Mateo 9:38 - Nuevo Testamento Toba Sombrero Negro

³⁸ Qo'che' auajelai joñe'me loĝot da'me naqataĝanaĝac qaedi namaĝatequena gaa'me onataĝanaĝayaqa qaedi datoĝo'n.

Nuevo Testamento Toba Sur

³⁸ Qaq ÿoqo'oyi qami' qauÿaxañiÿot qome ñim lalamaxat na nanguishic, da yaqto' ñimayi namaq cam 'onataxanaxaicpi.

La'aqtaqa Ñim Lo'onatac 'Enauacna 2013

³⁸ Qaq ỹoqo'oye qauỹaxañiỹot qome Ñim Lo'onatac 'Enauacna da namaq ca laỹepi lamaxashecpi, da yaqto' ỹa'axatem dam no'on na'axaỹaxac 'enauac na shiỹaxauapi.»

Mateo 9:38 Referans Kwoze

2 Ts 3:1

Da'me p'ategue 'yaqatac, ami yaqaya'olqa, 'noota qom nach'e eta't qo'mi auajelaĝañilo'te, qaedi yema qodomachiya da'me 'laqataĝanaĝac joñe'me Qadejaliaĝanec jo'ne ja'aĝataqatac, qaedi nataq'aen jena'me jiyaĝadipi qom domachiya male yataqata yacoteguet, ena'am ca'li yemta auomachiiya da'me ami.

Hechos 13:2

'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

Juan 20:21

Qama'le Jesús yitaĝa enaac: —¡'Nemaĝac ami uetauelo! Queda'me jayem namaĝaquena ca'li joñe'me Taĝadena', qama'le nach'e ena'am da'me jayem male ami jama'.

Hechos 8:4

Qalaĝaja gaa'me jo'ne chiyoqodaue di'me Jerusalén da'me eque', ena'uaque naa'me tayapegue'galo 'yaĝatetedac da'me onaĝaic 'naqataĝanaĝac.

Efesios 4:11

Qama'le nach'eñe jo'ne yauo'oe daa'me nayatenaĝanaĝaco jo'ne yanema jena'me jiyaĝadipi. Chane'eja uo'oe gaa'me qoyanema da'me 'lonata'j jo'ne Dios lamaĝa's, nataq'aen gaa'me laqaya' jo'ne Dios 'laqataĝanaĝanaqa, nataq'aen gaa'me laqaya' jo'ne qoyanema da'me 'yaĝa'tape da'me Dios 'laqatac, nataq'aen gaa'me laqaya' jo'ne yelolo'te jena'me Dios lec'oqo'tepi nataq'aen yapaĝague'tape.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

Mateo 9:37

Chane'eja yanema da'me 'laqatac jogaa'me mach'e lapaĝaguenataqa: —Ami yaqaya'olqa, yataqachiñe jalcote da'me qadaqataĝanaĝac, qalaĝaja ja lama'y gaa'me onataĝanaĝayaqa.

Juan 4:35

Ami jo'ne aueñetapega nale: «Maliaĝajoda gaa'me cuatro auoĝoyaqa qama'le yemta 'uo ga'me naqataĝanaĝac»; qalaĝaja jayem jenaac, ¡'noota qom auec'achiñe' ga'me jiyaĝadipi jo'ne ena'ama gaa'me nanaĝanaqa'te, da'me joote yajo't da'me jalayaĝac qaedi qonapoc!