Mateo 5:19 - Nuevo Testamento Toba Sombrero Negro

¹⁹ Qo'che', qom 'uo ga'me jiyaĝaua jo'ne ja yoqo'cha ga'me onolec daa'me daajo' namaĝajoĝonaĝaco, mate mane'e cat'oñoq joga'me, uotaĝa ja yapaĝagueneque ga'me jiyaĝadipi qaedi yoqochideta, nach'ega qoyen cat'oñoq qomle da'me male uetaue da'me lejaliaĝa ñe'me Dios 'me ne'tague di'me piyem. Qalaĝaja ga'me jo'ne yoqo'cha nataq'aen yapaĝagueneque jogaa'me laqaya' qaedi nach'e ena'am yoqochideta, nach'ega qoyen p'ajaye qomle da'me male uetaue da'me lejaliaĝa ñe'me Dios 'me ne'tague di'me piyem.

Nuevo Testamento Toba Sur

¹⁹ Qaq ÿoqo'oyi ca sa ishit da ÿalaxaguet ca 'oonolec ne'ena nqataxacpi, nai'ctaxa da huo'otaq ÿapacteec saq 'amaqtaq, nachi camayi da ÿapaxaguenec na laÿipi da sa ÿalaq, qaq nachica ca ÿapacteec qaica ca l'amaqchic qanqoÿin qom qanayiitaigui da l'onataxanaxac ñi Dios mayi neta'ague da piguem da ilo'ogue 'enauacna. Qalaxayi cam ÿataqta ÿalaxaguet na nqataxacpi, qataq ÿapaxaguen ca lÿa da yaqto' ÿalaq, qaq nachica qome ca ÿataqta 'amaqtaq qanqoÿin qom qanayiitaigui da l'onataxanaxac ñi Dios mayi neta'ague da piguem.

La'aqtaqa Ñim Lo'onatac 'Enauacna 2013

¹⁹ Qaq ỹoqo'oye da huo'o ca saishet da ỹalaxaguet ca 'oonolec ne'ena lamaxasoxonaxacpi Ñim Lo'onatac 'Enauacna, na'aictaxa da huo'otaq saq 'amaqtaq, nache camaye ỹataqta saq 'amaqtaq da huetaigui da lo'onataxanaxac Ñim Lo'onatac 'Enauacna. Qaq nache 'eetec nataqa'en da talec cam ỹapaxaguenec ca lỹa da sa ỹalaq. Qalaxaye cam ỹataqta ỹalaxaguet nam namaxasoxonaxacpi qataq ỹapaxaguenec na laỹepi da nataqa'en ỹalaxaguet, nache camaye ỹataqta 'amaqtaq da huetaigui da lo'onataxanaxac Ñim Lo'onatac 'Enauacna.

Mateo 5:19 Referans Kwoze

Mateo 28:20

nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.

Mateo 11:11

Eja ami ja'aĝatema queda'me Juan 'me chilaĝanataĝanaĝaic nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue ñe'me Juan.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Apocalipsis 2:20

Qalaĝaja 'uo da'me jo'ne ja ami 'te ja'amaqateneque: queda'me a'namaqatenaguet jañe'me yauo jo'ne Jezabel, jañe'me jo'ne eetapela't jada'me Dios 'laqataĝanaĝana, qalaĝaja ch'e qovinaĝanaĝai. Nach'añe jo'ne yoqovi'n jogaa'me mach'e yalemaĝaje'te, da'me yapaĝagueneque qaedi e'n tadoue da'me nequejeguetaĝa nataq'aen da'me jetaque e'n yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda.

Romanos 6:15

Chane'eja, ¿jach'e ga'me eeta? ¿Qo'li jauoqo qadoec qa'a ja jouaqa'tot ga'me namaĝajoĝonaĝac dite da'me lichoĝodenataĝanaĝac ñe'me Dios? ¡Qa'ejo' ja naq'aeta!

1 Timoteo 6:11

Qalaĝaja da'me am Dios nejoĝonec, 'noota ta'le oca'ae naa'me naajo' ja qoyiyamaĝade'n. Nach'e eta't auen yataqatelegue da'me anejiyaĝauayaĝac, auen yelo'ta joñe'me Dios, nataq'aen aua'uo da'me adepe'e, auaconeguet da'me adoqopich'i, da'me am 'uañaĝaicolec nataq'aen da'me yataqata am joĝodaic.

