Mateo 7:21 - Nuevo Testamento Toba Sombrero Negro

²¹ “Ga'me jiyaĝadipi jayem yiyaĝatedapega nale, enapega't: «¡Jaliaĝanec!», qalaĝaja ja yema'a't da'me tadoue joda'me lejaliaĝa ñe'me Taĝadena' 'me ne'tague di'me piyem. Gaa'me jo'ne yauote da'me loequenataĝanaĝac joñe'me, nach'egauate' gaa'me jo'ne yaqanate't ta'le tadoue.

Nuevo Testamento Toba Sur

²¹ Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

La'aqtaqa Ñim Lo'onatac 'Enauacna 2013

²¹ Saishet da 'enauac nam iỹaxaatega da Aỹem Lataxala' da huenoxoneua'a da lo'onataxanaxac Ñim Lo'onatac 'Enauacna. Damaye saishet da nachaqrata, iuen da ỹalaxaguet na lamaxasoxonaxacpi Ñim Ita'a maye neta'ague da piguem.

Mateo 7:21 Referans Kwoze

Romanos 2:13

Qa'a qom Dios yec'atelo'te joga'me jiyaĝadipi, ja chimaqachiñe da'me lajoĝo'j jogaa'me jo'ne nach'edata da'me domachiyalo daa'me namaĝajoĝonaĝaco, dite da'me lajoĝa'j jogaa'me jo'ne yoqocha'alo.

Lucas 6:46

“¿Toqoch'e jayem aviyaĝañetapec, «¡Am Qadejaliaĝanec!», qama'te ja auauoyi ga'me jo'ne jenaac?

Santiago 1:22

Qalaĝaja 'noota qom ja nach'edata da'me auomachiiya da'me dojo' napaĝaguenataĝanaĝac, dite da'me anapaĝagueñiya, qaedi yataqachiñe auoqochiiya, qa'a qom ja naq'aeta da'me auauoyi qama'le mach'e ami da'me male anoqoviñetapela't.

Lucas 11:28

Joñe'me 'yateguet: —¡Jaja'a! Qama'le ¡yataqachiñe p'ajaye da'me lamai'j jogaa'me jo'ne naquiaĝata daa'me Dios 'laqataqa, nataq'aen yoqochideta joñe'me!

Tito 1:16

Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.

Hebreos 4:6

Chane'eja, mate mane'e ñe'me Dios yiyaĝanalo ca'li joga'me jiyaĝadipi jo'ne mach'e lec'oqo'tepi qaedi yenoĝodoue di'me 'nomataĝaiqui, qalaĝaja jogaa'me ja 'yamaqate'n da'me 'laqatac joñe'me qama'le ja tadoue, yajouaĝat da'me ja yoqochideta joñe'me.

Juan 6:40

Qa'a da'me lelnataĝac joñe'me Taĝadena', yemeda jogaa'me jo'ne jayem yauata da'me jayem Lec'oĝot ñe'me Dios, nataq'aen da'me jayem p'iida'a, qama'le jetaque yauata da'me lec'alaĝa'j jo'ne qaya'te loiquiaqa'. Qa'a da'me jayem male 'ñiyelaĝachidijeguem jogaa'me qom yovita ga'me nolo' jo'ne p'ategue.

Apocalipsis 3:5

Jogaa'me jo'ne yovidedeta da'me noma't joga'me ja no'en, nach'egaua jo'ne naq'aete' da'me pagaĝayaqa na'me louo, qama'le ja japalaĝa't naa'me lenaqa'te jo'ne yededelegue ca'li jaga'me nede jo'ne uetaye da'me nec'alaĝa, dite da'me ja'aĝatot ñe'me Taĝadena' choqoñaa'me lamaĝa's jo'ne piyem laje' queda'me nach'egaua jo'ne jayem yemetede'eguet.

1 Pedro 4:2

qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

Apocalipsis 22:14

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Mateo 18:3

qama'le enaac: —Eja ami ja'aĝatema queda'me qom ja aueñiya'ama gaa'me ñoqolqa da'me anejouoqoeñi, qama'le ja auaqanachichi ta'le ayoue da'me lejaliaĝa jodi'me piyem.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

Marcos 3:35

Qa'a gamachaqaega ga'me jo'ne yauo'oe daa'me jo'ne loequenataĝanaĝaco 'me yepaquetapegalo joñe'me Dios, naqaega yaqayole, nataq'aen yaqayolec, nataq'aen mach'e yat'e.

1 Ts 5:18

Auañem adamaiqui joñe'me Dios, qa'a nach'ena jena'me jenjo' yataqata paquetapega da'me ami, jouaĝat da'me ami p'etaqadayaqa, yataqata auep'iiya'a joñe'me Cristo Jesús.

Efesios 6:6

Qama'le nach'ena jena'me jenjo' nach'e eta't auauoyi, ja nach'edata da'me auauoyi nale ami yec'ate'tape jogaa'me adejaliaĝanaqadi'. Da'me ami nach'e ena'am ami lalemaĝaje'te joñe'me Cristo, qama'le 'noota qom yataqata a'nañaĝachi da'me auauoyi ga'me loequenataĝanaĝac joñe'me Dios.

1 Pedro 2:15

Qa'a naq'aeta da'me loequenataĝanaĝac ñe'me Dios: qom auauoyi da'me chimaqachiñe, qama'le jogaa'me jo'ne qaya'te layatenaĝanaĝac nataq'aen jogaa'me chiyoĝo's qaya'te ladi'j ta'le ami dachinataĝalo'te.

