Mateo 5:18 - Nuevo Testamento Toba Sombrero Negro

¹⁸ Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

Nuevo Testamento Toba Sur

¹⁸ Cha'ayi qami' shinapegalo da huo'otaq ñaq huo'o na piguem qataq ana 'alhua, qalaq sa ishit da huo'o ca qanqat nam saq 'amaqtaq ledaxatpiolec nam nqataxacpi, nato' qom mashi ipacchigui 'enauac nam taÿa'a da yi'oq.

La'aqtaqa Ñim Lo'onatac 'Enauacna 2013

¹⁸ Cha'aye ỹataqta 'eesa de'era qami' sa'axatema da huo'otaq ñaqauo'o na piguem qataq ana 'alhua, qalaq saishet da huo'o ca qanqat nam saq 'amaqtaq leraxatpiolec nam namaxasoxonaxacpi, nato' qom mashe 'enauac da ipacchigui.

Mateo 5:18 Referans Kwoze

Lucas 16:17

Qalaĝaja da'me jo'ne ja qalaq yem qomle di'me piyem nataq'aen jena'me aleua; dojo' yataqachiñe qalaq, ta'le ja yepaquetelegue ga'me onolec nediijec jodaa'me Dios lamaĝajoĝonaĝaco.

1 Pedro 1:25

Qalaĝaja na'me 'laqatac joñe'me Jaliaĝanec ja pal, qaya'te loiquiaqa'.” Qama'le jenjo' 'naqatac naqaeda da'me 'naqataĝanaĝac jo'ne onaĝaic 'me joote ami qo'yaĝatema.

Marcos 13:30

Eja ami ja'aĝatema queda'me yema da'me dojo' yepaquichigui qom maliaĝa 'uo jena'me jenjo' jiyaĝadipi naa'me naajo' noloqo'ote.

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Juan 5:19

Jesús male enaac: “Eja da'me ami ja'aĝatema: jayem jo'ne Lec'oĝot joñe'me Dios, jayem ja jaqanatet ta'le ja'uo ga'me mach'e yelnataĝac; onolec da'me ja'uo da'me jo'ne jauana 'me ye'et ñe'me Taĝadena'. Qama'le yema ga'me jo'ne ye'et joñe'me Taĝadena', nach'e ena'am jayem je'et.

Mateo 17:20

Jesús enaac: —Qa'a ami yataqachiñe jaleca da'me adepi'i. Ami jayataĝadeneque ta'le eja 'uo da'me adepi'i, mate mane'e ena'am onole peta 'me mostaza jala, qama'le aueñiyapega jenjo' qajoĝonaĝa: «Oca'e jenjo', auec'ata ga'me aleua laqaya», qanach'e nichic ga'me qajoĝonaĝa. Qaya'te auaqalañitac.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

Mateo 13:17

Eja ami ja'aĝatema queda'me qayoĝode' gaa'me Dios 'laqataĝanaĝanaqa nataq'aen jiyaĝa'u jo'ne chimadichidiñe jetaque yauata da'me dojo' jo'ne nayi auañiya, qalaĝaja ja yauata; jetaque domachita dojo' jo'ne nayi auomachiiya, qalaĝaja ja domachita.

Mateo 10:23

Qom ami qoyecaa'tape, oquiya'e di'me oñiya'ña qama'le auapiñeya ga'me noic laqaya. Eja ami ja'aĝatema queda'me ja auaqanachichi ta'le yemeda auecaechiyalo jogaa'me noyaqa jona'me israelpi, chayovida'a male 'ñiyelaq, da'me jayem jo'ne jayem Jiyaĝaua Lec'oĝot.

Mateo 6:2

“Qo'che', qom alecochiiyalo gaa'me 'uo da'me louenaĝanaĝa'j, ena'te aueñi naua'alo naa'me layat ladico da'me a'uaĝatetapeñigue, ena'am nale ga'me yauote jogaa'me ja yataĝalo'te, nale yec'atalo gaa'me nemaĝaiqui' nataq'aen nale ueteda'a ga'me nadic jo'ne noĝoyaĝac, nach'edata da'me qaedi ga'me jiyaĝadipi yiyamaĝade'tape jogaa'me. Ami ja'aĝatema queda'me joote qoya'uo ga'me lajo'vi'y, qaya'te laqaya qomle.

Mateo 5:26

Am ja'aĝatem queda'me ja yitaĝa auenoĝonegue chayovida'a qom yema auejeten da'me adaviyaĝajet.

