Mateo 9:33 - Nuevo Testamento Toba Sombrero Negro

³³ Mane'e ca'li Jesús yamaĝaye ga'me payac lepaqal qanach'e ñe'me chiyoĝojec paja'a yaqanatet ta'le 'uo ga'me 'laqatac. Ga'me jiyaĝadipi jalcote da'me yoqoch'em, enapega't: —¡Jena'me Israel c'oqo'tepi, qaya'te ua'a ta'le naq'aeta ga'me qoyauana ena'am da'me dojo'!

Nuevo Testamento Toba Sur

³³ Qaq co'ollaq chochi i'odauec se'eso l'ec leguemaxaic so Jesús, nachi se'eso qaicaua naua l'aqtaqa ishit da detaqa. Nachi na shiÿaxauapi ÿataqta huo'o da l'aalaxa. Nachi 'eeta': –Ÿataqta sa ÿauanaga da huo'o ca qaÿauaachigui da huangui na llalaqpi so Israel da huo'otaq 'eeta'am de'eda.

La'aqtaqa Ñim Lo'onatac 'Enauacna 2013

³³ Qaq So Jesús co'ollaq ỹo'orauec se'eso saqcha'a na'añaxac leguemaxaic, nache se'eso ỹale maye qaicaua naua la'aqtaqa ishet da detaqa. Nache so shiỹaxauapi ỹataqta huo'o da la'aalaxa. Nache 'eeta': «¡Ỹataqta sa ỹauanega da huo'o ca qaỹauaachigui da huangui na Israel le'ecpi da huo'otaq 'eeta'am de'era!»

Mateo 9:33 Referans Kwoze

Lucas 11:14

Jesús yamaĝaye ñe'me payac jo'ne en chiyoĝojec ñe'me jiyaĝaua; ca'li ñe'me payac joote yenoĝonegue, ñe'me chiyoĝojec paja'a doje, qama'le ga'me jiyaĝadipi yoqoch'em da'me dojo'.

Lucas 7:9

Jesús jalcote yoqoch'em da'me domachiya da'me dojo', qama'le yelotaue ga'me jiyaĝadipi jo'ne quetapegue', enaac: —Eja ami ja'aĝatema queda'me yema ga'me Israel laje'pi, qaya'te 'uo ga'me jauana jo'ne yaguegue da'me lepi'iyaĝac, da'me uotaĝa ena'am jenjo' jiyaĝaua.

Marcos 2:12

Joñe'me leuaĝaic paja'a ñijeguem joca'li, qama'le yacona ga'me lela', qama'le yenoĝonegue joca'li ena'uaque jogaa'me qonauachigui joca'li da'me dojo'. Nataq'aen ena'uaque jogaa'me jalcote da'me yoqochetem joca'li, qama'le 'nonaĝachidegue joñe'me Dios, nataq'aen enapega'ajalo: —Qaya'te ua'a ta'le naq'aeta ga'me jauanaĝa.

Mateo 8:10

Jesús yataqachiñe yoqoch'em da'me domachiya da'me dojo', qama'le dojapegue'to gaa'me jo'ne quetedapegue', enaac: —Ami jayatenaĝaneque queda'me yema ga'me Israel laje'pi, qaya'te 'uo ga'me jauana jo'ne yaguegue da'me lepi'iyaĝac, da'me uotaĝa ena'am jenjo' jiyaĝaua.

Mateo 9:32

Ca'li joote eque' gaa'me qana'mi, qama'le uo'oe gaa'me jiyaĝa'u jo'ne nauede'uo ñe'me Jesús ga'me ja domachiyac 'me uetaye ga'me payac lepaqal.