Mateo 9:15 - Nuevo Testamento Toba Sombrero Negro

¹⁵ Jesús 'yategueta jogaa'me: —¿Qo'li yaqanate't ta'le demalaqataĝata'ajalo gaa'me jo'ne yec'adeta ga'me neualaĝayaĝac qom cha'li uetauelo ñe'me nojaĝaua? Qalaĝaja yovita jo' qom'te ga'me laloqo' da'me male qoyauec ñe'me nojaĝaua; qom yovita ga'me nolo', qama'le eja chimaqachiñe da'me noqouaqatela'ajalo jogaa'me.

Nuevo Testamento Toba Sur

¹⁵ Nachi so Jesús 'enapeco': –¿Peta'a ishito' da ÿaatañi ca lasouaxaqui cam qaicoyiguen da ÿalectau'a cam nadonaxac da huo'otaq ña qaÿalecta'aguet ca auonaxaua? Qalaxayi huo'o ca na'a'q da ivita da qanqat ca auonaxaua, huaña, nachi ishit da nqouaqchit camayipi.

La'aqtaqa Ñim Lo'onatac 'Enauacna 2013

¹⁵ Nache So Jesús 'enapeco': –Cam ncoyeguenatacpi da ỹalegueua'a ca naronaxac camayepi saishet da daquicotac da huo'otaq ñaq qanayeeta'aguet ca auonaxaua. Qalaxaye da ivita que'eca laloqo' da qaỹauec que'eca auonaxaua. Huaña nache que'eca ncoyeguenatacpi ishet da ỹaayiñi naua anogo maye nasouaxaqui' qataq huaña, nache ishet da nqouaqchet.

Mateo 9:15 Referans Kwoze

Apocalipsis 19:9

Qama'le jayem dojapegue' joñe'me piyem le'ec, enaac: “Nayi auediñe da'me dojo': «Made'tapolqa jogaa'me jo'ne joote qoyayatenaĝanaĝaneque ga'me neualaĝayaĝaiqui jo'ne 'lonaĝaiqui joñe'me 'Naĝanaĝate Lec'oĝot.»” Yem qama'le yitaĝa jayem noqoteteneque: “Naa'me naajo' 'naqataqa jo'ne yataqachiñe ejoda daa'me 'laqataqa joñe'me Dios.”

Juan 3:29

Da'me 'nonáĝac, joga'me jo'ne 'uoneguet jaga'me lojaĝaua, nach'ega joga'me nojaĝaua; qalaĝaja joga'me jo'ne ch'e naigaĝaua joga'me nojaĝaua, jo'ne nach'e ena'am ue'ta lae joga'me, qama'le uotaĝa domachiya, qama'le 'uo da'me lamaic queda'me domachiya. Qama'le nach'e ena'am jayem, 'uo da'me yamaic jo'ne yataqachiñe nalo'ta't nayi.

Apocalipsis 21:2

Nataq'aen jauana ga'me noic let'adaic jo'ne ja 'nalegue, nach'edi di'me Jerusalén jo'ne dalaĝaic. Qama'le nenochiñe, chiyoqo'ot joñe'me Dios jo'ne ne'tague di'me piyem, queda'me joote yiyamaĝatetac, ena'am jaga'me nojaĝaua qom joote niyamaĝate'taguet qaedi male 'uoneguet ga'me lojaĝaua.

Hechos 14:23

Nataq'aen yauo'oe gaa'me lajoĝola'te ga'me p'etaqadaiquipi. Ca'li yoma't da'me netamenaĝa'j nataq'aen da'me noqouaqatetapela'ajalo, qama'le qoyaloĝolo'te ñe'me Jaliaĝanec, jo'ne male p'iida'a.

1 Corintios 7:5

Chane'eja gaa'me joote noua' 'noota qom ja nematedapiye nale da'me 'loyaĝa'j queda'me yataqachiñe qoyeloĝonaĝa'ta. Qalaĝaja qom ga'me jiyaĝaua nataq'aen jaga'me loua joote nayatena't queda'me cha'li uo'oe gaa'me noloqo'ote da'me nemana't, qaedi yemeda'a da'me netamenaĝa'j jogaa'me, qom yenoĝonegue ena'uac qama'le yemta yitaĝa uaĝata't jogaa'me, qaedi ñe'me payac ja ami 'te noma't, qa'a ja cop'a da'me aue'yaĝañiya'aguet da'me auepochiya jaga'me yauo.

Juan 16:6

Nayi lichiguilo naa'me adai'lidi' qa'a ja'aĝatetac da'me dojo' 'uo.

2 Corintios 11:27

Jalcote da'me 'yonataĝanaĝac, 'uo ga'me ua'a ja jaqanatet ta'le jo'oche; jec'on yoqouaĝa nataq'aen jelinquip, nataq'aen queda'me jouetaque ga'me yoĝot qama'le jec'on ga'me 'lomaĝa.

Mateo 9:14

Joga'me lapaĝaguenataqa ñe'me Juan 'me chilaĝanataĝanaĝaic yec'adeta ñe'me Jesús qama'le yachimaĝadeta, enaac: —Da'me qo'mi nataq'aen joga'me fariseopi jalcote da'me ñoqouaqataĝala't, qama'te naa'me adapaĝaguenataqa ¿toqoch'e ja noqouaqatela'ajalo?

Mateo 9:16

Qaya'te en laulaĝanaĝat ga'me dalaĝaic qom toijec ga'me loĝot, qa'a ga'me laulaĝanaĝat 'viya't qomle qama'le colqa'ague ga'me loĝot jo'ne toijec; chane'eja nichiguegue q'aen ga'me lauac.

Marcos 2:19

Jesús 'yategueta jogaa'me: —¿Qo'li eja da'me noqouaqatela'ajalo jogaa'me jo'ne yec'adeta ga'me neualaĝayaĝac, qom cha'li uetauelo joñe'me nojaĝaua? ¡Ja naq'aeta! Qom cha'li uetauelo ñe'me nojaĝaua qama'le ja yaqanate't ta'le noqouaqatela'ajalo.

Marcos 2:20

Qalaĝaja yovita jo' qom'te ga'me laloqo' da'me male qoyauec ñe'me nojaĝaua; qom yovita ga'me nolo' qama'le eja chimaqachiñe da'me noqouaqatela'ajalo jogaa'me.

Lucas 5:34

Jesús 'yategueta jogaa'me: —¿Qo'li jetaque aueñi noqouaqatela'ajalo jogaa'me jo'ne yec'adeta ga'me neualaĝayaĝac qom cha'li uetauelo ñe'me nojaĝaua?

Lucas 5:35

Qalaĝaja yovita jo' qom'te ga'me laloqo' da'me male qoyauec ñe'me nojaĝaua; qom yovita ga'me nolo', qama'le eja chimaqachiñe da'me noqouaqatela'ajalo jogaa'me.

Lucas 17:22

Yem qama'le t'aqataĝanema jogaa'me lapaĝaguenataqa: —Mach'e jayem Jiyaĝaua Lec'oĝot, qama'le yovideta ga'me noloqo'ote qom'te queda'me chiliajaĝa onolec ga'me nolo' da'me ami jetaque jayem auañiya, qalaĝaja ja auañiya.