Mateo 5:22 - Nuevo Testamento Toba Sombrero Negro

²² Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

Nuevo Testamento Toba Sur

²² Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

La'aqtaqa Ñim Lo'onatac 'Enauacna 2013

²² Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Mateo 5:22 Referans Kwoze

1 Juan 2:9

Qom 'uo gamachaqaega jo'ne eetapela't netaye da'me yoqochiñe, qalaĝaja maliaĝa niquiya'a ga'me laqaya, qama'le maliaĝa uetaue da'me 'lalaĝa.

Santiago 3:6

Nataq'aen jena'me qadachaĝat, nach'ena jo'ne dole'. Jena'me jo'ne ja no'en joda'me 'lonatac 'me nayi qoyen joda'me qanejiyaĝauayaĝac, qama'le 'naĝat yema na'me qadapat nataq'aen en edañgui joda'me qanejiyaĝauayaĝac. Qaya'te loiquiaqa' joda'me lauaqayaĝac joga'me dole', qa'a nach'edi di'me payac 'lachaqa' jo'ne en edañgui.

Tito 3:2

'Noota qom ja ja 'noe'n naa'me 'laqataqa jo'ne yachalo'te gaa'me laqaya'olqa, ja loequiaĝayaqa, nataq'aen 'noota qom choĝodenataĝanaĝayaqa, nataq'aen ja en 'te 'yoĝodenaĝaic da'me 'loyaĝa'j nale dajoya'agueta gaa'me laqaya'olqa.

Mateo 10:28

Ena'te at'oyiyalo gaa'me jo'ne yaqanate't ta'le ami yala't, qa'a ja yaqanate't ta'le yala't ñe'me adepaqali. Nach'edata da'me at'oyiyapega ñe'me jo'ne yaqanatet ta'le ami yamaĝauelo di'me ne'uaĝanaqa' ga'me loeco lo'olpi jo'ne payac 'lachaqa' qaedi yapalaĝat ñe'me adepaqali nataq'aen ga'me adapachi.

Mateo 18:35

Yitaĝa enaac ñe'me Jesús: —Nach'e naq'aeta da'me ami 'yeteque qomle ñe'me Taĝadena' 'me na'ague di'me piyem, qom ja chiyaqayilo naa'me adai'lidi' da'me yataqata auapalaĝachi' gaa'me laviyaĝaco jogaa'me adaqayadi'.

1 Pedro 3:9

Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

Romanos 12:10

Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.

1 Pedro 2:23

Mane'e joca'li qoyejouetac, qalaĝaja ja 'yiyelaĝateguet joga'me nejouenaguec. Mane'e joca'li qoya'uo da'me lachoĝodec, qalaĝaja ja deloiquitac, dite da'me yaloĝona joñe'me Dios qaedi yec'aten, qa'a nach'eñe jo'ne qaya'te nepaten.

Mateo 18:21

Chane'eja Pedro yachimaĝata ñe'me Jesús, enaac: —Jaliaĝanec, ¿jach'e ga'me nalo'taguet da'me japalaĝa't gaa'me laviyaĝaco ga'me yaqaya, qom 'uo ga'me jayem 'yetec? ¿Qo'li chayovida'a siete?

Judas 1:9

Qalaĝaja ñe'me lajoĝola' ga'me piyem laje'pi jo'ne lenaĝat da'me Miguel deloiquitapegue' ca'li ñe'me payac, deloiquitedapiye da'me lapachidiaĝac di'me Moisés ca'li joote qaya, qalaĝaja ja jetaque ch'e ye'uaĝaneque daa'me mach'e 'laqataqa, dite da'me nach'edata da'me enaac: “¡Mach'e am nelaĝa joñe'me Jaliaĝanec!”

1 Juan 3:10

Qoyayate'n jogaa'me Dios lec'oqo'tolqa nataq'aen qoyayate'n jogaa'me payac lec'oqo'te, qa'a gamachaqaega jo'ne ja ya'uo da'me 'noota, uotaĝa ja noqopita ga'me laqaya, nach'ega ja chiyoĝoguet joñe'me Dios, dite da'me chiyoĝoguet joñe'me payac.