Juan 21:18

Am ja'aĝatem da'me eja: da'me chiyoqotelegue da'me am nejoqolec, mach'e ane'tela't da'me auaidiñe jogaa'me adeuo qaedi auajoyi ga'me jo'ne a'uamaqaten. Qalaĝaja qom male am 'yaĝaicachigui, qama'le am qoyeladelegue da'me nacoloĝodegue naa'me adoua' qaedi ga'me jiyaĝaua laqaya am yanayelo ga'me adeuo, qama'le am yauegue qom'te ga'me jo'ne ja jetaque auajoyi.

Juan 16:23

“Qom yovita da'me dojo' qama'le ja yitaĝa jayem auenachetac. Eja da'me ami ja'aĝatema: joñe'me Taĝadena' ami yanema yema ga'me jo'ne auajelaĝañiyec jouaĝat da'me jayem ademii'teguet.

Juan 16:20

Eja da'me ami ja'aĝatema: da'me ami cha'li anoyeñitac qomle nataq'aen da'me 'uo da'me adachoĝodequi, qalaĝaja joga'me aleua laje'pi cha'li 'uo da'me lamaic. Da'me ami, te'me 'uo da'me adachoĝodequi, qalaĝaja ja cop'a da'me male neleguemaĝata da'me adamaiqui.

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Juan 13:38

Jesús yitaĝa 'yateguet: —¿Qo'li yataqata am eja da'me jetaque auanegue da'me at'oyaĝac qaedi jayem oquegue? Qalaĝaja qom taya'a da'me noyen ñe'me olegaĝa, qama'le joote yovida'alo qomle tres da'me a'viyelaĝalegue da'me jayem anemanec, da'me aueetapega ja jayem 'te auateton.

Juan 13:16

Yataqata eja da'me dojo' queda'me qaya'te ta'le 'uo joga'me namaĝajec ta'le napacalegue joga'me ladipa, nataq'aen da'me qaya'te 'naqataĝanaĝanec ta'le napacalegue joga'me yamaqatac.

Juan 12:24

Ami ja'aĝatema da'me eja: jaga'me trigo jala qom ja taue jena'me aleua qaedi yeleuaue, qama'le nach'eda da'me onolec. Qalaĝaja qom yeleu, qama'le let'adaic da'me nejalayaĝac jo'ne chiyaqayi.

Juan 10:7

Chane'eja Jesús yitaĝa 'viyelaĝalegue da'me laloĝonataĝanaĝac jo'ne joote 'yaĝatema, enaac: “Da'me dojo' jo'ne yataqachiñe eja: qa'a naqayem jo'ne jayem jom 'me tado'uet gaa'me 'naĝanaĝatel.

Juan 10:1

Chane'eja Jesús enaac: “Eja da'me dojo' jo'ne ami ja'aĝatema, ga'me jo'ne ja ta'uet ga'me najom jaga'me 'naĝanaĝatelpi lae't nach'ega jo'ne cachaĝaic nataq'aen da'me nach'ega jo'ne ch'e uenotoue nale jaga'me 'naĝanaĝatelpi lae't qaedi 'uo ga'me yalat.

Juan 8:58

Qama'le Jesús 'yategueta: —Da'me dojo' jo'ne eja 'me ami ja'aĝatema: joca'li maliaĝa qaya ñe'me Abraham, joote jayem 'uo.

Juan 8:51

Eja da'me dojo' jo'ne ami ja'aĝatema: ga'me jo'ne yoqo'cha da'me 'yaqatac, nach'ega ja yeleu, dite da'me male yauana da'me lec'alaĝa jo'ne qaya'te loiquiaqa'.

Juan 8:34

Jesús yitaĝa t'aqataĝanema, enaac: —Eja da'me dojo' ami ja'aĝatema: yemeda jogaa'me loeco lo'ol nach'egaua jo'ne lotaĝanaqa'te da'me loeco.

Juan 6:53

Jesús male enaac: —Eja da'me ami ja'aĝatema, da'me jayem jo'ne jayem Jiyaĝaua Lec'oĝot: qom ja aualiqui jenjo' yapat, nataq'aen da'me ja aniyomiyigui jana'me yetauo', qama'le ja auañiya da'me nec'alaĝa jo'ne qaya'te loiquiaqa'.

Juan 6:47

“Eja da'me ami ja'aĝatema: joga'me jo'ne jayem p'iya'a, male yauana da'me lec'alaĝa jo'ne qaya'te loiquiaqa'.

