Mateo 6:9 - Nuevo Testamento Toba Sombrero Negro

⁹ Nale anetameñi, aueñeetojo': «Am Qadet'a 'me ona'ague di'me Piyem, 'Noota qom qo'nonaĝachigui da'me adenaĝat.

Nuevo Testamento Toba Sur

⁹ Qaq ÿoqo'oyi da qanqouagaxauñi, qalaq qoñiita': 'Am qadta'a Dios mayi qoneto'ot na piguem, 'enauac da qaÿi'oxoden da 'ad'enaxat.

La'aqtaqa Ñim Lo'onatac 'Enauacna 2013

⁹ Qaq ỹoqo'oye da qanqouagaxauñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna.

Mateo 6:9 Referans Kwoze

Apocalipsis 4:11

“Am Qadejaliaĝanec nataq'aen da'me mach'e am Qanedios, Naqa'am jo'ne am tachigui da'me yataqata am qo'nonaĝachigui, Jouaĝat da'me 'uo da'me at'onaĝac nataq'aen da'me adañoqotaĝanaĝac let'adaic, Qa'a naqa'am jo'ne aue't yema naa'me naajo' uo'oe; Qa'a naq'aeta da'me mach'e adelnataĝac ca'li, Qama'le uo'oe nayi da'me male aue'n di'yo'quena.”

Romanos 8:15

Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.”

Gálatas 4:6

Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.”

Apocalipsis 5:12

qama'le nete'tape da'me yo'o'n da'me dojo': “¡Joñe'me 'Naĝanaĝate Lec'oĝot jo'ne qoyalat Nach'eñe jo'ne tachigui da'me yataqata qo'nonaĝachigui Jouaĝat da'me 'uo da'me lañoqotaĝanaĝac let'adaic Choqoda'me neuoyaĝac choqoda'me nayatenaĝanaĝac Choqoda'me qaya'te yaqalaatac choqoda'me 'lonaĝac! ¡'Noota qom jalcote da'me qo'nonaĝachigui joñe'me!”

Mateo 7:11

Chane'eja qom ami jo'ne qaleuaĝayaqa auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Adet'ai jo'ne na'ague di'me piyem yanema jaĝa'te gaa'me uo'oe jo'ne onaĝayaqa ena'uaque jogaa'me jo'ne yiyaĝadaque!

Mateo 26:29

Qalaĝaja ami ja'aĝatema queda'me ja yitaĝa ñiyomigui na'me uva li'i chayovida'a qom yitaĝa ami ñiyomaĝa'u ga'me nolo' qom yataqachiñe jona'ña di'me lejaliaqa' joñe'me Taĝadena', qom 'uo ga'me niqui'yaĝac let'adaic. Qom nach'ega nolo' qama'le ñiyomigui ga'me uva li'i dalaĝaic.

Mateo 23:9

Ena'te aueñetapega adet'ai gamachaqaega ga'me ch'e jiyaĝaua, qa'a onolec ñe'me Adet'ai jo'ne na'ague di'me piyem.

Mateo 5:16

Nach'e naq'aeta ga'me 'yoqochiñe jo'ne ami netayelo, 'noota qom yecoyadelo'te ga'me jiyaĝadipi, qaedi yauata daa'me onaĝayaqa 'me at'onataqadi' qama'le 'nonaĝachidegue joñe'me Dios.

Lucas 15:18

Male ji'iyelaĝague nayi ga'me taĝadena', qama'le jenaac jo': Taĝadena'olec, ja'uo da'me ja no'en jo'ne ñautena ñe'me Dios nataq'aen am ñautena.

1 Pedro 1:17

Nale anetameñiyot joñe'me Dios qama'le aueñiyaac: “Am Qadet'a.” Qalaĝaja joñe'me qayaua'te liquiyaqa da'me yec'ate'n onolqa'tape joga'me jiyaĝadipi, da'me naloqote'n qom maliaĝa uo'oe gaa'me loeco. Chane'eja 'noota qom nach'e eta't da'me ademiya'a da'me a'nonaĝachiyegui joñe'me, yemeda naa'me noloqo'ote da'me cha'li oñeta'ña jena'me aleua.

1 Timoteo 6:16

Nach'eñe onolec jo'ne qaya'te nalo'oguet, nataq'aen ga'me lejaliaqa' 'uo joga'me edañgui jo'ne nach'ega netaue, nataq'aen qaya'te yaqanatet ta'le davi'teguet. Maliaĝa qaya'te jiyaĝaua ta'le yauana joñe'me, nataq'aen ja qoyaqanatet qom qoyetapega qoyauana. Qama'le ¡'noota ta'le nach'eñe yelo'tot da'me qo'nonaĝachigui choqoda'me let'adaic lejaliaĝa! Jaja'a, nach'e naq'aeta da'me dojo'.

Lucas 15:21

Joñe'me c'oĝot enaac: «Taĝadena'olec, ja'uo da'me ja no'en jo'ne ñautena ñe'me Dios nataq'aen am ñautena, qama'le ja jalo'taguet ta'le jayem aviyaĝanatapec da'me ac'oĝot.»

Lucas 2:14

“¡Qo'nonaĝachigui joñe'me Dios jo'ne na'ague di'me p'ajeguem! ¡'Nemaĝac neda'ña jena'me aleua uetouelo joga'me jiyaĝadipi, nach'egaua jo'ne Dios yichoĝode'n!”

Mateo 6:14

“Qa'a qom auapalaĝachi' gaa'me ja 'noe'n jo'ne ami 'yeteque gaa'me adaqayadi', ñe'me Adet'ai jo'ne na'ague di'me piyem nach'e ena'am yapalaĝa't gaa'me ja 'noe'n jo'ne at'onataqadi'.

Mateo 6:6

Qalaĝaja am, qom anetamen, aue ga'me at'emec, auapadiñgui ga'me jom qama'le ja aualoĝon da'me anetamenot joñe'me Adet'a. Qama'le ñe'me Adet'a da'me yauana ga'me aua'uo jo'ne ja aualoĝon, am yanem qomle ga'me adajo'vi.

Mateo 5:48

'Noota qom yataqachiñe ami chimadichidiñe, nach'e naq'aeta ñe'me Adet'ai jo'ne na'ague di'me piyem yataqachiñe chimaqachiñe.

Gálatas 1:1

Jayem Pablo jo'ne jayem Jesucristo lamaĝajec, jo'ne jayem qoyeladelegue da'me qaedi ja'aĝatetac 'naqataĝanaĝac jo'ne onaĝaic. Qaya'te gamachaqaega ch'e aleua le'ec ta'le jayem yiyaĝana qaedi jayem lamaĝajec, dite nach'eñe ñe'me Jesucristo nataq'aen ñe'me Dios mach'e Let'a jo'ne 'niyelaĝachijeguem ca'li joñe'me.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

Mateo 26:42

Ca'li yitaĝa ec qama'le eetojo' da'me netamenaĝac: “Am Taĝadena', qom ja qoyaqataqaten janjo' yomaĝaiqui queda'me ja ñiyomigui, 'noota qom aua'uo da'me mach'e adoequenataĝanaĝac.”

Romanos 1:7

Dios ami noqopitalo, nataq'aen ami qoyapetenegueta gaa'me Dios lec'oqo'tepi. 'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

Mateo 10:29

“¿Qo'li ja aueñi 'te tayí ch'e onole nemena nale auemeñi' gaa'me dojolqa mayodi? Qalaĝaja qaya'te gamachaqaega ta'le talegue jena'me aleua qom ja naq'aeta ga'me yaje'tema ñe'me Adet'ai.