Hechos 17:18

Nach'e ena'am uo'oe gaa'me yatenaĝanaĝayaqa jo'ne epicureopi choqogaa'me estoicopi, paja'a necotedapegue' ñe'me. Uo'oe gaa'me enapega't: —¿Jach'e ga'me 'yaĝatetac dojo' jaĝaic? Nataq'aen laqaya' enapega't: —Ena'am ta'le aqataĝanaĝaic gaa'me qop'iyapegalo jo'ne chiyoqodayi. Naq'aeta da'me 'laqata'j qa'a Pablo 'yaĝatetac da'me onaĝaic 'naqataĝanaĝac 'me 'yaĝatetac ñe'me Jesús nataq'aen queda'me 'niyelaĝajeguem ca'li.

1 Ts 4:6

Ena'te ta'le 'uo joga'me ch'e eetapega yoqovin joga'me laqaya uotaĝa ta'le ee'tec ga'me ja no'en, qa'a joñe'me Qadet'a yataqata ja 'yamaqaten da'me dojo', qama'le ya'uo jo' qomle joga'me laviyaĝajet. Qalaĝaja yema jena'me jenjo' joote ami ja'aĝataĝama ca'li.

Marcos 14:55

Jogaa'me lejaliaĝanaqa ga'me tamenaĝaiqui lo'olpi nataq'aen ena'uaque jogaa'me jo'ne dajoya'a't nale jo'ne p'ajodaye yelotedaque gamachaqaega uajoilegue joñe'me Jesús qaedi chiyaqayi da'me qoyalat; qalaĝaja ja yauata joga'me.

Mateo 26:59

Jogaa'me lejaliaĝanaqa ga'me tamenaĝaiqui lo'olpi nataq'aen ena'uaque gaa'me p'ajodaye 'me yema'a't nale yelotedaque ga'me ja eja 'naqataguec ñe'me Jesús qaedi chiyaqayi da'me qoyalat,

Juan 11:47

Chane'eja joga'me fariseopi choqogaa'me lejaliaĝanaqa gaa'me tamenaĝaiqui lo'ol yemata'a't yema jogaa'me najoĝola'te, qama'le dojapega't, enapega't: —¿Jach'e ga'me jauoqo? Qa'a jojo' jiyaĝaua en di'yo't qayoĝode' gaa'me 'nanaqa.

Apocalipsis 20:14

Yem da'me dojo', qama'le joñe'me lejaliaĝanec da'me neleuaĝa chaqañe'me necoñetaĝanaĝaiqui' ga'me napa'lpi male nach'e ena'ama da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Hechos 7:37

Jenjo' nach'ena Moisés jo'ne 'yaĝatema ga'me israelpi: «Dios ya'uo qomle da'me 'uo ga'me ami chiyaqauelo jo'ne 'laqataĝanaĝanec, ena'am da'me jayem.»

Lucas 12:5

Male ami ja'aĝatema ñe'me jo'ne nach'eñe 'noota ta'le at'oiyapega: at'oiyapega ñe'me jo'ne yaqanatet ta'le yapalaĝat da'me at'oyaĝaqui qama'le ua'edi yaqanatet ta'le ami yamaĝauelo ga'me ne'uaĝanaqa' ga'me loeco lo'olpi jo'ne payac 'lachaqa'. Naq'aeta, 'noota qom nach'eñe at'oiyapega joñe'me Dios.

Mateo 5:44

Qalaĝaja ami ja'aĝatema: Adoqopichiyalo gaa'me jo'ne ami niquiya'alo, nataq'aen auajelaĝañilo'te ga'me jo'ne ami yachoĝode'tape.

