Tito 1:3 - Nuevo Testamento Toba Sombrero Negro

³ Chane'eja ca'li yovita ga'me nolo' jo'ne tachigui q'aen, Dios yaloĝon da'me 'laqataĝanaĝac jo'ne na'yalo q'ae'n jodaa'me lapaĝaguenataĝanaĝaco gaa'me lamaĝa's, dojo' 'naqataĝanaĝac nach'e ena'am jayem qo'yelopec qaedi ja'aĝatetac; naq'aeta da'me jayem yamaĝalegue ñe'me Dios mach'e Qadec'alaĝaiqui.

Nuevo Testamento Toba Sur

³ Qaq co'ollaq ivita so laloqnec ñim Dios mayi qadca'alaxaqui da qomi' ÿauattonaxanaxanque da l'aqtac, nachi aÿim ipataxalec da sa'axateec de'eda l'aqtac.

La'aqtaqa Ñim Lo'onatac 'Enauacna 2013

³ Qaq nagui mashe ivita ye laloqo' da qaỹaỹaten da 'eetapeguec Ñimaye, ỹachegoxotchigui da ỹa'aqtaxanaxac maye aỹem ipataxalec Ñim Lo'onatac 'Enauacna maye Qarca'alaxaqui.

Tito 1:3 Referans Kwoze

1 Timoteo 1:11

Nach'ena jenjo' napaĝaguenataĝanaĝac onaĝaic uetaue da'me 'nonaĝac nec'alaĝaiqui jo'ne Dios 'me ja 'nalegue jayem yamaĝalegue.

1 Timoteo 1:1

Mach'e jayem Pablo, jayem Jesucristo lamaĝajec choqoda'me en jayem liquiyac joñe'me Dios qaedi ja'aĝa'tape jodaa'me lamaĝajoĝonaĝaco, jo'ne nach'eñe ca'li 'uaechiñe Qadec'alaĝaiqui choqoñe'me Cristo Jesús jo'ne mach'e naqaeñe jeuataqa'tac.

Tito 2:10

'Noota qom ja decachiyoto, dite da'me yaloĝo'n queda'me yataqachiñe eja yalemaqate'. Nach'e naq'aeta yema ga'me yauote qoyauanalo queda'me yataqachiñe 'noota da'me napaĝaguenataĝanaĝac 'me chiyoĝogue joñe'me Dios mach'e Qadec'alaĝaiqui.

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

1 Timoteo 4:10

Qama'le nayi nach'eda 'uo da'me qat'onatac nataq'aen qadeloiquiaĝac, qa'a jouaĝat da'me janemaĝam da'me qadeuataqataĝanaĝac joñe'me Dios jo'ne ja pal, jo'ne nach'eñe mach'e Lec'alaĝaiqui yema jena'me jiyaĝadipi, qama'le yataqata nec'alaĝatedegue jogaa'me jo'ne p'iida'a joñe'me.

1 Timoteo 2:3

Qa'a da'me dojo' yataqata 'noota nataq'aen 'yamaqaten joñe'me Qadet'a mach'e Qadec'alaĝaiqui

1 Ts 2:4

Qa'a nach'eñe joñe'me Dios joote qo'mi yiyamaĝade'n nataq'aen qo'mi 'yelopeque qaedi ja'aĝataqatac jena'me jenjo' 'noota ladic qama'le nach'ena jena'me jenjo' jo'ne ja'aĝataqatac. Qalaĝaja ja jenaqatapega ta'le ga'me jiyaĝadipi male yataqata 'yamaqaten ga'me ja'aĝataqatac, dite ta'le yataqata qo'mi yiyamaĝaden joñe'me Dios, qa'a naqaeñe male yec'ate'tape naa'me qadai'li.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Colosenses 1:6

Naqaeda da'me 'naqataĝanaĝac jo'ne joote ami novida'alo, qama'le ena'am ta'le nichiquetaye da'me jalayaĝac, ena'am da'me 'uo yemeda naa'me ale'u lael. Nach'eda da'me ami chiyoqotelegue ca'li yemta auomachiiya qama'le auayachiñe joga'me lichoĝodenataĝanaĝac ñe'me Dios queda'me eja yataqatelegue.

Efesios 2:17

Cristo naequena ca'li qama'le 'yaĝatetac da'me 'naqataĝanaĝac jo'ne onaĝaic chiyaqayi da'me 'nemaĝac, jo'ne yemata'a'ajalo jogaa'me ja judiopi, jo'ne ca'li ja yateto'n joñe'me Dios, nataq'aen jogaa'me judiopi jo'ne joote yateto'n ca'li joñe'me.