Juan 6:32

Qama'le Jesús 'yategueta, enaac: —Eja da'me ami ja'aĝatema, queda'me ja naqaeñe ñe'me Moisés ta'le ami yanema jaga'me pan 'me chiyoĝogue piyem, dite ñe'me Taĝadena' jo'ne nach'eñe ami yanema jaga'me jo'ne yataqatelegue pan.

Juan 6:26

'Yategueta ñe'me Jesús qama'le enaac: —Eja da'me yataqachiñe ja auayachiñe' naa'me naajo' 'nanaqa jo'ne je'n di'yo't. Onolec da'me ch'e jayem aueloyitaque, qa'a yajouaĝat da'me aualiqui jaa'me pan jecaet, qama'le en adonodiye.

Juan 3:11

Eja da'me am ja'aĝatem: queda'me qo'mi ja'aĝataqatac da'me jo'ne mach'e jayatenaq, nataq'aen jechoqotaqatac da'me jo'ne joote jauanaĝa. Qalaĝaja da'me ami ja auacoñiyeguet da'me jo'ne ñenaĝataĝaye.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Juan 1:51

Nach'e ena'am enaac ñe'me Jesús: —Eja da'me ami ja'aĝatema: da'me auañiya qomle di'me piyem 'nouategue nataq'aen jogaa'me piyem laje' jo'ne lamaĝa's ñe'me Dios yec'adidijeguem choqoda'me nenochidi'ña joñe'me Jiyaĝaua Lec'oĝot.

Lucas 23:43

Jesús 'yateguet: —Eja da'me am ja'aĝatem queda'me nayi jenjo' nolo' jayem oue'tajop queda'me nayi jayem qoyaconeguet da'me daja' 'lachaqa' da'me namaic.

Lucas 18:29

Joñe'me 'yategueta jogaa'me: —Eja da'me ami ja'aĝatema queda'me qom 'uo gamachaqaega jo'ne chiyaqayi da'me quelegue da'me lejaliaĝa joñe'me Dios qama'le cha'li ca'e ga'me 'lachaqa', jaga'me loua, jogaa'me laqaya'olqa, gaa'me let'al, nataq'aen gaa'me c'oqo'te,

Lucas 18:17

Eja da'me ami ja'aĝatema queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

Lucas 13:35

Chane'eja auec'achiñe jena'me at'achaqadi' qodica'ae qomle; ami ja'aĝatema queda'me ja yitaĝa jayem auañiya chayovida'a yovita ga'me nolo' queda'me aueñiyaac jo': «¡Mach'eñe q'aen ñe'me Lamaĝajec ñe'me Jaliaĝanec, nach'eñe jo'ne namaĝaquena!»”

Lucas 12:37

Made'tapolqa gaa'me nalemaĝaje'te jo'ne nelotedaye qom yejomalo'te ñe'me ladipa' da'me yovi'. Eja da'me ami ja'aĝatema queda'me en ñidiñe jogaa'me, qama'le mach'eñe yanouelo ga'me niqui'yaĝat.

Lucas 11:51

chiyoqotelegue jaga'me tauo' di'me Abel chayovida'a Zacarías, jo'ne nach'edi qoyalat ca'li ua'a ga'me c'atoĝonaĝala' nataq'aen ga'me tamenaqa' jo'ne ja 'nalegue. Qama'le nayi ami ja'aĝatema queda'me Dios yepoleguelo'te jena'me jenjo' jiyaĝadipi da'me leleuaqa' jodia'me.

Marcos 14:30

Qalaĝaja Jesús 'yateguet: —Eja da'me am ja'aĝatem queda'me nach'ena jenjo' pi'yaq, qom yauaqa'a da'me 'viyelaĝalegue da'me noyen ga'me olegaĝa, qama'le joote tres jayem anematapec da'me aueetapega ja jayem 'te auateton.

Marcos 14:25

Eja da'me ami ja'aĝatema queda'me ja yitaĝa ñiyomigui na'me uva li'i, chayovida'a qom ga'me nolo' qom yataqachiñe jona'ña di'me lejaliaqa' joñe'me Dios, jo'ne ena'am ta'le niqui'yaĝac let'adaic: qom nach'ega nolo' qama'le ñiyomigui ga'me uva li'i dalaĝaic.

Marcos 14:18

Mane'e ca'li dajotedalegue ga'me niqui'yaĝala' da'me deque'tape, Jesús enaac: —Eja da'me ami ja'aĝatema queda'me 'uo ga'me jo'ne ami chiyaqauelo 'me ena'am dequetac nayi ñeuanaĝaua, jayem p'alegue qomle qama'le jayem yanegue.

