Mateo 7:25 - Nuevo Testamento Toba Sombrero Negro

²⁵ Novi' ga'me uotep, nayenegue ga'me ñache nataq'aen yajedidiñe gaa'me laya'che; qalaĝaja ja 'uaĝañe ga'me emec, qa'a qochiyoĝotetelegue ga'me qa' da'me qo'noĝojeguem.

Nuevo Testamento Toba Sur

²⁵ Qaq da ivita da anac na auot, qataq da i'auat so tala, qataq da anac na l'at lta'adaic, qalaq sa ishit da ÿañoxot da ÿalolaxajñi se'eso noÿic, cha'ayi ÿataqta n'oxootelec qanqoÿin so coma'.

La'aqtaqa Ñim Lo'onatac 'Enauacna 2013

²⁵ Qaq da ivita da anac na auot, qataq da npaxaasheguem so tala, qataq da anac na la'at lta'araic, qalaq saishet da ỹañoxot da ỹa'axasoxooñi que'eca nỹec, cha'aye ỹataqta no'oxootelec naqa'en ca ỹataqta ndota't coma'.

Mateo 7:25 Referans Kwoze

Santiago 1:12

Matac ga'me jiyaĝaua qom napogaĝadeneguet da'me napiyenaguec qama'le yaqanatet da'me 'nañaĝateguet, qa'a qom yovida'a da'me male ye'm daa'me napiyenagueco, qama'le yaconeguet ga'me lomataĝanaĝac jo'ne nec'alaĝa 'me qaya'te loiquiaqa'. Nach'eda da'me nec'alaĝa jo'ne Dios 'yaĝatema jogaa'me jo'ne noqopideta.

1 Pedro 1:7

Qa'a da'me adepi'iyaĝaqui ena'am jaga'me oro, da'me youen da'me qoyapiyenec ga'me lauaq ga'me dole', qaedi qoyayaten da'me yataqata yoqovita, qaya'te lale'gue. Qa'a ga'me nepe'e jo'ne ja yaqanatet da'me napiyenaguec, napacalegue da'me lajo'viyaĝac jaga'me oro jo'ne 'uo ga'me loiquiaqa'. Qama'le naq'aeta da'me adepi'i da'me ami, qom ja yaqanatet da'me napiyenaguec, qama'le 'uo qomle da'me aniyamaĝadenataguequi choqoda'me adi'yoĝodiqui nataq'aen da'me at'onaĝaqui, qom yovita ga'me nolo' p'ategue qom yataqata di'yo'quena joñe'me Jesucristo.

Colosenses 2:7

'Noota qom gaa'me lepatadi' da'me at'oyaĝaqui yoqoteteda'aguet joñe'me, nataq'aen da'me adepi'i 'noota qom naqaloĝodije'ma joñe'me, naq'aeta da'me ami qoyapaĝagueneque ca'li, qama'le nach'e eta't auañem da'me adamaiqui joñe'me Dios.

1 Pedro 1:5

Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

1 Juan 2:19

Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

Mateo 16:18

Qama'le am ja'aĝatem queda'me am Pedro ena'am ta'le am qa' let'adaic, qama'le nach'ena jenjo' qa' jo'ne jachiyoĝotetelegue qomle da'me 'ñoĝojeguem ga'me ñetamenaĝaiqui; nataq'aen yataqachiñe 'uo qomle da'me 'lañaĝac qaedi joda'me lañoqotaĝanaĝac da'me neleuaĝa ja yaqanatet ta'le nomat.

Mateo 7:24

“Chane'eja, da'me ami jo'ne jayem anaquiaĝañiya nayi: qom a'vichi da'me jo'ne ja'aĝatetac, qama'le aueñiya'am ga'me jiyaĝaua jo'ne yatenaĝanaĝaic: ca'li jetaque 'noĝojeguem ga'me 'lemec, qama'le yanalegue ga'me qa' let'adaic.

Mateo 7:26

Qalaĝaja qom ja a'vichi da'me jo'ne ja'aĝatetac, qama'le aueñiya'am ga'me chiyoĝojec jo'ne yanalegue ga'me pogaĝanaĝa ga'me 'lemec ca'li 'noĝojeguem.

Mateo 7:27

Novi' ga'me uotep, nayedijeguem ga'me ñache, yajedidiñe gaa'me laya'che qama'le iyiñe ga'me emec.”