Mateo 5:7 - Nuevo Testamento Toba Sombrero Negro

⁷ “Nataq'aen made'tapolqa qomle gaa'me jo'ne choĝodena taĝanaĝayaqa, qa'a nach'egaua gaa'me jo'ne qoyichoĝode'n qomle.

Nuevo Testamento Toba Sur

⁷ Qataq ÿataqta machiguiñi qome nam ichoxoden ca lÿa, cha'ayi ñi Dios ichoxoden qome namayipi.

La'aqtaqa Ñim Lo'onatac 'Enauacna 2013

⁷ Ñim Lo'onatac 'Enauacna ỹaalec da nqouagaxa nam choxonnataxanaxaicpi, cha'aye Ñimaye ichoxoren nataqa'en namayepi.

Mateo 5:7 Referans Kwoze

Efesios 4:32

Dite da'me ami yataqatelo'te nataq'aen aueñi damichiguilo naa'me adai'lidi'; auapalaĝachi nale ga'me laviyaĝajet ga'me adaqayai, qa'a nach'e ena'am ñe'me Dios joote yapalaĝa't gaa'me mach'e qadaviyaĝaje'te, ca'li qo'mi nemelo'te joñe'me Lec'oĝot Jesucristo qaedi male qadec'alegue.

Santiago 2:13

Qa'a jogaa'me jo'ne ja yichoĝode'n gaa'me laqaya', qom 'uo da'me nec'atenague'j, qama'le nach'e ena'am da'me ja qoyichoĝode'n qomle. Qalaĝaja gaa'me jo'ne 'uo da'me lichoĝodenataĝanaĝa'j nach'egaua jo'ne 'uo da'me lomataĝanaĝa'j qom male yovita ga'me nolo' da'me male 'uo da'me nec'atenaĝanaĝac.

Santiago 3:17

Qalaĝaja jogaa'me jo'ne ue'tajopa joda'me nayatenaĝanaĝac jo'ne chiyaqaje'ma joñe'me Dios, 'uaeñe da'me nedo'ta't yema joda'me 'loyaĝac, nataq'aen da'me joĝodaic choqoda'me onaĝaicaloec, nataq'aen choĝodenataĝanaĝayaqa nataq'aen da'me yataqatelegue ya'uo da'me lecochaĝac jo'ne onaĝaic, nataq'aen da'me ja ch'e noqovila't, choqoda'me onaĝaic joda'me ya'uo.

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

Hebreos 4:16

Chane'eja da'me qo'mi, 'noota qom ena'te joqoleguetaq da'me jec'ataĝa'uo di'me lejaliaqa' joñe'me mach'e Qanedios jo'ne ñoqotaĝanaĝaic, qaedi joñe'me qo'mi lecochiyalo nataq'aen da'me qo'mi yichoĝode'n, gamachaqaega ga'me nolo' qom 'uo ga'me jouenaqataque.

1 Pedro 2:10

Da'me ami joca'li ja jalchi'ena ta'le ami noic laje', qalaĝaja nayi male ami noic jo'ne Dios lec'oqo'tepi. Joca'li ñe'me Dios cha'li ja ami 'te yichoĝode'n, qalaĝaja nayi male yataqata ami yichoĝode'n.

Marcos 11:25

Nataq'aen qom anetameñetac, qom 'uo ga'me ami nautenalo, 'noota qom auapalaĝachi daa'me laviyaqataĝanaĝaco, qaedi nach'e ena'am yapalaĝa't daa'me adoecodi' ñe'me Adet'ai jo'ne na'ague di'me p'ajeguem 'me piyem.

1 Timoteo 1:13

qa'ejole ca'li ja 'noe'n nale gaa'me ñenaĝatedegue jo'ne je'n yeloteda'a nale ñe'me Jesús, jecaa'tape jogaa'me lalemaĝaje'te nataq'aen da'me je'ue'tape, jeetapegalo ja 'noe'n. Qalaĝaja ñe'me Jesús yataqata jayem yichoĝoden, qa'a yajouaĝat da'me maliaĝa ja jep'iya'a joñe'me, nataq'aen yataqata ja jayaten joga'me jauotac, yataqata jejomac.

1 Corintios 7:25

Nayi japaĝague'n jogaa'me jamaĝayaqa: dojo' qaya'te lapaĝaguenataĝanaĝac ñe'me Jaliaĝanec ta'le yeloĝonaĝa'teguet joda'me, qalaĝaja ami janema da'me mach'e yelnataĝac, nach'eda lelnataĝac ga'me jo'ne joote yedalegue da'me Dios lichoĝodenataĝanaĝac, qama'le auaqanachichi da'me a'uamaqachiñe.

1 Timoteo 1:16

Qalaĝaja joñe'me Jesucristo yataqata jayem yichoĝoden, qama'le yaloĝon da'me lepagaĝac da'me jayem. Te'me ja jayem 'te no'en, qalaĝaja jetaque aueñeta qom yataqata jetaque ayoue da'me nec'alaĝa jo'ne qaya'te loiquiaqa'.

2 Corintios 4:1

Qo'che' ja qadoual, qa'a ñe'me Dios jo'ne choĝodenataĝanaĝaic qo'mi 'yelopeque jenjo' 'nonatac.

Romanos 11:30

Gaa'me noloqo'ote 'me yenoĝodegue joca'li, ja auauoyi ga'me yepaquetapega ñe'me Dios, qa'a ja auoqochiiya. Qalaĝaja nayi jogaa'me judiopi, queda'me ja yoqochideta joñe'me, male Dios ami yichoĝode'n.