Mateo 6:2 - Nuevo Testamento Toba Sombrero Negro

² “Qo'che', qom alecochiiyalo gaa'me 'uo da'me louenaĝanaĝa'j, ena'te aueñi naua'alo naa'me layat ladico da'me a'uaĝatetapeñigue, ena'am nale ga'me yauote jogaa'me ja yataĝalo'te, nale yec'atalo gaa'me nemaĝaiqui' nataq'aen nale ueteda'a ga'me nadic jo'ne noĝoyaĝac, nach'edata da'me qaedi ga'me jiyaĝadipi yiyamaĝade'tape jogaa'me. Ami ja'aĝatema queda'me joote qoya'uo ga'me lajo'vi'y, qaya'te laqaya qomle.

Nuevo Testamento Toba Sur

² Qaq ÿoqo'oyi da ivita da qautauañi cam huo'o da lhuenaxanaxa, qalaq sa ishit da ÿaÿajna'a't qanqashiñi 'enauac na shiÿaxauapi da qoñiita'am da 'eetec nam saq ÿataxalec da lataxac da nachaxaata da huetaigui ana laponaxaquipi na judiopi qataq na nqa'aicpi. Qaq 'eetec de'eda namayipi, cha'ayi chochi nshitaique da no'on da n'aqtaguec. Qalaxayi aÿim shinapec, da de'eda i'ot, damayi naigui da sogote da huo'o da nshiitenaguec.

La'aqtaqa Ñim Lo'onatac 'Enauacna 2013

² Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Mateo 6:2 Referans Kwoze

Mateo 6:5

“Qom anetameñi, ena'te aueñiya'ama gaa'me jo'ne ja yataĝalo'te, jogaa'me jo'ne noqopideta da'me nechatetedañe nale netame'n da'me uetauelo gaa'me nemaĝaiqui' nataq'aen nale ue'talo gaa'me netaetedeuo ga'me laeñi ga'me noic, qaedi ga'me jiyaĝadipi yauanalo. Ami jayatenaĝaneque queda'me joote qoya'uo ga'me lajo'vi'y.

Mateo 6:16

“Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.

Juan 5:41

“Jayem ja jouetaque ta'le jaconeguet ga'me li'yoĝodenataĝanaĝa'j ga'me jiyaĝadipi,

Hebreos 13:16

Nach'e ena'am ena'te aĝañiñi da'me auauoyi da'me 'noota, nataq'aen da'me anecolaĝachiyalo gaa'me adaqayadi' ga'me youetedaque, qa'a nach'eda da'me qadajaqajec jo'ne 'yamaqaten joñe'me Dios.

Lucas 20:46

“Achiya'agueta joga'me judiopi napaĝaguenoqo'tpi jo'ne noqopideta da'me yaidiñe gaa'me yatedañe da'me leuo jo'ne yededañe nale yeuo'tape, nataq'aen nale yec'adeta ga'me laeñi ga'me noic qama'le jetaque qo'nonaĝachiguilo da'me qoyep'iye'n. Nataq'aen nale tadoue ga'me nemaĝaiqui qama'le 'yatalo gaa'me je'onaĝaiqui' jo'ne p'adeuo jo'ne qoyi'yoĝoden nataq'aen 'yatalo gaa'me 'lachaqa'te jo'ne onaĝayaqa nale deque'y.

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

Efesios 4:28

Joga'me jo'ne cachaĝaic ca'li, 'noota qom yaĝañi da'me lecachaĝac. Nach'edata da'me t'onataĝan nayi qaedi 'uo ga'me chiyaqayi, qama'le yaqanatet da'me lecochiyalo gaa'me louenaĝanaĝaco.

Gálatas 2:10

Jaldata da'me qo'mi yamaĝalo'te da'me qaedi ja japalaĝataqa'talo jogaa'me choĝodache 'me neda'ña di'me Jerusalén, tachigui da'me nach'eda jetaque ja'uo nale.

