Mateo 8:2 - Nuevo Testamento Toba Sombrero Negro

² Qama'le 'uo ñe'me jiyaĝaua jo'ne netaye ga'me daloĝo, yejoidiñe naa'me leliquetel da'me dajoya'aguet ñe'me Jesús qama'le enaac: —Jaliaĝanec, qom a'uamaqaten qama'le auen qaya jena'me yapite'na.

Nuevo Testamento Toba Sur

² Nachi anac so shiÿaxaua mayi nchiga na l'oc, nachi i'adoto naua l-llicte so Jesús, nachi 'enapega, 'eeta': –'Am ÿataxala', da 'aushit, qaq no'on da aÿim 'anataden.

La'aqtaqa Ñim Lo'onatac 'Enauacna 2013

² Qaq anac so ỹale maye nchega na lo'oc, nache ỹa'aroto naua l-llectel So Jesús, nache 'enapega, 'eeta': –Aỹem saỹaten da 'am 'aushet da aỹem 'anataren ¿'auo'ot peta'a de'era?

Mateo 8:2 Referans Kwoze

Mateo 18:26

Ñe'me nalemaĝajet yejoidiñe naa'me leliquetel da'me dajoya'aguet ñe'me jaliaĝanec qama'le nachoĝodenot: «¡Jaliaĝanec, jayem avichoĝoden! Cha'li yitaĝa jayem auajoya'a qama'le yema jejeten qomle.»

Mateo 15:25

Qalaĝaja jañe'me yauo yec'ata ca'li yejoidiñe naa'me leliquetel da'me dajoya'aguet joñe'me, enaac: —¡Jaliaĝanec, jayem alecochiya!

1 Corintios 14:25

qama'le joga'me yechoĝot ga'me uetaue joga'me lauel, qama'le nachoĝodenot joñe'me Dios nataq'aen 'nonaĝachigui joñe'me nataq'aen enaac queda'me yataqachiñe eja ami uetauelo joñe'me Dios.

Hechos 10:25

Ca'li Pedro yovita ga'me 'nachaqa', Cornelio ca'aguet da'me yelo'oguet, qama'le yejoidiñe naa'me leliquetel da'me dajoya'aguet joñe'me qaedi 'nonaĝachigui.

Juan 9:38

Qama'le ñe'me jiyaĝaua male yejoidiñe naa'me leliquetel ca'li dajoya'aguet ñe'me Jesús, qama'le enaac: —Am Yejaliaĝanec, nayi da'me male am jep'iya'a.

Mateo 28:17

Mane'e ca'li yauata ñe'me Jesús, qama'le 'nonaĝachidegue, temaqaedi 'uo da'me loqoleguetaĝanaĝa'j ta'le naqaeñe joñe'me.

Lucas 4:27

Nach'e ena'am ca'li cha'li 'uo di'me Dios 'laqataĝanaĝanec Eliseo, uo'oe jalcote gaa'me leuaĝaiquipi di'me Israel jo'ne nolaĝa polio' lalataqa. Qalaĝaja qaya'te onolec ta'le en yemegue q'aen, dite di'me Naamán, jo'ne Siria le'ec.

Mateo 26:6

Jesús ue'ta di'me Betania, ga'me 'lachaqa' ñe'me Simón 'me qoyenaqatenec daloĝo litec;

Mateo 20:20

Jañe'me lat'e joga'me c'oqo'te ñe'me Zebedeo, nataq'aen naajo' c'oqo'te, yec'adeta ñe'me Jesús, qama'le jañe'me yejoidiñe naa'me leliquetel da'me dajoya'aguet ñe'me Jesús qaedi nachoĝodenot.

Mateo 14:33

Chane'eja jogaa'me netedañgui jaga'me licota yejoidiñe naa'me leliquetel ca'li dajoyida'aguet ñe'me Jesús, qama'le enapega't: —¡Yataqachiñe eja queda'me am Dios Lec'oĝot!

Mateo 13:58

Qama'le ja jalcote yacha'a da'me yaloĝon ga'me lañoqotaĝanaĝac qa'a ga'me jiyaĝadipi ja p'iida'a joñe'me.

Mateo 9:18

Mane'e ca'li Jesús cha'li dojetapegue'to ga'me jiyaĝadipi, qanach'e 'uo ñe'me jiyaĝaua jo'ne p'ajaye yovi' ca'li, qama'le yejoidiñe naa'me leliquetel da'me dajoya'aguet joñe'me Jesús, enaac: —Jadi'me yale yemta yeleu, qalaĝaja qom jayem oquegue nataq'aen auachalo'te naa'me adoua' qama'le yitaĝa nec'alegue qomle.

Apocalipsis 19:10

Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.

Mateo 28:9

Qanach'ega ua'a ca'li Jesús naloĝonegueta gaa'me nataq'aen yep'iye'n. Gaa'me yauo' yec'adeta ñe'me Jesús qama'le qapaleque jonaa'me lichil da'me 'nonaĝachidegue.

Mateo 10:8

Anec'alaĝachidegue jogaa'me yeleua'ape, a'niyelaĝachiidijeguem jogaa'me joote yele'u, aueñi yoqovite' jogaa'me nolaĝa polio' lalataqa nataq'aen auamaqayidegue jogaa'me payagodipi lepaqa'li. Dojo' nañoqotaĝanaĝac ami qoyanema nayi: qaya'te lajo'vi ta'le oquiyot. Chane'eja ena'te auauoyi lajo'vi da'me auec'alaqataĝañi.

Mateo 4:9

Enaac: —Qom auejoidiñe naa'me adeliquetel da'me jayem a'nonaĝachigui, qama'le am janema ena'uaque naa'me naajo' jo'ne am jaloĝonalo nayi.

Mateo 2:11

Ca'li tadoue ga'me emec qama'le yauata ñe'me notolec nataq'aen María mach'e lat'e; qama'le yejoidiñe naa'me leliquetel da'me 'nonaĝachidegue joñe'me. 'Youachi'ñeta naa'me naicaua lete' qama'le yate'm oro nataq'aen ga'me jo'ne jama ga'me laeta, choqoga'me yoĝoqui 'me davioĝo'n jo'ne li'i jaga'me epaq mirra.

Mateo 8:1

Ca'li Jesús nenochiñe, ca'e ga'me qajoĝonaĝa, qama'le jalcote ga'me jiyaĝadipi equegue.

Mateo 8:25

Chane'eja gaa'me lapaĝaguenataqa yec'adeta ca'li qaedi 'noqotoĝo'n, qama'le enapega't da'me yiyaĝadelegue: —¡Jaliaĝanec! ¡Qo'mi anec'alaĝatedegue: jetaque qo'mi domalidiñe!

Hechos 10:14

Pedro 'yateguet: —Aja'y, Jaliaĝanec; qa'a gamachaqaega ja no'en uotaĝa paĝachigui; ja jauana ta'le jalic.