Mateo 25:21

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

1 Ts 4:3

Ga'me yataqata 'yamaqaten joñe'me Dios, 'noota ta'le ga'me at'oyaĝaqui yataqata aueñi 'noota, chayovida'a da'me ja 'nalegue, nataq'aen ena'te 'uo joga'me leuaua jaga'me ja loua.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Lucas 13:25

Qom ñijeguem ñe'me loĝot ga'me emec qama'le yapadiñgui ga'me jom, ami jo'ne maliaĝa ovi'ta ga'me p'aye aviyaĝañetapeuo nataq'aen aueñiyaac jo': «¡Jaliaĝanec, qo'mi a'uouategueta qaedi jenoĝonaĝauo!» Qalaĝaja joñe'me ami 'yategueta: «Negue't, ja jayaten ga'me auachiyoqoya'ague.»

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Lucas 18:25

Qa'a ena'am ta'le ñe'me jiyac jo'ne camello ja yaqalaatac ta'le taue jaga'me qana 'laete, da'me te'me ja yaqanatet ga'me neuoyaq ta'le taue da'me Dios lejaliaĝa.

Marcos 9:47

Nach'e ena'am qom na'me at'aete auachiyoĝotaye da'me aua'uo ga'me adoec, ¡'noota qom anaqat! Qa'a 'noota da'me am qanam qom aue da'me Dios lejaliaĝa, qalaĝaja ja 'noota ta'le nalo'ta'ajalo gaa'me at'ae'te da'me am qoyajaĝaue di'me ne'uaĝanaqa' gaa'me loeco lo'olpi,

Mateo 19:24

Ami ji'iyelaĝatelo'te queda'me ena'am ta'le ñe'me jiyac jo'ne camello ja yaqalaatac ta'le taue jaga'me qana 'laete, da'me te'me ja yaqanatet ta'le taue da'me Dios lejaliaĝa ga'me neuoyaq.

Mateo 18:35

Yitaĝa enaac ñe'me Jesús: —Nach'e naq'aeta da'me ami 'yeteque qomle ñe'me Taĝadena' 'me na'ague di'me piyem, qom ja chiyaqayilo naa'me adai'lidi' da'me yataqata auapalaĝachi' gaa'me laviyaĝaco jogaa'me adaqayadi'.

Juan 15:23

ga'me jo'ne jayem niquiya'a, nach'e ena'am niquiya'a ñe'me Taĝadena'.

Mateo 26:42

Ca'li yitaĝa ec qama'le eetojo' da'me netamenaĝac: “Am Taĝadena', qom ja qoyaqataqaten janjo' yomaĝaiqui queda'me ja ñiyomigui, 'noota qom aua'uo da'me mach'e adoequenataĝanaĝac.”

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Apocalipsis 2:27

Yataqata yelolo'te jogaa'me noyaqa nataq'aen 'uo ga'me laje'l jo'ne laicaua qaedi yolaĝachigui jogaa'me, ena'am qoyen jaga'me naco'na jo'ne qoyolaĝat, qa'a naqayem jo'ne ja'uo da'me mach'e 'lañaĝa'j jogaa'me, nach'eda da'me 'nañaĝac jo'ne joote jayem yanem ñe'me Taĝadena'.

Juan 14:7

Da'me ami joote jayem auatetoñi, qama'le nach'e ena'am auatetoñi ñe'me Taĝadena'. Chane'eja chiyoqotelegue nayi, yataqata auatetoñi joñe'me nataq'aen auec'achiñetac.

Juan 5:17

Jesús male 'yategueta: —Ñe'me Taĝadena' nach'e eta't t'onataĝan, nataq'aen jayem nach'e ena'am jo'onataĝatac.

Mateo 26:39

Paja'a Jesús yec'ata ga'me qaya'ta, qama'le naĝañi chayovida'a yeda'aguet jena'me aleua jaga'me nepe, qama'le enaac da'me netamen: “Am Taĝadena', qom naq'aeta da'me aviyamaĝaden, ¡jayem auachiyoĝotaue da'me dojo' yachoĝodec! Qalaĝaja 'noota qom ja naqaega ga'me mach'e jepaquetapega, dite da'me mach'e adoequenataĝanaĝac.”

Mateo 18:10

Ena'te a'uotañi ga'me onolec naa'me naajo' 'najodolqa, qa'a ami ja'aĝatema queda'me uo'oe joga'me neuatoqo'tpi jo'ne piyem laje' 'me nach'e eta't dajoeda'aguet na'me latajoĝoc ñe'me Taĝadena'.

Mateo 18:19

“Ami jayatenaĝaneque queda'me qom ga'me auecoñediye jena'me jenjo' aleua, nach'e ena'am qoyecoñe' da'me daja' piyem, nataq'aen ga'me jo'ne auejoyitañe jena'me jenjo' aleua, nach'e ena'am da'me daja' piyem qoyejotaye ga'me.

Mateo 25:10

Mane'e ca'li eque' qaedi quetot ga'me mach'e loĝo't qanach'e novi' ñe'me nojaĝaua. Ca'li yenoĝoneuo nach'e ena'ama gaa'me yeviteta'ajalo da'me yec'adeta ga'me 'nonáĝac, qama'le napadiñgui ga'me jom.