Hechos 10:4

Cornelio yelo'ta ñe'me piyem le'ec nataq'aen t'oiyapega, qama'le yena't: —¿Jach'ega, jaliaĝanec? Joñe'me piyem le'ec enaac: —Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

1 Timoteo 6:18

Nataq'aen a'uaĝatema qaedi yauote da'me 'noota, qa'a da'me onaĝayaqa 'lonataqa ena'am ta'le yataqata neuoyaĝaco. Nataq'aen 'noota ta'le ja jemataqayaqa, nataq'aen onaĝaicaloec.

Romanos 12:8

Ga'me jo'ne qoyanem da'me qoyen nemeyaĝac qaedi 'yañaqate'tape ga'me laqaya, 'noota qom yalemaqa'teguet da'me 'yañaqate'tape joga'me. Ga'me jo'ne 'uo ga'me yanegue, 'noota qom ja jematatac da'me ya'uo; ga'me jo'ne da'me 'nonatac jo'ne qayoĝode' gaa'me yelapelo'te, 'noota qom netela da'me ye'et da'me 'nelopaguec; ga'me jo'ne lecochiyalo jogaa'me choĝodayaqolqa, 'noota qom matac da'me ye'et da'me dojo'.

Hechos 24:17

“Uo'oe gaa'me 'uoidi yenoĝodegue, da'me jec'atapegalo qayoĝode' 'nachaqa'te, qama'le 'ñiyelaĝa jena'me 'ñaleua qaedi janeuo jaga'me yachetaĝanaqate nataq'aen janeuo jaga'me yajaqaje.

Hechos 10:31

Qama'le jayem t'aqataĝanem, enaac: «Cornelio, Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

Hechos 10:2

Nach'eñe ñe'me jiyaĝaua jo'ne choĝodenataĝanaĝaic joca'li, jo'ne nalo'ta'ajalo gaa'me mach'e 'lachaqadiaĝa'u da'me 'nonaĝachidegue joñe'me Dios. Nataq'aen jalcote jaga'me naicaua yanegue qaedi lecochaĝanaĝanegueta joga'me judiopi nataq'aen nach'e eta't netametapecot joñe'me Dios.

Hechos 9:36

Jaa'me jaajo' noloqo'ote ga'me noic jo'ne Jope na'ña jañe'me p'etaqadai lenaĝat Tabitá, jo'ne griego 'laqatac yelo'teguet Dorcas. Janjo' yauo yema da'me nejiyaĝauayaĝac 'yetetac da'me 'noota nataq'aen lecochiyalo gaa'me 'uo da'me louenaĝanaĝa'j.

Juan 13:29

Joñe'me Judas nach'eñe yelapelegue joca'li joga'me noĝoiqui jo'ne uapiñgui jaga'me laicaua, qama'le uo'oe jogaa'me eetedapega Jesús yamaĝalegue ñe'me Judas qaedi neuoden qa'a 'uo joga'me qoyouetaque jena'me liqui'yaĝa'j. Gaa'me laqaya' 'uo da'me lelnataĝa'j da'me uotaĝa male jetaque 'uo joga'me qoyanema jogaa'me choĝodache.

Juan 5:44

¿Teua'atoqo' jayem auep'iiya'a da'me ami, qom auacoñiyeguet ga'me li'yoĝodenataĝanaĝa'j jogaa'me adaqayadi', qama'te ja aueloyaque ga'me ni'yoĝodenataĝanaĝac jo'ne chiyoĝogue ñe'me Dios jo'ne onolec?

