Mateo 9:35 - Nuevo Testamento Toba Sombrero Negro

³⁵ Jesús quetayelo ena'uaque joga'me noicolqa nataq'aen 'nachaqa'tolqa, dapaĝaguenataĝatapegouelo gaa'me nemaĝaiqui' 'me na'ñalo nale gaa'me yec'atalo. Dapaĝaguenataĝatapec da'me onaĝaic 'naqataĝanaĝac jo'ne 'yaĝatetac da'me Dios lejaliaĝa, nataq'aen en yemedegue ga'me leuaĝaiquipi 'me yodapecache gaa'me lapite'nadi choqogaa'me layaliaĝaco.

Nuevo Testamento Toba Sur

³⁵ So Jesús coleetapigui 'enauac nam pueblopi qataq nam nañalo nam saq 'amaqtaq shiÿaxauapi da dapaxaguenataxaatapoigui ana laponaxaqui na judiopi, i'axattac dam no'on qad'axaÿaxac mayi naigui da ilo'ogue 'enauacna ñim Dios, qataq natadeetac 'enauac nam ÿotta'a't lalolaxa qataq da nqui'ic na shiÿaxauapi.

La'aqtaqa Ñim Lo'onatac 'Enauacna 2013

³⁵ So Jesús coleetapigui 'enauac nam nma'ate qataq nam nañalo nam saq 'amaqtaq shiỹaxauapi da dapaxaguenataxaatapoigui ana napaxaguenaxaquipi na judiopi, ỹa'axattac dam no'on na'axaỹaxac maye naigui da ilo'ogue 'enauacna Ñim Lo'onatac 'Enauacna, qataq natareetac 'enauac nam ỹotta'a't lalolaxa qataq da nqui'ic na shiỹaxauapi.

Mateo 9:35 Referans Kwoze

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Marcos 6:56

Nataq'aen gamachaqaega noic jo'ne taue nale, uotaĝa ga'me noic jo'ne ch'e dajoedauo, uotaĝa gaa'me noyaqa let'al, uotaĝa gaa'me nedalegue ga'me 'nonaĝa, qama'le qonedode'ga ga'me leuaĝaiquipi ga'me ta'ya ñe'me Jesús nale, nataq'aen nachoĝodetedapecot joñe'me qaedi yajeta da'me ch'e qoyepoteuo'o ga'me lapoto lae, qama'le ena'uaque jogaa'me yepotedeuo'o joñe'me male yemedegue.

Mateo 11:5

A'uaĝachem qomle da'me male nauachidiñe jogaa'me qana'mi, nataq'aen jogaa'me uayodaĝayaqa male yeuo'tape, jogaa'me daloĝo lalataqa male yoqovite' da'me lapite'na't, jogaa'me ja domachiya'ape male domachi'y, jogaa'me joote yele'u yitaĝa nec'alidijeguem nataq'aen jogaa'me choĝodache male qo'yaĝatapema da'me onaĝaic Dios 'laqataĝanaĝac.

Lucas 13:22

Ga'me ladic jo'ne yelo'tegue di'me Jerusalén, Jesús yapaĝague'tape ga'me noyaqapi nataq'aen ga'me nomachaqa'te yema ga'me jo'ne ta'ya.

Hechos 2:22

“Chane'eja, ami jo'ne israelpi, yataqachiñe anaquiaĝañiya da'me ami ja'aĝatema: queda'me joote auayachiñe jo'ne Dios ami yaloĝonalo ca'li da'me lañoqotaĝanaĝac ñe'me Jesús jo'ne Nazaret le'ec, nach'eñe en na'yalo da'me yaloĝo'n gaa'me p'ajodaye li'yoĝodico, gaa'me lañoqotaĝanaĝaco nataq'aen 'nanaqa jo'ne yauo'oe.

Marcos 6:6

Chane'eja ñe'me Jesús jalcote da'me yoqoch'em queda'me gaa'me Nazaret laje' ja p'iida'a joñe'me, qama'le yec'atalo gaa'me noyaqolqa jo'ne ja qayapiye, qama'le dapaĝaguenataĝan.

Mateo 11:1

Ca'li yem da'me dojo' laqataĝac ñe'me Jesús jo'ne yanema jogaa'me doce 'me lapaĝaguenataqa, qama'le ca'e di'me ue'ta qaedi quetayilo ena'uaque jogaa'me noyaqa 'me neda'ña di'me dijo' aleua, da'me dapaĝaguenataĝatac nataq'aen 'yaĝatetapema da'me 'laqataĝanaĝac ñe'me Dios.

Mateo 10:1

Yem qama'le Jesús yiyaĝanalo joga'me doce jo'ne lapaĝaguenataqa, qama'le yanema da'me lañoqotaĝanaĝa'j qaedi yamaĝadegue gaa'me payac lepaqa'li jo'ne paĝachiguilo nataq'aen qaedi e'n yemedegue gaa'me yodapecache napite'nadi nataq'aen nayaliaĝaco.

Marcos 1:14

Joca'li joote qoyanetaue jaga'me coñetaĝanaĝaiqui ñe'me Juan, qama'le ñe'me Jesús yec'ata di'me Galilea qaedi 'yaĝatetac joda'me onaĝaic 'naqataĝanaĝac jo'ne chiyaqayi ñe'me Dios.