Mateo 5:34

Qalaĝaja ami ja'aĝatema da'me ena'te ami aĝataĝayaqa. Ena'te a'naĝachiyot jodi'me piyem, qa'a nach'edi lejaliaqa' joñe'me Dios;

Mateo 3:17

Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

1 Juan 5:16

Qama'le qom jauanaĝa ga'me qadaqayolec da'me yejamaĝatalegue da'me ya'uo ga'me loec jo'ne maqachaĝa ja yovidaĝa'ta da'me leleuaĝa, 'noota qom ñetamenaĝalegue, qaedi Dios yanem da'me netouenaĝac ga'me qadaqayolec. Qom naq'aeta ga'me loec 'me ya'uo jo'ne maqachaĝa ja yovidaĝa'ta da'me leleuaĝa, qama'le Dios yataqachiñe yanem da'me netouenaĝac. Qalaĝaja, 'uo ga'me loe'j gaa'me jiyaĝadipi jo'ne eja yovidaĝa'ta da'me leleuaĝa, qama'le naqaega loe'j jo'ne ja jaqanatetaq ta'le ñetamenaĝalegue.

Santiago 2:20

Qama'le ena'te ami chiyoĝo's, dite da'me yataqata auetadeñiyac da'me qom 'uo ga'me jo'ne ue'tajop ga'me lepe'e, qalaĝaja ja nach'e ena'am yapoteneguet ga'me jo'ne mach'e en 'lonatac, qama'le nach'eda nepe'e jo'ne qaya'te chiyaqayi.

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?

Hebreos 5:9

Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

1 Corintios 6:10

uotaĝa gaa'me dalataĝa'n nale decachi'y, uotaĝa gaa'me pitaĝanaqataqayaqa, uotaĝa gaa'me taĝayaqa nale, uotaĝa gaa'me 'uenaĝanaĝayaqa, uotaĝa gaa'me cachaĝayaqa. Qaya'te onolec naa'me naajo' yaqanate't ta'le taue joda'me lejaliaĝa ñe'me Dios.

1 Corintios 6:6

¡Ja jaldata da'me mach'egaua nepi'iyaĝa'u da'me deloiquitapega't, dite nach'e ena'am yeda'alo da'me necotaĝa'j joga'me jiyaĝadipi nec'atenoqo't jo'ne ja p'etaqadayaqa!

Hechos 5:27

Ca'li yovi't, qama'le qoyaue'ualo gaa'me jiyaĝa'u p'ajodaye 'me dajo'ta't, ñe'me lejaliaĝane'j ga'me tamenaĝaiqui lo'olpi, eetojo':

Juan 15:25

Qalaĝaja jena'me jenjo' male 'uo nayi qaedi yepaquichiguilo naa'me nedii's jo'ne joote qoyedidiñe, da'me enaac: «Jayem niquiyata qalaĝaja ja di'yoq ga'me jayem yajouaĝatem.»

Juan 8:48

Jogaa'me judiopi male enapega't: —Nayi male yepaquichigui da'me eja da'me ñenaĝataĝaye ca'li jenaqaac da'me am jo'ne Samaria le'ec, 'me am payac lae't.

Juan 7:20

Jogaa'me jiyaĝadipi male qo'yateguet: —¿Qo'li am payac lae't? ¿Jach'e ga'me jo'ne jetaque am yalat?

Marcos 15:1

Mane'e ca'li 'yoĝojañi, jogaa'me tamenaĝaiqui lo'olpi lejaliaĝanaqa, joga'me 'yaĝaicachidipi choqoga'me judiopi napaĝaguenoqo'tpi yema'a't, gaa'me jiyaĝa'u jo'ne yataqachiñe p'ajodaye. Qama'le qoyanetayelo ga'me lequet ñe'me Jesús da'me yaue'j, qaedi qoyajoĝona'aguet joñe'me Pilato.

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

Mateo 23:33

“¡Ami nanayaqapi! ¡Ami c'oqo'tepi ga'me nanayaqa! ¿Teua'atoqo' ami yaĝa'n qomle ga'me ane'uaĝanaguequi qomle da'me ami qoyajaĝa'ñalo di'me payac 'lachaqa'?

Mateo 23:15

¡Degueja da'me adachoĝodequi qomle, ami judiopi napaĝaguenoqo'tpi nataq'aen fariseopi jo'ne ja ami 'te ejoda! Ami jo'ne oquiilegue nale jena'me aleua nataq'aen ga'me noĝop let'a qaedi anaviquila't ga'me jo'ne ja jayem 'te p'iya'a, qama'le nale auaqanachichi aueñe'tem da'me yataqata p'ajaye da'me ne'uaĝanaguec qomle qoyajaĝa'ña ga'me ne'uaĝanaqa' jo'ne payac 'lachaqa'.