Lucas 6:42

Qom ja auetadenac na'me adetauoĝojet jo'ne t'adaic 'me netaye jana'me at'aete, ¿teua'atoqo' auojapegue' ga'me adaqaya: «Am yaqaya, cha'li jayem auaje'tem ta'le ñaqat na'me adetauoĝojet 'me netaye jana'me at'aete»? ¡Ja am 'te eja! Cha'li 'uaeñe anaqat na'me epaq 'me netaye jana'me mach'e at'aete, qama'le naq'aeta da'me male auauatalegue da'me anaqat ga'me letauoĝojet ga'me adaqaya jo'ne netaye jaga'me mach'e 'laete.

Marcos 12:39

Nale tadoue ga'me nemaĝaiqui qama'le 'yatalo gaa'me je'onaĝaiqui' jo'ne p'adeuo jo'ne qoyi'yoĝode'n, nataq'aen 'yatalo gaa'me 'lachaqa'te jo'ne onaĝayaqa nale deque'y.

Filemón 1:7

Am yaqaya, yataqachiñe jayem matacolec nataq'aen 'uañaĝaicolec, yataqata 'uo da'me ñetonaĝac, qa'a jouaĝat joda'me adichoĝodenataĝanaĝac, da'me aloyaĝanate'tape ca'li jonaa'me lai'li ena'uaque jogaa'me qadaqaya'olqa jo'ne p'iida'a joñe'me.

1 Ts 2:6

Yataqata ja jeloqotac ta'le 'uo ga'me qo'mi 'nonaĝachiguilo, uotaĝa ta'le ami uotaĝa gamachaqaega ta'le qo'mi 'nonaĝachiguilo: ja naq'aeta.

Hechos 11:29

Chane'eja joga'me p'etaqadaiquipi 'me neteda'ña di'me Antioquía 'uo da'me lelnataĝa'j da'me yamaĝalo da'me lecochaĝa'j jogaa'me laqaya'olqa 'me neda'ña di'me Judea, jogaa'me mach'e yayate'n ga'me yaqanate't ta'le yadegue.

Lucas 13:15

Qalaĝaja ñe'me Jaliaĝanec 'yategueta: —¡Ami jo'ne aueñetapela't da'me ami ejoda yataqachiñe adejomiyac! ¿Ja auejoyiye joona jaga'me aloyi uaca uotaĝa ajena ga'me nolo' niyamaqatac, qaedi aniyomaĝañi'?

Lucas 12:56

¡Yataqachiñe da'me ja ami 'te yataqatelo'te! Qom eja auayachiñe da'me a'uaĝachetac da'me 'loyaĝac di'me piyem, nataq'aen jena'me aleua, qama'te ¿toqoch'e ja auayachiñe ta'le a'uaĝachetac gaa'me noloqo'ote jo'ne ovitauelo?

Lucas 12:33

Auemeñi ga'me jo'ne auañiya, nataq'aen auañema gaa'me 'uo da'me louenaĝanaĝa'j; 'noota qom auauoyi da'me dojo' qa'a ena'am ta'le a'vichiyeque gaa'me adoĝoiqui'idi' ta'le ja yedalo'te da'me toye's, qama'le naq'aeta da'me 'uo da'me adeuoyaĝaqui 'me ua'ague di'me piyem, 'me qaya'te loiquiaqa'. Nach'edi di'me qaya'te yaqanatet ta'le decachi, nataq'aen qaya'te 'uo ga'me potoĝolo ta'le 'naĝat da'me en dec'oyi.

Lucas 11:43

“¡Degueja qom'te da'me adachoĝodequi, ami fariseopi! Qa'a auepaquitapega ta'le oñiyañguilo gaa'me je'onaĝaiqui' jo'ne qoyi'yoĝode'n nale ayoue ga'me nemaĝaiqui, nataq'aen auepaquitapega ta'le ami yi'yoĝode'tape gaa'me jiyaĝadipi nale ovi'ta ga'me laeñi ga'me noic.

Lucas 11:41

'Noota qom auañiyegue ga'me p'auo jo'ne chiyaqayi da'me adecachaĝaqui, qama'le naq'aeta da'me male yoqovichiguilo naa'me adai'lidi'.