Gálatas 4:4

Qalaĝaja ca'li yovita ga'me nolo' 'me laloqo' q'aen ñe'me Dios, ñe'me namaĝaquena ca'li ñe'me C'oĝot, jo'ne na'ya q'aen jaga'me yauo da'me niyiñe qama'le yaconegueta nataq'aen que'teguelo jogaa'me namaĝajoĝonaĝaco jo'ne qoyanema gaa'me judiopi.

1 Corintios 9:17

Qom da'me dojo' je'et chiyaqayi da'me mach'e yelnataĝac, chane'eja 'uo ga'me ñejetenaguec; qalaĝaja eja queda'me ja naq'aeta da'me yelnataĝac joca'li, qama'le je'et qa'a Dios jayem 'yelopec.

Filipenses 1:13

Chane'eja nayi yemeda gaa'me coico laje' jo'ne uetedaue ga'me nejaliaĝaiqui nataq'aen yema ga'me jiyaĝadipi joote yataqata yayate'n queda'me jayem qoyecoñedeta't yajouaĝat da'me je'etetac da'me 'lonatac joñe'me Cristo.

Romanos 16:26

Qalaĝaja nayi chiyoqotelo'te naa'me ledii's dia'me Dios 'laqataĝanaĝanaqa da'me qoyajeta da'me qoyaloĝon, naq'aeta da'me lamaĝajoĝonaĝac ñe'me Dios 'me ja 'naidena'a. Dojo' ja di'yoq 'me 'yaeñi ñe'me Dios male qoyatetonaĝaneque ena'uaque gaa'me ale'u lael, qaedi p'iida'a nataq'aen yoqochideta.

Romanos 15:19

Qoyen uaĝayet da'me 'lañaĝac ga'me 'nanaqapi, nataq'aen gaa'me di'yo't nañoqotaĝanaĝaco, nataq'aen da'me 'lañaĝac ñe'me Dios Lepaqal. Chane'eja jachiyoqochi'ña di'me Jerusalén nataq'aen ga'me qoyode'talo noyaqapi chayovida'a Iliria. Yataqachiñe yemet'a't da'me japaĝaguenataĝanec da'me onaĝaic 'laqataĝanaĝac ñe'me Cristo.

Romanos 5:6

Qa'a ca'li qo'mi ja jaqanatetaq ta'le mach'e ñec'alaĝataĝala't, Cristo ga'me mach'e laloqo' q'aen, yeleu ca'li nep'aĝanegueta gaa'me loeco lo'olpi.

Hechos 17:26

“Da'me onolec jiyaĝaua en chiyaqayi yema ga'me noyaqapi, qaedi nedalegue yema jena'me aleua; nataq'aen joote yanetayelo gaa'me noloqo'ote nataq'aen ga'me aleua jo'ne 'noota ta'le neda'ña,

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Lucas 1:47

nataq'aen najaqachigui da'me yamaic, yajouaĝat ñe'me Dios mach'e Yec'alaĝaiqui,

Marcos 16:15

Chane'eja dojapegue'to: “Jamoyi, a'uaĝachetac da'me 'naqataĝanaĝac jo'ne onaĝaic ena'uaque joga'me jiyaĝadipi 'me nedalegue jena'me aleua.

Marcos 13:10

Qama'le da'me 'naqataĝanaĝac jo'ne onaĝaic 'noota ta'le 'uaeñe qot'aqataĝatapema yema ga'me noyaqapi.

Apocalipsis 14:16

Qama'le joñe'me jo'ne netalegue ga'me piyem lo'oc en napojeguem jena'me aleua da'me yichaĝañi ga'me ledaĝanaĝat, qama'le yapotenat ga'me jala jo'ne chiyaqalegue jena'me aleua.

Efesios 1:10

Qom male yovita ga'me laloqo' qama'le yataqata en yomat yema joga'me jetaque ye'et, da'me yemata'a't yema jogaa'me uo'oe, gaa'me ueteda'a di'me piyem, chayovida'a jena'me ue'ta jena'me aleua, qaedi male yataqata qonauachigui da'me qoyen nejaliaĝanec joñe'me Cristo, yataqata qodajotalegue joñe'me.

Marcos 1:15

Enaac: “Joote laloqo' nayi, queda'me male novitequena da'me Dios lejaliaĝa. ¡A'niyelaqaeyot joñe'me Dios! ¡'Noota qom yataqachiñe auep'iiya'a joda'me onaĝaic 'naqataĝanaĝac!”

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

2 Timoteo 4:17

Qalaĝaja joñe'me Jaliaĝanec yataqata jayem lecochiya nataq'aen da'me ya'uo da'me 'yañaĝac, qama'le yataqata jaqanatet da'me ja'aĝatema naa'me Dios 'laqataĝanaĝaco jogaa'me ja p'iida'a jena'me jenjo' 'noota. Qama'le ñe'me Jaliaĝanec en ñec'alegue male jeca'e ga'me nedegaĝat ñe'me jauaĝaic.