Mateo 6:25 - Nuevo Testamento Toba Sombrero Negro

²⁵ “Chane'eja, ami ja'aĝatema: ena'te diyachitapiyelo naa'me adai'lidi' qa'a jouaĝat da'me at'oyaĝaqui qom qaya'te aualiqui, uotaĝa ga'me aniyomiyigui uotaĝa ga'me adeuodi'. Qa'a da'me qat'oyaĝac, ¿qo'li ja napacalegue ga'me qoyalic? Nataq'aen da'me qanejiyaĝauayaĝac, ¿qo'li ja napacalegue ga'me qoyaiñe?

Nuevo Testamento Toba Sur

²⁵ Qaq ÿoqo'oyi nagui qami' shinapegalo da sa ishit qome da qami' ÿaquicoqchitta'pe cam qolliqui qataq cam qanÿomiigui mayi qaviñiitac, qataq cam qodogoxochi. Cha'ayi da achaalataxac sa ishit da 'eeta'am cam qanallic, qataq da n'oquiaxac sa ishit da 'eeta'am cam nogoxot.

La'aqtaqa Ñim Lo'onatac 'Enauacna 2013

²⁵ Qaq ỹoqo'oye nagui qami' shenapegalo da saishet qome da nachaqrata da qauennacheetega cam qolliqui qataq cam qanỹomiigui, qataq cam qorogoxoche maye qaviñiitac. Cha'aye, ¿qaỹo'ot peta'a da achaalataxac da yaqto' nachaqrata da lquia'axac? Qataq ¿qaỹo'ot peta'a da no'ocỹaxac da nachaqrata da qano'otaxanaxaatac?

Mateo 6:25 Referans Kwoze

Filipenses 4:6

Ena'te aueñi lichiguilo naa'me adai'lidi' nale, dite da'me nach'e eta't anetameñetac, qama'le anachoĝodeñitapecot joñe'me Qadet'a Dios nale 'uo joga'me auoviñetaque, nataq'aen auañem da'me adamaiqui nale.

1 Pedro 5:7

Auepotañejop ena'uaque jogaa'me adepagaĝadiqui' joñe'me Dios, qa'a joñe'me nach'e eta't da'me ami yelolo'te.

Romanos 8:32

Qom Dios ja qo'mi 'te nematapeque, nataq'aen ñe'me mach'e C'oĝot, dite da'me yanoue da'me leleuaĝa qa'a jouaĝat qo'mi, da'me qo'mi yanema ñe'me C'oĝot, ¿qo'li ja nach'e ena'am qo'mi yanema ena'uaque gaa'me uo'oe?

Mateo 6:31

Chane'eja ena'te aueñi diyachitapiyelo naa'me adai'lidi' da'me anenachetapega't: «¿Jach'e jogamaĝa jaliguinaq?» uotaĝa «¿Jach'e jogamaĝa ñiyomaĝaye?» uotaĝa «¿Jach'e jogamaĝa janaĝadiñi jo'ne qadeuo?»

Marcos 4:19

qalaĝaja 'uo da'me lipi'chi' daa'me leuoyaĝaco jena'me aleua, nataq'aen da'me loqovinaĝanaĝac da'me neuoyaĝac, nataq'aen gaa'me nepitaqataĝanaĝaco gamachaqaegaua jo'ne uedapi'ña jena'me aleua. Nach'enaua jo'ne yep'aĝadiñe da'me dojo' 'naqataĝanaĝac, qama'le ja yauote jalayaĝa'j.

Mateo 10:19

Qalaĝaja qom ami qoyauelo'te jogaa'me jaliaĝanaqa 'me p'ajodaye ena'te diyachiyelo naa'me adai'lidi' queda'me jach'e jogamaĝa anenaĝachiyegue qom a'uachiyegueta, qa'a qom yovita ga'me laloqo' da'me male 'uo ga'me adetaĝayaĝaqui qama'le Dios ami yanema naa'me at'aqataqadi'.

1 Corintios 7:32

Qalaĝaja jayem jepaquetapega ta'le ami qaya'te adachitataiqui. Joga'me p'etaqadaiquipi jo'ne jamaĝayaqa chitatatedapega da'me ye't joda'me 'lonatac ñe'me Jaliaĝanec, nataq'aen uenate'ta da'me qaedi matac q'aen ñe'me Jaliaĝanec.

Mateo 6:34

Ena'te aueyachitapiye't qa'a jouaĝat qom 'yoĝoñi, qa'a qom nete' 'uo ga'me adedaqa' da'me aueyachitapiye't. Yemeda naa'me noloqo'ote nalochilo gaa'me qayoĝode' laqalaico.

2 Timoteo 2:4

Auayaten queda'me nale t'onataĝan ga'me coico le'ec qama'le ga'me 'lonataĝanaĝac ja en 'te yaleeguet ga'me ua'ña jena'me aleua, qa'a yataqata yauo'oe gaa'me lamaĝajoĝonaĝaco ga'me lejaliaĝanec.

Lucas 8:14

Jaga'me peta jo'ne tachi'ñalo ga'me yaĝat qamqa'me yelo'tegueta gaa'me jo'ne domachita, qalaĝaja queda'me 'uo da'me lepitaqataĝanaĝaco daa'me neuoyaĝaco nataq'aen daa'me mach'e lamaico da'me nejiyaĝauayaĝa'j, qama'le nach'eda eeta da'me qaya'te chiyaqayilo jo'ne dalaĝaic da'me yauote jalayaĝa'j.

Mateo 13:22

Nataq'aen ga'me naje'moto ga'me yaĝat da'me qoyaañi, nach'ega jo'ne domachiyalo gaa'me 'naqataqa, qalaĝaja da'me lepitaĝanaĝanaĝaco jena'me aleua nataq'aen joda'me loqovinaĝanaĝaco da'me neuoyaĝac yapadiñe da'me 'naqataĝanaĝac, chane'eja ja yauote jalayaĝac.

Lucas 12:11

“Qom ami qoyauegouelo ga'me nemaĝaiqui, ami qoyajoĝona'agueta gaa'me jiyaĝadipi nec'atenoqo't nataq'aen jaliaĝanaqa, ena'te aviyechitac queda'me jach'e jogamaĝa at'ataĝaqui uotaĝa ga'me anenaĝachiyegue,

Marcos 13:11

Nataq'aen ena'te at'oiyapega ga'me jo'ne anenaĝachiyegue qom ami qoyajoĝona'agueta gaa'me lejaliaĝanaqa gaa'me nemaĝaiqui'. Nach'ega laloqo' da'me anenaĝachiyegue ga'me jo'ne Dios ami yaloĝonalo, qa'a ja naqa'ami ta'le mach'e auojeyi, dite ñe'me Lepaqal joñe'me Dios jo'ne ami yojaĝanaĝa'n.