Marcos 14:9

Eja da'me ami ja'aĝatema queda'me gamachaqaega ga'me ua'a da'me qo'yaĝatetac dojo' onaĝaic 'naqataĝanaĝac jena'me aleua, qama'le nach'e ena'am qo'yaĝatetac ga'me jo'ne jayem 'yetec janjo' yauo, qama'le naq'aeta da'me qonetouetapega.

Marcos 12:43

Chane'eja Jesús yiyaĝanalo jogaa'me lapaĝaguenataqa qama'le eetojo' ga'me 'laqatac: —Eja da'me ami ja'aĝatema queda'me jadojo' p'ai jo'ne mate mane'e choĝodaq, ga'me yanegue napacalo'te gaa'me neuoyaĝadi lajaqaje' jo'ne yachedañgui jaga'me najaqajel lae't gaa'me naicaual.

Marcos 11:23

Qa'a eja jachimaĝachichiñe da'me ami ja'aĝatema queda'me qom 'uo ga'me dojapegue' ga'me qajoĝonaĝa: «¡Oca'e na'me oneta'ña qama'le añgui ga'me noĝop!», nataq'aen ja ya'uo da'me dojo' qom maliaĝa 'uo da'me loqoleguetaĝanaĝac, dite da'me p'iya'a da'me yepaquichigui ga'me jo'ne enaac, chane'eja yepaquichigui.

Marcos 10:29

Jesús 'yategueta: —Eja da'me ami ja'aĝatema queda'me gamachaqaega ga'me jo'ne ca'e ga'me 'lachaqa', uotaĝa mach'e laqaya'olqa, uotaĝa lat'e, uotaĝa let'a, uotaĝa lec'oqo'tepi, uotaĝa 'naleua, qa'a yajouaĝat da'me jayem nataq'aen da'me 'naqataĝanaĝac jo'ne onaĝaic,

Marcos 10:15

Eja da'me ami ja'aĝatema, queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

Marcos 9:41

Ami ja'aĝatema queda'me gamachaqaega jo'ne ami yanema ga'me adaiquipi, qa'a yajouaĝat da'me ami mach'e yapaĝaguenataqa, qama'le yataqachiñe 'uo qomle ga'me nejetenaguec joga'me.

Marcos 9:1

Jesús dojapegue'to ga'me jiyaĝadipi: —Eja da'me ami ja'aĝatema queda'me uo'oe gaa'me nayi ueteda'a jena'me jenjo', cha'li ja yele'u chayovida'a qom yauata da'me lovidaĝac da'me lejaliaĝa joñe'me Dios choqoda'me lañoqotaĝanaĝac.

Marcos 8:12

Qalaĝaja ñe'me Jesús yataqachiñe nauec ga'me layat qama'le enaac: —¿Toqoch'e jena'me jenjo' jiyaĝadipi yiyaĝataque ga'me naloĝonatac jo'ne 'nanec qaedi qoyoqoch'em? ¡Eja da'me dojo' jo'ne ami ja'aĝatema, queda'me jenjo' jiyaĝadipi nayi ja qoyaloĝona gamachaqaega 'nanec!

Marcos 6:11

Uotaĝa qom 'uo ga'me noic jo'ne ja ami 'te yaconegueta, uotaĝa ja jetaque ami naquiaĝanalo, anechiyoqoyidiñe ga'me enaĝayaĝa jogaa'me adapia'chidi', qaedi ena'am da'me 'nanec jo'ne dechoqotaĝaneque jogaa'me, qama'le oquiya'ae jogaa'me.”

Marcos 3:28

“Eja ami ja'aĝatema queda'me Dios yapalaĝa't ena'uaque jogaa'me loeco joga'me jiyaĝadipi, nataq'aen ena'uaque gaa'me 'laqataqa jo'ne ja 'noe'n.

Mateo 25:45

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne ja a'vichiyeque naa'me naajo' yaqaya'olqa 'me 'najode' qama'le nach'ayem jo'ne ja jayem 'te a'vichiyec da'me dojo'.

Mateo 25:40

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

Mateo 25:12

Qalaĝaja ñe'me 'yategueta, enaac: «Negue't, ja ami 'te jateto'n.»

Mateo 24:47

Eja da'me ami ja'aĝatema queda'me qom naq'aeta, qama'le ñe'me ladipa en yelolegue yema ga'me chiyaqayi da'me liyamaĝac.

