Mateo 5:9 - Nuevo Testamento Toba Sombrero Negro

⁹ “Nataq'aen made'tapolqa qomle gaa'me jo'ne 'yetedac da'me 'nemaĝac, qa'a Dios e'n lec'oqo'tolqa jogaa'me.

Nuevo Testamento Toba Sur

⁹ Qataq ÿataqta machiguiñi qome nam huetapec da yaqto' huo'o ca nlagaxayic, cha'ayi ñi Dios ÿamata'ac qome da ÿataqta llalaqpi.

La'aqtaqa Ñim Lo'onatac 'Enauacna 2013

⁹ Ñim Lo'onatac 'Enauacna ỹaalec da nqouagaxa nam do'onataxaatacpi da yaqto' huo'o ca nlagaxayec ana 'alhua, cha'aye namayepi da qaiỹaxana qalaq ỹataqta llalaqpi Ñim Lo'onatac 'Enauacna.

Mateo 5:9 Referans Kwoze

Hebreos 12:14

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

Romanos 12:18

Qom maqachaĝa ja qalaq ga'me adaloi'taguet da'me auañema gaa'me adaqayadi', auauoyi ga'me maqachaĝa yaqanate't qaedi onolqa'tape uetedaue da'me 'lemaĝa'j.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

Romanos 8:14

Ena'uaque gaa'me jo'ne dajoteda'ye ñe'me Dios Lepaqal, mach'e Dios lec'oqo'te jogaa'me.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

2 Corintios 13:11

Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo.

Colosenses 3:13

Aneualaĝaeñetapegue'to jogaa'me adaqayadi', nataq'aen qom 'uo ga'me ami 'yeteque da'me ja no'en, qama'le auapalaĝachi' gaa'me laviyaĝaco. Nach'e naq'aeta ñe'me Jaliaĝanec yapalaĝa't joga'me adaviyaĝacodi', nach'e ena'am da'me ami 'noota qom auapalaĝachi' jogaa'me anaviyaqatagueco.

Mateo 5:48

'Noota qom yataqachiñe ami chimadichidiñe, nach'e naq'aeta ñe'me Adet'ai jo'ne na'ague di'me piyem yataqachiñe chimaqachiñe.

2 Corintios 5:20

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

Hechos 7:26

Ca'li nolo' laqaya, Moisés yejomalo'te gaa'me deloquitapega't jo'ne Israel laje', qama'le jetaque yecochaĝada't, enaac: «Ami mach'e naqaya'; ¿toqoch'e mach'e ami da'me ja no'en da'me auauoyi?»

Mateo 5:45

Qama'le naq'aeta da'me ami e'n di'yo't da'me ami lec'oqo'tolqa ñe'me Adet'ai 'me na'ague di'me piyem; qa'a jañe'me 'najeua ñe'me yecoyadelo'te gaa'me ja p'iida'a nataq'aen gaa'me p'iida'a; nataq'aen namaĝalo ga'me uotep gaa'me chimadichidiñe nataq'aen gaa'me ja chimadichidiñe.

1 Corintios 6:6

¡Ja jaldata da'me mach'egaua nepi'iyaĝa'u da'me deloiquitapega't, dite nach'e ena'am yeda'alo da'me necotaĝa'j joga'me jiyaĝadipi nec'atenoqo't jo'ne ja p'etaqadayaqa!

Filipenses 4:2

Yataqata ñachoĝodenoto jaga'me Evodia nataq'aen jaga'me Síntique qaedi male ja nautena't, qa'a ami dos joote oviyaue da'me naqayayaĝac 'me chiyoqo'ot joñe'me Qadejaliaĝanec.

Lucas 20:36

qa'a male ja yitaĝa yele'u. Da'me ena'ama qomle gaa'me piyem laje', nataq'aen yataqachiñe Dios lec'oqo'tolqa queda'me 'niyelaĝadijeguem.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

Romanos 8:16

Qama'le nach'eñe ñe'me Dios Lepaqal uaĝayet ñe'me qadepaqal qaedi yechoĝot da'me male qo'mi lec'oqo'tolqa ñe'me Dios.

Romanos 8:19

Yema gaa'me 'lonatacpi ñe'me Dios 'uo da'me lidiaĝa ga'me nolo' qomle jena'me lec'oqo'tepi ñe'me Dios da'me male qoyaloĝo'n.