Romanos 6:1

Qama'le, ¿jach'e ga'me jenaqaac? ¿Qo'li maliaĝa qolaqatalegue da'me jauoqo qadoec qaedi yataqata nichiguegue da'me lichoĝodenataĝanaĝac ñe'me Dios?

1 Pedro 5:4

qaedi qom novitequena joñe'me jo'ne p'ajaye 'me 'nouatoqo't ena'uaque joga'me p'etaqadaiquipi, qama'le da'me ami male auacoñiyeguet jaga'me lomataĝanaqate jo'ne nach'e eta't 'uo da'me 'lonaĝa, nach'e eta't ja pal.

Lucas 11:42

“Qama'le ¡degueja qom'te da'me adachoĝodequi, ami fariseopi! Qa'a aueyochiya'a jaga'me onola nana jo'ne menta qaedi auañem joñe'me Dios nale auañiyalo gaa'me diez, nach'e ena'am jaga'me ruda nataq'aen ena'uaque gaa'me yodapecache nanapi laqaya'. Qalaĝaja ¡ja auoqochiya da'me auauoyi da'me chimaqachiñe nataq'aen ja adoqopichiya joñe'me Dios! ¡Nach'eda dojo' 'noota qom auauoyi, qama'le ena'te ta'le ja auauoyi' gaa'me laqaya'!

Mateo 19:28

Jesús 'yategueta jogaa'me: —Eja ami ja'aĝatema queda'me qom yovita ga'me nolo' laloqo' da'me ena'uac qoyadalaĝat, qom jayem jo'ne Jiyaĝaua Lec'oĝot jonaue ga'me p'ajaye yañoqotaĝanaĝac, ami jo'ne jayem oquitapegue' nach'e ena'am oñiyañelo qomle ga'me doce je'onaĝaiqui' 'me nejaliaĝaiqui qaedi ami lo'ol da'me auajoyiya'agueta da'me animichii' gaa'me chiyoĝogueta gaa'me doce Israel c'oqo'tepi.

Romanos 3:8

Qama'le qom naq'aeta, ¿toqoch'e ja ja'uo ga'me ja no'en qaedi naq'aeta da'me jayem novita ga'me 'noota? Dojo' yataqachiñe uo'oe gaa'me eetapela'ajalo naq'aeta da'me japaĝaguenataĝanec; qalaĝaja joga'me jiyaĝa'u 'me naq'aeta da'me lelnataĝa'j, tayet da'me qoyamaĝadoue da'me ne'uaĝanague'j.

Hechos 1:1

Am yaqaya Teófilo, ga'me 'uaeñe ñejenaĝac jo'ne jediñe, ja'aĝatetac ca'li ena'uaque gaa'me 'lonataqa nataq'aen lapaĝaguenataĝanaĝaco ñe'me Jesús, chiyoqochiñe ca'li yemta da'me t'onataĝan

Lucas 9:48

qama'le enaac: —Joñe'me jo'ne jayem naquiaĝana qama'le yaconeguet ga'me notolec ena'am jenjo', qama'le mach'e jayem yaconeguet. Nataq'aen joñe'me jo'ne jayem yaconeguet, ja nach'edata da'me jayem yaconeguet dite da'me nach'e ena'am yaconeguet ñe'me jo'ne jayem namaĝaquena. Qa'a qom 'uo ga'me yataqachiñe ja di'yaĝa queda'me ami, nach'ega jo'ne yataqata p'ajaye.

Lucas 1:15

qa'a ga'me ac'oĝot qomle ñe'me Jaliaĝanec yataqachiñe en p'ajaye. Ja niyomigui ga'me lataĝa, uotaĝa ga'me jo'ne yataqachiñe chem 'me nequejegaĝat, nataq'aen yataqata najaqachigui joñe'me Dios Lepaqal qom maliaĝa ja niyiñe.

Mateo 20:26

Qalaĝaja 'noota qom ja naq'aeta da'me dojo' queda'me mach'e ami, dite da'me qom 'uo ga'me jo'ne jetaque p'ajaye da'me ami, 'noota qom nach'ega necochoqo't ena'uaque jogaa'me laqaya',

1 Juan 3:4

Qalaĝaja ena'uac joga'me jo'ne maliaĝa yauo'oe daa'me loeco, nach'ega yauo'oe daa'me jo'ne ja chimadichidiñe, qalaqach'ele daa'me loeco nach'edaua jo'ne ja qoyaje'tema.