Mateo 24:2

Jesús enaac: —¿Qo'li yema aueloyita jena'me jenjo'? Eja ami ja'aĝatema queda'me jenjo' qaya'te onolec qa' ta'le uetalegue ga'me qa' laqaya qomle: yema qoyapalaĝat qomle.

Mateo 23:36

Yataqata eja da'me dojo' ami ja'aĝatema: ga'me ane'uaĝanaguequi 'me jouaĝat da'me dojo' tachiguilo ga'me jiyaĝadipi jo'ne uo'oe nayi.

Mateo 21:31

Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

Mateo 21:21

Jesús 'yategueta: —Eja ami ja'aĝatema queda'me qom eja 'uo da'me adepi'i nataq'aen ja auoqoleguechi, qama'le ja nach'edata da'me auaqanachichi ta'le auauoyi da'me dojo' jo'ne je'etem jaga'me higuera, dite da'me qom aueñiyapega jenjo' qajoĝonaĝa: «Oca'e na'me oneta'ña, añgui jena'me noĝop», qama'le naq'aeta da'me yepaquichigui.

Mateo 19:28

Jesús 'yategueta jogaa'me: —Eja ami ja'aĝatema queda'me qom yovita ga'me nolo' laloqo' da'me ena'uac qoyadalaĝat, qom jayem jo'ne Jiyaĝaua Lec'oĝot jonaue ga'me p'ajaye yañoqotaĝanaĝac, ami jo'ne jayem oquitapegue' nach'e ena'am oñiyañelo qomle ga'me doce je'onaĝaiqui' 'me nejaliaĝaiqui qaedi ami lo'ol da'me auajoyiya'agueta da'me animichii' gaa'me chiyoĝogueta gaa'me doce Israel c'oqo'tepi.

Mateo 19:23

Chane'eja Jesús t'aqataĝanema jogaa'me lapaĝaguenataqa: —Eja ami ja'aĝatema queda'me eja yataqachiñe 'uo da'me laqalaic ta'le taue joda'me lejaliaĝa di'me piyem ga'me neuoyaq.

Mateo 18:18

“Dojo' ami ja'aĝatema, qom dojolqa ami adaloi'ta't jena'me jenjo' aleua qom 'uo ga'me aviyaĝañiyaque nale anetameñi, ñe'me Taĝadena' 'me na'ague di'me piyem ami yanema.

Mateo 18:3

qama'le enaac: —Eja ami ja'aĝatema queda'me qom ja aueñiya'ama gaa'me ñoqolqa da'me anejouoqoeñi, qama'le ja auaqanachichi ta'le ayoue da'me lejaliaĝa jodi'me piyem.

Mateo 11:11

Eja ami ja'aĝatema queda'me Juan 'me chilaĝanataĝanaĝaic nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue ñe'me Juan.

Mateo 10:42

Nataq'aen gamachaqaega jo'ne yanem ga'me laiquip ga'me jiyaĝaua jo'ne chiyaqauelo naa'me naajo' jo'ne ja p'ajodaye, qa'a yajouaĝat da'me mach'e yapaĝaguenataqa, eja ami ja'aĝatema queda'me yataqachiñe 'uo qomle ga'me nejetenaguec.

Mateo 10:15

Ami ja'aĝatema queda'me qom yovita ga'me nolo' jo'ne laloqo' da'me 'uo da'me le'uaĝanaĝanaĝac ñe'me Dios, qama'le yataqachiñe lama'aja da'me ne'uaĝanaguec jena'me jenjo' noic, ja ena'ama ga'me jiyaĝadipi ca'li 'me neda'ña di'me noic jo'ne Sodoma nataq'aen Gomorra.

Mateo 8:10

Jesús yataqachiñe yoqoch'em da'me domachiya da'me dojo', qama'le dojapegue'to gaa'me jo'ne quetedapegue', enaac: —Ami jayatenaĝaneque queda'me yema ga'me Israel laje'pi, qaya'te 'uo ga'me jauana jo'ne yaguegue da'me lepi'iyaĝac, da'me uotaĝa ena'am jenjo' jiyaĝaua.

Mateo 6:16

“Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.

Lucas 4:24

Nataq'aen maliaĝa enaac: —Eja da'me ami jayatenaĝaneque queda'me gamachaqaega jo'ne Dios 'laqataĝanaĝanec yataqachiñe ja qo'yamaqaten ga'me jo'ne mach'e 'lachaqa'.