Mateo 5:28 - Nuevo Testamento Toba Sombrero Negro

²⁸ Qalaĝaja ami ja'aĝatema queda'me gamachaqaega jo'ne yec'aten jaga'me yauo qama'le yepita'a, joote taue da'me loec joga'me.

Nuevo Testamento Toba Sur

²⁸ Qalaxayi aÿim qami' shinapegalo da huo'otaq huo'o ca chochi ilogui aca 'alo da huo'otaq huo'o da lqopichi, nachi camayi sogote da 'eeta'am da mashi ncachiÿa'ai' acamayi dam lquiyaqteÿaxac.

La'aqtaqa Ñim Lo'onatac 'Enauacna 2013

²⁸ Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Mateo 5:28 Referans Kwoze

1 Juan 2:16

Qa'a yema gaa'me lamaico jogaa'me jiyaĝadipi jo'ne ja 'noe'n ja chiyoqodaje'ma joñe'me Qadet'a, dite da'me mach'e chiyaqayilo jogaa'me jiyaĝadipi. Naajo' yepitaqate'tape 'lonataqa jo'ne ja 'noe'n gaa'me jiyaĝadipi: daa'me ja 'noe'n lamaico 'me nejiyaĝauayaĝaco, nataq'aen da'me yepiteda'a ga'me jo'ne yauata, nataq'aen daa'me ni'yoĝodenaĝaco da'me neuoyaĝac.

2 Pedro 2:14

Qaga'te yauo ta'le ja yepiteda'a; ja noua'l da'me yauote da'me loe'j. Gamachaqaega nenaĝatedegue qaedi gaa'me jo'ne choĝolaĝaic da'me lepe'e' male e'n made'tape q'ae'n; qa'a yayate'n da'me mach'e latenataĝanaĝa'j; nach'egaua jiyaĝadipi jo'ne uetedalegue da'me let'adaic ne'uaĝanague'j.

Romanos 7:14

Jayatenaq gaa'me namaĝajoĝonaĝaco jo'ne chiyoqodo'ot joñe'me Dios da'me 'yaĝatetedac ga'me ja di'yoq, qalaĝaja jayem qaya'te 'yañaĝac, nemenec 'me lelatac da'me etaĝaloĝoc.

Mateo 5:39

Qalaĝaja ami ja'aĝatema da'me dojo': gamachaqaega 'uo ga'me ja no'en am 'yetec, ena'te a'viyelaĝateguet, dite da'me qom 'uo ga'me ye'uaĝan na'me adanoc 'me auayaten, nach'e ena'am auaje'tem ta'le ye'uaĝan na'me laqaya.

Mateo 5:22

Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

Mateo 15:19

Qa'a gaa'me chiyoqodaue na'me lauel ga'me jiyaĝaua nach'egaua jo'ne chiyoĝogueta naa'me lelnataĝaco 'me ja 'noe'n, da'me nalataĝanaĝac, da'me leuaua jaga'me ja yataqachiñe loua, da'me nequejeguetaĝa, da'me noqovinaĝanaĝac choqoda'me nejenaĝanaĝac.