Tito 1:9 - Nuevo Testamento Toba Sombrero Negro

⁹ 'Noota ta'le yataqachiñe nematala't da'me yataqatelegue 'naqataĝanaĝac jo'ne qoyapaĝaguenec, qaedi nach'e ena'am yaqanatet ta'le yapaĝagueneque joda'me yataqatelegue gaa'me laqaya'olqa nataq'aen 'yañaqatetapeque qaedi nach'e eta't quetedalegue, nataq'aen qaedi yaqanatet ta'le noqotetapegalo gaa'me jo'ne te'me nautetedapega.

Nuevo Testamento Toba Sur

⁹ Qataq ÿataqta n'añaxattec da n'aqtac mayi 'eesa lataxac dam mashi qaÿapaxaguenec, yaqto' nataq'en ishit da i'añaqchit ca lÿa da idolec da no'oita napaxaguenataxanaxac, qataq nloqteneec ca depa'aguenataxaatac.

La'aqtaqa Ñim Lo'onatac 'Enauacna 2013

⁹ Qataq ỹataqta na'añaxatec da na'aqtac maye 'eesa lataxac dam mashe qaỹapaxaguenec, yaqto' nataqa'en ishet da ỹa'añaqchet ca lỹa da irolec da no'oita napaxaguenataxanaxac, qataq nloqtenec ca depa'aguenataxaatac.

Tito 1:9 Referans Kwoze

2 Ts 2:15

Qama'le nayi, ami yaqaya'olqa, 'noota qom a'nañaĝachela't, ena'te aĝañiñi da'me auep'iiya'a joñe'me Dios, nataq'aen ena'te auapalaĝache'ta joga'me qadapaĝaguenataĝanaĝac uotaĝa ga'me qadediije ca'li ami janemaĝama.

2 Timoteo 1:13

'Noota ta'le oque'teguelo naa'me 'yaqataqa jo'ne ejoda, da'me yapaĝaguenataĝanaĝac jo'ne joote am janem, nataq'aen ena'te aĝañi joda'me qadepe'e ladic choqoda'me noqopich'i jo'ne chiyoqo'ot ñe'me Cristo Jesús.

1 Timoteo 6:3

Qom 'uo ga'me dapaĝaguenataĝaneque gaa'me mach'e lelnataĝaco jo'ne ja 'yamaqate'n da'me napaĝaguenataĝanaĝac jo'ne yataqata eja 'me chiyoqo'ot joñe'me mach'e Qadejaliaĝanec Jesucristo, chayovida'a ja yeuaten da'me mach'e qadepe'e ladic,

1 Timoteo 1:10

nataq'aen jogaa'me quejeguetaĝayaqa, uotaĝa mach'ega uo'oe jogaa'me le'mi jo'ne 'uona't, nataq'aen uotaĝa yauo en loua jaga'me ena'am yauo laqaya, nataq'aen nale joga'me jiyaĝaua yeme'n neua'acapi, gaa'me pecayaqa, nataq'aen jogaa'me ja yataĝalo'te ga'me eetedapega yauote nale, nataq'aen jogaa'me ja yiyamaĝade'n da'me onaĝaic napaĝaguenataĝanaĝac.

Apocalipsis 3:3

Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

Tito 2:1

Da'me am qamqa'me 'noota ta'le nach'eda a'uaĝatetac da'me yataqatelegue 'naqataĝanaĝac.

Tito 1:11

Naa'me naajo' jiyaĝa'u 'noota qom anauañiyegueta qa'a yemeda gaa'me 'nachaqa'te 'naĝa't jogaa'me queda'me jetaque ch'e qoyejete'n qama'le dapaĝaguenataĝatec ga'me jo'ne ja naq'aeta.

2 Timoteo 4:3

Qa'a uo'oe jo' qomle gaa'me noloqo'ote jo'ne nate', male jena'me jiyaĝadipi yataqata ja naquiaĝana naa'me naajo' 'naqataqa, mac joda'me queteda'ague jogaa'me chiyoĝo's nichiyoĝojoĝoco. Nataq'aen male mach'e yelodaque gaa'me napaĝaguenoqo't, qaedi male qoyapaĝagueneque joga'me mach'e paquetedaque domachita.

1 Ts 5:21

'Noota qom auapiyeñi ena'uac, qaedi male auacoñiya joga'me yataqata 'noota ladic.

Apocalipsis 3:11

Jayem paja'a da'me ñanac qomle, qama'le 'noota qom aviyamaĝachetac da'me jo'ne joote ami uetauelo, qaedi qaya'te 'uo ga'me yaqanatet ta'le deuodaĝanec da'me adomataĝanaĝachi.

Apocalipsis 2:25

nach'edata da'me 'noota qom aviyamaĝachetac da'me jo'ne joote auañiya, chayovida'a qom yitaĝa ami jec'atalo.

Judas 1:3

Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.

2 Timoteo 2:25

'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja,

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

1 Timoteo 4:9

Jenjo' yataqata eja, qama'le 'noota ta'le yema jep'iyaqa.

1 Timoteo 1:19

Oquetalegue da'me adepe'e nataq'aen nach'e eta't auen onaĝaic ga'me adelnataĝac, qa'a uo'oe jogaa'me male ja yauote ga'me onaĝaic lelnataĝa'j, qama'le queda'e da'me lepe'e'.

Hechos 18:28

Qa'a ena'uaque jogaa'me domachita da'me yataqata yapaĝaguetapeque ga'me judiopi ga'me chimadichidiñe 'me ja yaqanate't ta'le nematedapec, nataq'aen yachiyoĝotetelo'te nale gaa'me nedii's da'me yaloĝotac queda'me Jesús nach'eñe ñe'me Dios Liquiyac.

1 Corintios 14:24

Qalaĝaja qom 'uo ga'me ja p'etaqadaic uotaĝa qom 'uo ga'me qaya'te letadenataĝanaĝac ami tauelo, qom ena'uaque ami a'uaĝachetac da'me 'laqatac ñe'me Dios, joga'me ami naquiaĝanalo nataq'aen nayatela't queda'me eja loeco lo'o. Naloqotenaĝaneguet da'me 'loyaĝac yema ga'me jo'ne domachiya,

2 Timoteo 3:14

Qalaĝaja da'me am, 'noota qom nach'e eta't a'nañaĝatec joga'me joote auayaten jo'ne auen eja. Joote auateto'n gaa'me jo'ne am yapaĝague'n: