Mateo 8:17 - Nuevo Testamento Toba Sombrero Negro

¹⁷ Yema di'yoq da'me dojo' qaedi yepaquichigui ga'me jo'ne joote yediñe ca'li ñe'me Dios 'laqataĝanaĝanec Isaías, eet'oi: “Ñe'me yaconegueta jogaa'me qadachoĝolaĝaco nataq'aen nepela't gaa'me qadapite'nayaĝaco.”

Nuevo Testamento Toba Sur

¹⁷ Qaq 'eetec de'eda, yaqto' ÿataqta ipacchigui dam i'axat co'ollaxa so l'aqtaxanaxanec ñi Dios l'enaxat Isaías, co'ollaq 'eeta': “Camayi nachishiguem 'enauac na qanqui'iguesat, qataq ÿachi 'enauac na qadalolaxapi.”

La'aqtaqa Ñim Lo'onatac 'Enauacna 2013

¹⁷ Qaq 'eetec de'era, yaqto' ỹataqta ipacchigui dam ỹachaxanapec co'ollaxa Ñim Lo'onatac 'Enauacna maye ỹa'axat so la'aqtaxanaxanec le'enaxat Isaías co'ollaq, 'eeta': «Camaye nataren 'enauac na qaralolaxasat, qataq qomi' nca'alaxateeguesopa na qanque'eenaxaguesat.»

Mateo 8:17 Referans Kwoze

1 Pedro 2:24

Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue.

Mateo 1:22

Yema da'me dojo' 'uo ca'li qaedi yepaque'teguelo gaa'me 'laqataqa ñe'me Jaliaĝanec ca'li yojaĝanaĝan ga'me 'laqataĝanaĝanec:

Mateo 2:23

Ca'li yovi't, yec'ata di'me noicolec jo'ne Nazaret qaedi na'ña. Naq'aeta da'me dojo' 'uo ca'li qaedi yepaquichigui ga'me jo'ne joote 'yaĝatetedac ca'li gaa'me Dios 'laqataĝanaĝanaqa queda'me Jesús qoyiyaĝanaĝatapec Nazaret le'ec qomle.

Mateo 2:15

naqaedi cha'li ueteda'a chayovida'a ca'li yeleu di'me Herodes. Da'me dojo' 'uo ca'li qaedi yepaquetelegue ga'me jo'ne joote 'yaĝatetac ñe'me Jaliaĝanec ca'li yojaĝanaĝan ga'me 'laqataĝanaĝanec: “Jachiyoĝota'ague di'me Egipto da'me jiyaĝana ñe'me Yalec.”

Marcos 1:32

Ca'li joote yenoĝoñi jañe'me ajeua, qalaqach'ele 'nalchiñe, da'me yenoĝonegue ga'me nolo' jo'ne niyamaqatac, qama'le qoyeda'alo ñe'me Jesús ena'uaque joga'me leuaĝaiquipi, nataq'aen jogaa'me payac lete',

Lucas 4:40

Ca'li joote yenoĝoñi jañe'me ajeua, da'me yenoĝonegue ga'me nolo' jo'ne niyamaqatac, qama'le ena'uaque gaa'me jo'ne yeleua'ape, jo'ne yodapecache gaa'me lapite'nadi, qoyeda'alo joñe'me Jesús. Qama'le joñe'me yachalo'te naa'me loua' jogaa'me, qama'le onolqa'tape en yemedegue.

2 Corintios 12:10

Nach'e ena'am jayem matac q'aen gaa'me yachoĝolaĝaco, da'me jayem qoyojouetac nataq'aen jayem qoyecaatac nataq'aen da'me uo'oe gaa'me youenaĝanaĝaco laqalaico 'me jayem nauateguet nale queda'me yataqachiñe jequegue ñe'me Cristo. Qa'a da'me chiyaqayi da'me jayem 'uañaĝaic q'aen nach'eda jatetoneguet da'me yachoĝolaĝac.