Tito 1:15 - Nuevo Testamento Toba Sombrero Negro

¹⁵ Qom yataqachiñe qanedo'ta't naa'me qadai'li, qama'le yema nedo'ta't ga'me jo'ne jauanaĝa; qalaĝaja gaa'me jo'ne ja yataqachiñe nedo'ta'ajalo nataq'aen ja yacoteguet da'me lepe'e' qamqa'me qaya'te uetauelo jo'ne nedo'ta'ajalo, qa'a paĝachiguilo naa'me lai'li choqodaa'me lelnataĝaco nataq'aen ja nometeguet ta'le 'uo da'me lepocoĝo'j.

Nuevo Testamento Toba Sur

¹⁵ Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.

La'aqtaqa Ñim Lo'onatac 'Enauacna 2013

¹⁵ Ca shiỹaxaua, da ỹalaxaguet qataq ỹa'amaqten So Cristo, qaq qui'itta naqa'en 'enauac na chochena lataxaguesat. Qalaxaye nam sa ỹalaxaguet qataq sa ỹa'amaqten Somaye, nache namayepi qaica ca qui'itta naqa'en. Cha'aye da lhuennataxa qataq da ntoonaxac ivira'a da ỹataqta qauem.

Tito 1:15 Referans Kwoze

Romanos 14:14

Da'me jayem, joñe'me Qadejaliaĝanec Jesús yataqata jayem yapaĝaguenec da'me qaya'te niqui'yaĝat jo'ne ja no'en. Qalaĝaja qom 'uo joga'me eetapega joga'me niqui'yaĝat ja 'noota ta'le qoyalic, qama'le eja cha'li ja yalic.

Romanos 14:20

Ena'te chiyaqayi ga'me aualic da'me anolaĝachiñe da'me Dios 'lonatac. Eja yema yoqovita ga'me niqui'yaqa'tepi; qalaĝaja da'me yataqachiñe ja no'en qom ga'me jiyaĝaua chiyaqajeguem q'aen ga'me laqaya qom yec'atenec ga'me yalic.

1 Corintios 10:23

Eetojo' nale naa'me at'aqataqadi': “Qoyajeta yema ga'me mach'e jetaque jauoqo.” Eja, qalaĝaja ja yema ta'le qo'mi lecochiyalo. Yataqachiñe eja queda'me yema qoyajeta ga'me jo'ne mach'e jetaque jauoqo, qalaĝaja ja yema ta'le naqaeda chiyaqayi da'me nichiquetedajeguem ga'me p'etaqadaiquipi.

Mateo 15:18

Qalaĝaja ga'me na'ya ga'me nedegaĝat ga'me jiyaĝaua chiyaqaue na'me lauel, qama'le naqaega en paĝachigui q'aen ga'me.

Romanos 14:23

Qalaĝaja ga'me jo'ne ch'e nache'taguet da'me 'uo ga'me yalic, qama'le qom yalic male mach'ega najouaĝatela't; qa'a ja chiyaqayi da'me lepe'e da'me yaconeguet joga'me, nataq'aen yema ga'me ja chiyaqayi da'me nepe'e nach'eda nejomaĝac.

1 Corintios 10:31

Chane'eja, qom 'uo ga'me aualiquitac, uotaĝa 'uo ga'me aniyomiyigui, uotaĝa gamachaqaega a'vichetac, jalcote onaĝaic qom ga'me auauoyi nach'eda chiyaqayi da'me qo'nonaĝachigui ñe'me Dios.

Hechos 10:15

Ga'me nejamaĝa yitaĝa dojapegue', qama'le enaac: —Ga'me jo'ne Dios joote yiyamaĝatetac, ena'te aueetapega paĝachigui.

1 Corintios 8:7

Qalaĝaja uo'oe gaa'me jo'ne maliaĝa ja yayate'n da'me dojo'. Uo'oe gaa'me maliaĝa uetauelo da'me loe'j 'me toijec da'me netamenoto gaa'me ch'e nequi'il, chayovida'a nayi maliaĝa uenateteda'a gaa'me nequi'il nale yali'j ga'me lapat jo'ne joote qoyen najaqajec. Chane'eja queda'me qaya'te 'lañaĝac da'me letadenataĝanaĝa'j, jogaa'me eetapela'ajalo 'naĝa't ga'me lapat jo'ne yali'j.

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.

1 Corintios 10:25

Aualiqui qomle gamachaqaega ga'me lapat jo'ne qoyemen nale. Ja auoviñetaque ta'le yaloĝoja analoqochiñe uotaĝa diyachitapiyelo naa'me adai'lidi' queda'me ja auayachiñe ga'me chiyoĝogue.

1 Timoteo 6:5

nataq'aen 'uo ga'me neloiquiaĝac jo'ne qaya'te loiquiaqa', qa'a male uo'oe gaa'me jiyaĝa'u jo'ne yaledeuo, eetedapega 'uo ga'me layatenaĝanaĝa'j, jiyaĝa'u jo'ne yataqata ja yateto'n da'me eja, nataq'aen naajo' eetedapega 'uo ga'me lepe'e', qalaĝaja nach'egaua ch'e yachiyoĝotedayi da'me leuoyaĝac jena'me 'noota ladic.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

Hebreos 12:15

Nach'e eta't da'me adechilela't qaedi qaya'te 'uo joga'me jetaque yeguem da'me loqopich'i joñe'me Dios, uotaĝa ta'le 'uo joga'me jetaque ami 'naĝa't, qa'a dojo' yelagaĝa'j jena'me qadayi qama'le ena'am jaga'me nana jo'ne 'uo ga'me pata' jo'ne chem, da'me t'aĝanataĝanac da'me yedo'n jogaa'me.