Tito 1:5 - Nuevo Testamento Toba Sombrero Negro

⁵ Qo'che' am jepota'ña ca'li di'me Creta: qaedi aviyamaĝachiñe ga'me jo'ne maliaĝa ja je'etaq, nataq'aen qaedi yemeda gaa'me noyaqa aviyaĝanalo gaa'me 'yaĝaicachidipi jo'ne niquiyaqa qaedi yelolo'te gaa'me p'etaqadaiquipi; ga'me jo'ne joote am japaĝaguenec nach'eda a'uetec qomle.

Nuevo Testamento Toba Sur

⁵ Se'eso na'a'q co'ollaq 'am ñi'onaxataña yi 'alhuolec Creta, cha'ayi ñishitaique da 'auaÿamaxajñi na saxana sematpi, qataq da 'edeuo na lataxala'pi na 'amqajnataxanaxaicpi mayi netaña na pueblopi. Qaq 'eda da 'am sepataxalec da 'au'axat:

La'aqtaqa Ñim Lo'onatac 'Enauacna 2013

⁵ Se'eso na'a'q 'am ño'onaxataña añi ỹaqa'ata 'alhua maye le'enaxat Creta, cha'aye ñeshetaique da 'auaỹamaxaañi nam saxanaxa da sematpi, qataq da 'ereuo na lataxala'pi na 'amqaanataxanaxaicpi maye netañalo naua lỹa't nma'ate. Qaq no'on qome da 'aupagaqchiichigui de'era ỹa'aqtac,

Tito 1:5 Referans Kwoze

Hechos 14:23

Nataq'aen yauo'oe gaa'me lajoĝola'te ga'me p'etaqadaiquipi. Ca'li yoma't da'me netamenaĝa'j nataq'aen da'me noqouaqatetapela'ajalo, qama'le qoyaloĝolo'te ñe'me Jaliaĝanec, jo'ne male p'iida'a.

1 Timoteo 1:3

Yitaĝa am je'elopec joga'me joote am ja'aĝatem quelqaya da'me jajoyi jodi'me aleua Macedonia qama'le jenaac: “Ch'e oue'ta jo' jena'me Éfeso,” qaedi auamaĝalo'te jogaa'me jiyaĝa'u jo'ne ja yataĝalo'te, queda'me ja 'noota ta'le dapaĝaguenataĝatec joga'me ch'e lelnataĝa'j jo'ne yataqachiñe ja no'en.

1 Corintios 14:40

nataq'aen aviyamaĝachichiñe ena'uaque naa'me uo'oe qaedi yema yataqatelegue ga'me auauoyi.

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

1 Corintios 11:34

Nataq'aen qom 'uo gamachaqaega jo'ne yataqachiñe yoqouat jo'ne ja yaqanatet ta'le 'uo ga'me yeuatetaque, 'noota qom ua'a ga'me 'lachaqa' da'me 'uo ga'me yalic, qaedi ja ami 'te yedalo'te ga'me ane'uaĝañiyaque qa'a jouaĝat da'me naq'aeta ga'me a'vichiyec ga'me ademaĝaqui. Gaa'me uo'oe laqaya' qamqa'me mach'e je'et qom ami jovida'alo.

Hechos 27:21

Qama'le queda'me qayoĝode' ga'me noloqo'ote da'me qaya'te jaliguinaq, Pablo uañe laeñi da'me nechachiñe qama'le enaac: —Ami yaqaya'olqa, yataqachiñe 'noota ta'le jayem auoqochiiya ca'li, qama'le ja qolaqa'e di'me Creta; qama'le lochiyalegue ta'le da'me dojo' ja no'en nataq'aen ga'me qo'naĝat.

Hechos 27:12

Qama'le ga'me napi'ña jana'me licota ja 'noota cha'li qoue'ta qom naqaviaĝa, ena'uaque joga'me lelnataĝa'j da'me queda'ae joga'me qama'le napiyela'ajalo yec'adeta di'me Fenice, napi'ña jana'me licota di'me Creta jo'ne dajo'tegue ga'me laqaua't jena'me chaje'ma nataq'aen chaĝajo'ma, qama'le ueteda'a ga'me naqaviaĝa.

Hechos 27:7

Qayoĝode' gaa'me noloqo'ote da'me ja enegue da'me qadeuoĝoc, nataq'aen jalcote da'me qat'onataĝanaĝac da'me jovita ga'me loogue di'me Cnido, qama'le queda'me maliaĝa jajoqo'teguet ga'me layat, jaĝa'ya ga'me dajoya'ya di'me Salmona qolaĝajop jañe'me nepe jo'ne Creta;

Hechos 11:30

Naq'aeta da'me yauote, qama'le qoyen yelodelegue ñe'me Bernabé nataq'aen Saulo yamaĝalo jaga'me lajaqaje' joga'me 'yaĝaicachidipi jo'ne neda'ña di'me Judea.

Colosenses 2:5

Qa'a temaqaedi da'me ja ami 'te jouetauelo nayi, qalaĝaja ami uetauelo da'me yelnataĝac, qama'le jayem matac yajouaĝat da'me jauana da'me adiyamaqai, nataq'aen da'me a'nañaĝachiyec da'me auep'iiya'a ñe'me Cristo.

Hechos 2:11

uo'oe gaa'me yataqachiñe judiopi jo'ne 'lachaqa't jena'me jenjo' nataq'aen gaa'me laqaya' ch'e tadoue ga'me lepe'e' jena'me judiopi. Nach'e ena'ama uo'oe gaa'me chiyoqoda'a di'me Creta nataq'aen Arabia. Qama'le ¡jomachaĝalo gaa'me mach'e qat'aqataqa da'me yadenaĝa't: 'yaĝate'tape joda'me p'ajodaye 'lonataqa joñe'me Dios!

Hechos 27:13

Ca'li yajediñe ga'me layat jo'ne qolauaic qama'le jepetaqatapega da'me male naqaeda da'me jepagaqataque, qama'le yitaĝa japagaĝaye qolaqa'tegue ga'me lae jaga'me nepe jo'ne Creta.

1 Corintios 4:17

Qo'che' joote ami jamaĝalo ñe'me Timoteo, jo'ne joqopita, ena'am ga'me yalec 'me equegue ñe'me Jaliaĝanec, nataq'aen jep'etec ñe'me. Nach'eñe ami netouenaĝaneque qomle da'me yadic queda'me jequegue ñe'me Jesucristo, da'me jo'ne nach'e eta't japaĝaguenataĝanec ena'uaque gaa'me nemaĝaiqui' gaa'me jec'atapegalo.

Tito 1:12

'Uo ñe'me Creta le'ec 'me aqataĝanaĝaic jo'ne 'yaĝa'tape gaa'me mach'e layi: “Qo'mi Creta laje' nach'eda da'me qo'mi qovinaĝanaĝaiquipi, jenaqa'ama gaa'me yejidipi, qo'mi choĝolaĝayaqa choqoda'me qo'mi qui'yaĝayaqa.”