Mateo 8:9 - Nuevo Testamento Toba Sombrero Negro

⁹ Qa'a nach'e ena'am da'me jayem, 'uo da'me yañoqotaĝanaĝac jo'ne jayem qoyachalegue qaedi ñejaliaĝatelo'te ga'me coicopi. Qom 'uo ga'me jamaq, da'me jenaac: «¡Oc nayi!» qama'le ec. Uotaĝa jenapega ga'me laqaya, jenaac: «¡Ayala!», qama'le jayem nec'ata. Nataq'aen qom 'uo ga'me jamaĝalegue ga'me yalemaĝajet ta'le 'uo ga'me ye'et, qama'le ya'uo.

Nuevo Testamento Toba Sur

⁹ Cha'ayi aÿim nataq'en sootañot da lamaxasoxonaxac na nta'alpi, qataq nataq'en aÿim huo'o na ñallippi mayi samaqtac. Qaq da huo'otaq huo'o ca samaq, qalaq jec. Qataq da seÿaxana ca lÿa, qalaq anac. Qataq da huo'otaq samaq ca ÿamaxashic da huo'o ca samaxalec, qalaq i'ot.

La'aqtaqa Ñim Lo'onatac 'Enauacna 2013

⁹ Cha'aye aỹem saỹaten da nalaxayec qataq da namaxasoxonaxac. Da huo'o ca shenapega 'oonolec na ñalleppi da nqo'ona ca lauanec, nache camaye jec. Qataq da shenapega ca lỹa da sheeta' 'auanac, nache camaye anac, qataq da samaq ca ỹamaxashec da huo'o ca ỹo'ot, nache camaye ỹalaq da huo'o ca ỹo'ot.

Mateo 8:9 Referans Kwoze

Tito 2:9

Auapaĝagueneque jogaa'me nelataqa qaedi naeda'ac ta'le yoqocha'alo jogaa'me ladi'p; 'noota ta'le qopitaĝanaqataqayaqa nataq'aen ja ataĝayaqa.

Colosenses 3:22

Ami nelataqa, auoqochiyalo jogaa'me adadipaidi' jena'me jenjo' aleua, ja nach'edata da'me qom ami yec'ate'tape, qaedi ami yiyamaĝade'n jogaa'me, dite da'me yataqachiñe yataqatelo'te naa'me adai'lidi', yajouaĝat da'me at'oiyapega joñe'me Jaliaĝanec.

Lucas 7:8

Qa'a nach'e ena'am da'me jayem, 'uo da'me yañoqotaĝanaĝac jo'ne jayem qoyachalegue qaedi ñejaliaĝatelo'te ga'me coicopi. Qama'le qom 'uo ga'me jamaq, da'me jenaac: «¡Oc nayi!», qama'le ec. Uotaĝa jenapega ga'me laqaya: «¡Ayala!», qama'le jayem nec'ata; nataq'aen qom 'uo ga'me jamaĝalegue ga'me yalemaĝajet ta'le 'uo ga'me ye'et, qama'le ya'uo.”

Lucas 4:39

Jesús yec'ate'uo, dajoyalegue jaga'me qama'le yicochaq ga'me lepi'yaĝac: qama'le uojotegue ga'me lepi'yaĝac. Qampaja'a qaale ñijeguem jaga'me qama'le yelo'ogueta.

Mateo 8:8

Qama'le ñe'me coicopi lajoĝola' 'yateguet: —Jaliaĝanec, ja jalo'taguet ta'le auenoĝonoue ñe'me 'yemec; nach'edata da'me aua'uo ga'me at'aqatac, qama'le di'me yalemaĝajet yemegue qomle.

Mateo 8:10

Jesús yataqachiñe yoqoch'em da'me domachiya da'me dojo', qama'le dojapegue'to gaa'me jo'ne quetedapegue', enaac: —Ami jayatenaĝaneque queda'me yema ga'me Israel laje'pi, qaya'te 'uo ga'me jauana jo'ne yaguegue da'me lepi'iyaĝac, da'me uotaĝa ena'am jenjo' jiyaĝaua.

Marcos 1:27

Ena'uaque ga'me jiyaĝadipi jalcote da'me t'oitedapega, nataq'aen nenatetapega't: —¿Jach'e ga'me eeta da'me dojo'? ¡Yataqachiñe dalaĝaic da'me dojo' lapaĝaguenataĝanaĝac! ¡Yataqachiñe 'uo da'me lañoqotaĝanaĝac qaedi yamaĝadegue jogaa'me payac lepaqa'li, qama'le yoqochideta joñe'me!

Lucas 9:1

Jesús yemata'a't jogaa'me lapaĝaguenataqa qama'le yanema da'me 'lañaĝa'j nataq'aen da'me lañoqotaĝanaĝa'j qaedi yamaĝadegue ena'uaque jogaa'me yodapecache 'me payagodipi nataq'aen qaedi e'n yemedegue jogaa'me uo'oe da'me lapite'nadi.