'me Dios mach'e Qadet'a, nach'eda jo'ne chiyaqayi da'me lecochaĝac, lecochiyalo jogaa'me japelqo't choqogaa'me p'ail jo'ne uetedaue da'me lachoĝode'j, nataq'aen da'me ja yaje'tema ta'le en paĝachiguilo da'me ja no'en jo'ne ueta'ña jenjo' aleua.