Mateo 6:12 - Nuevo Testamento Toba Sombrero Negro

¹² Auapalaĝa't gaa'me ja 'noe'n jo'ne jauoqo'oe, Nach'e naq'aeta nale japalaĝata' gaa'me ja 'noe'n jo'ne qo'mi qo'yeteque.

Nuevo Testamento Toba Sur

¹² 'Auapalaxat qome da qadasouaxashit, 'eeta'ama qomi' da mashi sapalaxataq cam qomi' qai'oteque sa ÿaÿamaxañi.

La'aqtaqa Ñim Lo'onatac 'Enauacna 2013

¹² 'Auapalaxat qome na qauem maye so'otaq, 'eeta'ama qomi' da mashe sapalaxataq 'enauac nam qomi' qaỹo'oteque qauem.

Mateo 6:12 Referans Kwoze

Efesios 4:32

Dite da'me ami yataqatelo'te nataq'aen aueñi damichiguilo naa'me adai'lidi'; auapalaĝachi nale ga'me laviyaĝajet ga'me adaqayai, qa'a nach'e ena'am ñe'me Dios joote yapalaĝa't gaa'me mach'e qadaviyaĝaje'te, ca'li qo'mi nemelo'te joñe'me Lec'oĝot Jesucristo qaedi male qadec'alegue.

Marcos 11:25

Nataq'aen qom anetameñetac, qom 'uo ga'me ami nautenalo, 'noota qom auapalaĝachi daa'me laviyaqataĝanaĝaco, qaedi nach'e ena'am yapalaĝa't daa'me adoecodi' ñe'me Adet'ai jo'ne na'ague di'me p'ajeguem 'me piyem.

Efesios 1:7

Da'me leleuaĝa joñe'me Jesucristo ca'li uetalegue jaga'me sodoso, male Dios en qo'mi uojotedañi, da'me yapalaĝa't yemeda jogaa'me qadoeco. Nach'ena jena'me jenjo' ya'uo ca'li qa'a jouaĝat da'me yataqata eja qo'mi noqopitalo.

Colosenses 3:13

Aneualaĝaeñetapegue'to jogaa'me adaqayadi', nataq'aen qom 'uo ga'me ami 'yeteque da'me ja no'en, qama'le auapalaĝachi' gaa'me laviyaĝaco. Nach'e naq'aeta ñe'me Jaliaĝanec yapalaĝa't joga'me adaviyaĝacodi', nach'e ena'am da'me ami 'noota qom auapalaĝachi' jogaa'me anaviyaqatagueco.

Lucas 11:4

Auapalaĝa't daa'me qadaviyaĝaco, qa'a nach'e ena'am qo'mi japalaĝata' gamachaqaegaua ja 'noe'n jo'ne qo'mi qo'yeteque. Ena'te qo'mi auaueguedoue da'me qanapiyenaguec.»

Lucas 6:37

“Ena'te ami loqotenaĝanaĝayaqa jogaa'me adaqayadi', qama'le Dios ja ami 'te yachalo'te da'me laloqotenaĝanaĝac. Ena'te auamaqayoue da'me ne'uaĝanague'j jogaa'me adaqayadi', qama'le Dios ja ya'uo 'te ane'uaĝanaguequi. Ena'te auenachi'ta ga'me anaviyaqataguequi, qama'le Dios yapalaĝa't gaa'me adaviyaĝacodi'.

Hechos 13:38

Chane'eja, ami yaqaya'olqa, 'noota qom auayachiñe da'me dojo': chiyaqayi joñe'me Jesucristo, male ami qo'yaĝatema da'me ladic da'me qoyapalaĝa't naa'me noeco.

Mateo 9:2

Naqaedi ua'a da'me uo'oe gaa'me jiyaĝa'u yedodeuo'o ga'me laqaya' jo'ne choĝolaĝaic, uetalegue ga'me lela'. Mane'e ca'li Jesús yauana da'me lepe'e' jogaa'me, qama'le dojapegue' ñe'me leuaĝaic, enaac: —Am yaqaya, ¡yataqata a'nañaĝat, qa'a jodaa'me adoeco male qoyapalaĝa't!

Mateo 26:28

qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.

Lucas 13:4

Nataq'aen uo'oe ca'li jogaa'me dieciocho jo'ne yele'u ca'li 'uaĝalo'te joga'me 'noĝona jo'ne lenaĝat Siloé qama'le yep'aĝadiñe: ¿qo'li auepíchitapega queda'me yataqachiñe 'uo da'me laviyaĝajet jo'ne ja ena'ama gaa'me 'lachaqa't di'me Jerusalén?