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 12:24

Ca'li domachita da'me dojo', joga'me fariseopi enapega't: “Nach'eñe Beelzebú lejaliaĝane'j joga'me payagodipi yanem da'me lañoqotaĝanaĝac dojo' jiyaĝaua qaedi yamaĝadegue jogaa'me.”

Mateo 10:17

'Noota qom anechilela't, qa'a ami qoyanouelo qomle jogaa'me jaliaĝanaqa nataq'aen ami qoyachauelo jogaa'me judiopi lemaĝaiqui' da'me ami qoye'uaĝa'n

Lucas 22:66

Mane'e ca'li nete', qama'le yema'a't ga'me 'yaĝaicachidipi, jogaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi, qama'le yaueta ñe'me Jesús ga'me ua'a da'me yema'a't gaa'me p'ajodaye, ua'a da'me qoyenatetalegue:

Hechos 4:15

Chane'eja qoyamaĝadegue jogaa'me, qama'le mach'egaua necotayapega't.

Hechos 5:21

Queda'me naq'aeta da'me domachita, ca'li ne'teta ga'me nolo' laqaya, tadoue ga'me tamenaĝaiqui qama'le paja'a dapaĝaguenataĝa'n. Chane'eja ñe'me lejaliaĝane'j ga'me tamenaĝaiqui lo'olpi nataq'aen jogaa'me ueteda'ajop ñe'me yiyaĝanalo yema ga'me 'yaĝaicachidipi jo'ne israelpi qaedi yec'adeta ga'me dajoya't gaa'me p'ajodaye jiyaĝa'u, qama'le qodelataĝanalo gaa'me namaĝa's jo'ne netedaue jaga'me coñetaĝanaĝaiqui.

Hechos 6:12

Qama'le naq'aeta da'me dojo' yauote da'me ja en 'te niyamaĝa q'ae'n ga'me jiyaĝadipi, joga'me 'yaĝaicachidipi nataq'aen ga'me judiopi napaĝaguenoqo'tpi; qama'le necodidiye ñe'me Esteban, da'me yaue'j da'me qoyen yec'ata ga'me lemaĝaiqui gaa'me p'ajodaye.

Hechos 6:15

Gaa'me jaliaĝanaqa nataq'aen ena'uaque ga'me ueteda'a ga'me ñechidiñe, ca'li yec'ate'n ñe'me Esteban qama'le yauata da'me latajoĝoc ena'am ga'me piyem le'ec.

Hechos 22:30

Ga'me nete' laqaya, ñe'me coicopi lejaliaĝanec jetaque yataqatelegue ga'me yayaten jach'e jogamaĝa yaviyaĝadetapec joga'me judiopi ñe'me Pablo, qama'le yejodegue gaa'me coñetaĝanaqa'te 'me laicaual, qama'le damaĝajoĝolegue qaedi yema'a't jogaa'me lejaliaĝanaqa ga'me tamenaĝaiqui lo'olpi nataq'aen yema ga'me yema'a't nale jo'ne p'ajodaye. Yem qama'le yenoĝonaqatenegue ñe'me Pablo qama'le yajoĝona'agueta jogaa'me.

Hechos 23:1

Pablo yelapegouelo joga'me jiyaĝadipi 'me p'ajodaye jo'ne netedaue ga'me nojaĝaiqui qama'le enaac: —Ami yaqaya'olqa, chayovida'a nayi da'me yiyamaqachiñe da'me yetadenataĝanaĝac jo'ne mach'e Dios yayaten.

Hechos 24:20

Qalaĝaja qom ja naq'aeta, qama'le naajo' jo'ne ueteda'a jena'me jenjo', 'noota qom nenaĝatedegue qom 'uo ga'me namaĝajoĝonaĝac jenoĝon ca'li jajo'tagueta gaa'me p'ajodaye tamenaĝaiqui lo'olpi lejaliaĝanaqa.