Lucas 6:24

“Qalaĝaja, ¡degueja qomle da'me lachoĝode'j gaa'me neuoyaĝadi, qa'a joote yauata da'me lamai'j jo'ne yem qomle!

Marcos 7:6

Qalaĝaja Jesús 'yategueta jogaa'me: —Yataqachiñe jalcote da'me onaĝaicolec da'me 'laqatac ca'li di'me Isaías, jo'ne 'laqataĝanaĝanec joñe'me Dios, queda'me ami uaqatalo, da'me ami jo'ne ch'e tenataĝanaĝaiquipi, ca'li yediñe da'me dojo' jo'ne enaac: “Jenjo' jiyaĝadipi jayem yi'yoĝodetedac nale qalaĝaja ch'e 'laqataqa jo'ne ja ejoda, qa'a naa'me lai'li maliaĝa ja jayem 'te yauoqoda'a.

Mateo 24:51

Qama'le ya'uo da'me ne'uaĝanaguec, yamaĝaue da'me yepagaqate'tegue da'me lachoĝode'j jogaa'me ja ejoda, ua'a da'me noyenaĝac nataq'aen yoqolavina't jonaa'me lodaitel.

Mateo 23:6

Jetaque 'yatalo gaa'me 'lachaqa'te jo'ne onaĝayaqa nale deque'y, nataq'aen 'yatalo gaa'me je'onaĝaiqui' jo'ne p'adeuo jo'ne qoyi'yoĝode'n nale yec'ata ga'me lemaĝaiqui',

Mateo 22:18

Qalaĝaja Jesús yayate'n queda'me ja no'en da'me lelnataĝa'j jogaa'me, qama'le enaac: —¿Toqoch'e jayem auapiyeñi, ami jo'ne aueñetapega ami ejoda?

Mateo 16:3

nataq'aen nale nete' aueñiyaac: «Nayi ja no'en ga'me nolo' qa'a yetoĝomaq di'me piyem nataq'aen 'uo jena'me lo'oc.» Qom eja yataqachiñe da'me a'uaĝachetac da'me 'loyaĝac di'me piyem, qalaĝaja ¿toqoch'e ja auayachiñe da'me a'uaĝache'tape gaa'me 'nanaqa jo'ne uo'oe naa'me naajo' noloqo'ote?

Mateo 15:7

¡Ja ami 'te ejoda! Yataqachiñe ejoda naa'me 'laqataqa ca'li ñe'me Dios 'laqataĝanaĝanec Isaías ca'li joote ami 'yaĝa'tape da'me enaac:

Mateo 7:5

¡Ja am 'te eja! Cha'li 'uaeñe anaqat jaga'me epaq jo'ne netaye jana'me mach'e at'aete, qama'le naq'aeta da'me male auauatalegue da'me anaqat ga'me letauoĝojet ga'me adaqaya jo'ne netaye jaga'me mach'e 'laete.

Mateo 5:18

Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

Mateo 6:3

Qom alecochiyalo ga'me 'uo da'me louenaĝanaĝa'j, ena'te a'uaqataĝanem ga'me mate mane'e yataqachiñe anaigaĝaua.

Mateo 23:5

Yema yauote qaedi ga'me jiyaĝadipi yec'ate'n jogaa'me. Nataq'aen 'yamaqate'n da'me yauo'oe lete' na'me laliaqa gaa'me Dios 'laqataqa qaedi yachetalo'te naa'me nepel nataq'aen naa'me loua', nataq'aen yaidiñe gaa'me leuo jo'ne yededañe naa'me la'uol.

1 Corintios 13:3

Nataq'aen qom yema janegue ga'me jauana, nataq'aen qom ñemenouelo joga'me qadaute'upi qaedi qoyigoue da'me 'yoyaĝac, qalaĝaja qom qaya'te yoqopich'i qama'le qaya'te jayem chiyaqayi.