Mateo 9:8 - Nuevo Testamento Toba Sombrero Negro

⁸ Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.

Nuevo Testamento Toba Sur

⁸ Nachi na shiÿaxauapi co'ollaq ÿauaachigui de'eda, nachi ÿataqta huo'o da lcolanaxa. Nachi ÿi'oxodeetac ñi Dios, souaxat da ñimayi ÿanem de'eda n'añaxac na shiÿaxauapi.

La'aqtaqa Ñim Lo'onatac 'Enauacna 2013

⁸ Qaq so shiỹaxauapi co'ollaq ỹauaachigui de'era, nache ỹataqta huo'o da la'aalaxa. Nache ỹo'oxoreetac Ñim Lo'onatac 'Enauacna, souaxat da Ñimaye ỹami' de'era na'añaxac 'enauac na shiỹaxauapi.

Mateo 9:8 Referans Kwoze

Lucas 7:16

Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Mateo 15:31

Ga'me jiyaĝadipi yataqachiñe yoqochetem queda'me qoyauana da'me doje'y gaa'me qayaua'te 'laqataqa, gaa'me uayodaĝayaqa male yemedegue, gaa'me choĝolaĝayaqa yeuo'tape, nataq'aen jogaa'me qana'mi male yauana'ape. Qama'le paja'a 'nonaĝachidegue joñe'me Nedios joga'me Israel c'oqo'tepi.

Hechos 4:21

Gaa'me jaliaĝanaqa yauote lachoĝode'j jogaa'me, qalaĝaja yitaĝa yaje'tema da'me eque'. Ja yauata da'me chiyaqayi ta'le qoya'uo da'me ne'uaĝanague'j, qa'a ena'uaque ga'me jiyaĝadipi 'nonaĝachigui joñe'me Dios jouaĝat ga'me 'uo ca'li qoyauana.

Lucas 23:47

Mane'e ca'li ñe'me coico lajoĝola' yauana da'me dojo', qama'le 'nonaĝachigui ñe'me Dios, enaac: —Yataqachiñe eja, qaya'te lejamaĝataĝac jenjo' jiyaĝaua.

Lucas 17:15

'Uo ga'me onolec jogaa'me, mane'e da'me yauana da'me yoqovita, qama'le 'viyelaq, yataqachiñe yicojaĝadetac ga'me lajamaĝa da'me 'nonaĝachigui joñe'me Dios,

Marcos 2:12

Joñe'me leuaĝaic paja'a ñijeguem joca'li, qama'le yacona ga'me lela', qama'le yenoĝonegue joca'li ena'uaque jogaa'me qonauachigui joca'li da'me dojo'. Nataq'aen ena'uaque jogaa'me jalcote da'me yoqochetem joca'li, qama'le 'nonaĝachidegue joñe'me Dios, nataq'aen enapega'ajalo: —Qaya'te ua'a ta'le naq'aeta ga'me jauanaĝa.

Gálatas 1:24

Qama'le yemeda 'nonaĝachidegue ñe'me Dios, qa'a nach'eñe ñe'me jayem yanem da'me yadalaĝac.

Juan 15:8

Qom jalcote da'me anejalayaĝaqui qama'le auovidiya'a da'me ami yataqatelo'te yapaĝaguenataqa: nach'eda da'me dojo' jo'ne yaloĝon da'me 'lonaĝac ñe'me Taĝadena'.

Lucas 13:13

Nataq'aen yachalo'te naa'me loua' jañe'me, qanach'e paja'a qaale nolaĝajeguem qama'le paja'a 'nonaĝachigui joñe'me Dios.

Hechos 11:18

Ca'li domachita da'me dojo' jogaa'me laqaya'olqa jo'ne ueteda'a di'me Jerusalén, qama'le 'nemaĝadiñe nataq'aen 'nonaĝachidegue joñe'me Dios, enapega't: —¡Chane'eja nach'e ena'ama ga'me ja judiopi queda'me Dios ya'uo ledaqa't qaedi 'niyelaĝadetot joñe'me nataq'aen yaqanate't ta'le yacoteguet da'me 'loyaĝa'j jo'ne ja 'naidena'a!

Hechos 21:20

Ca'li domachita, 'nonaĝachidegue ñe'me Dios, eet'oi ga'me 'laqataqa jo'ne yate'm ñe'me Pablo: —Jaja'a, am qadaqaya, joote auayate'n ga'me judiopi queda'me yataqachiñe ja nejataĝaic ga'me joote p'iida'a, qama'le ena'uaque joga'me yepaquetedapegue' da'me youetaque ta'le qodique'teguelo daa'me namaĝajoĝonaĝaco jo'ne chiyoqodo'ot ñe'me Moisés.

Marcos 7:37

Qama'le ga'me jiyaĝadipi jalcote da'me yoqochetem da'me dojo', enapega't: —Yema 'noota ga'me ya'uo. ¡Chayovida'a da'me e'n domachiya'ape gaa'me jo'ne ja domachiya'ape, nataq'aen e'n doje'y gaa'me te'me ja doje'y!

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Mateo 12:23

Ena'uaque joga'me jiyaĝadipi nenatetapega't ca'li queda'me jalcote qoyoqoch'em: “¿Qo'li ja naqaena jena'me jenjo' jo'ne mach'e c'oĝot di'me David?”

Mateo 5:16

Nach'e naq'aeta ga'me 'yoqochiñe jo'ne ami netayelo, 'noota qom yecoyadelo'te ga'me jiyaĝadipi, qaedi yauata daa'me onaĝayaqa 'me at'onataqadi' qama'le 'nonaĝachidegue joñe'me Dios.

Mateo 9:7

Ñe'me choĝolaĝaic ñijeguem ca'li qama'le yec'ata ga'me 'lachaqa'.

Lucas 2:20

Qama'le jogaa'me 'naĝanaĝate neuatoqo't 'viyela', made'tapolqa nataq'aen 'nonaĝachidegue joñe'me Dios qa'a jouaĝat ga'me yauata nataq'aen ga'me domachita, qa'a yema yepaquichigui ga'me jo'ne qo'yaĝatema ca'li.

Lucas 17:18

¿Joda'agueja joona jenjo' jo'ne ja 'lachaqa' jenjo', da'me 'niyelaq qaedi da'me yanem netonaĝac joñe'me Dios?

Lucas 18:43

Qanach'e paja'a ñe'me qanam yitaĝa yauanac, qama'le 'nonaĝachigui ñe'me Dios da'me equegue ñe'me Jesús. Nataq'aen ena'uaque ga'me jiyaĝadipi jo'ne yauata da'me dojo' nach'e ena'am yi'yoĝodetedac joñe'me Dios.

2 Corintios 9:13

Janjo' necochaĝanaqate nach'eda yaloĝon queda'me ami auacoñiyeguet da'me onaĝaic 'naqataĝanaĝac nataq'aen auoqochiya ga'me 'yaĝatetac. Qo'che' jogaa'me netotedapec nataq'aen 'nonaĝachidegue joñe'me Dios.

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.