Mateo 5:12 - Nuevo Testamento Toba Sombrero Negro

¹² Auacoñiyeguet da'me adamaiqui, 'noota qom ami made'tapolqa, qa'a auacoñiyeguet qomle ga'me anejetenaguequi jo'ne ua'ague di'me piyem; qa'a ca'li maliaĝa ami qayaua, qanach'e naq'aeta da'me qoyecaa'tape jodia'me Dios 'laqataĝanaĝanaqa.

Nuevo Testamento Toba Sur

¹² Qaq ÿataqta qauamaichiguiñi qome qataq qantoñiitapigui', cha'ayi qami' qauacoñiiguet qome ca lta'adaic qanshiitenaguiiqui mayi hua'ague da piguem. Cha'ayi nachida da 'eetec da ncanaguec som hua'au l'aqtaxanaxanecpi ñi Dios co'ollaq saxanaqca da qoñiita.

Mateo 5:12 Referans Kwoze

Lucas 6:23

Qom yovita ga'me nolo' qom ami 'yeteque da'me dojo', qama'le 'noota qom ami made'tape, anaviquila't da'me adamaiqui, qa'a t'adaic ga'me anejetenaguequi jo'ne auacoñiyeguet qomle di'me piyem. Anetoviñetac queda'me dia'me chiyoĝogueta 'me let'alpi jena'me jenjo' jiyaĝadipi 'yeteque da'me ja no'en joca'li dia'me Dios 'laqataĝanaĝanaqa.

Santiago 1:2

Ami yaqaya'olqa, 'noota qom ami made'tapolqa qom ami yovitalo jogaa'me yodapecache jo'ne napiyenataĝanaĝaco,

Colosenses 3:24

Qa'a joote auayachiñe da'me 'uo qomle ga'me anejetenaguequi, qa'a ñe'me Jaliaĝanec ami yanema qomle ga'me adajo'vii. Da'me ami yataqachiñe a'uonataĝañi'uo joñe'me Cristo, jo'ne yataqatelegue Adejaliaĝanequi.

1 Pedro 4:13

Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

Colosenses 1:24

Nayi jayem matac queda'me 'uo ga'me yachoĝodec yajouaĝat da'me ami yecochiyalo, qa'a da'me mach'e yachoĝodec ena'am ta'le en nalo'ta'ajalo q'ae'n jodaa'me qadachoĝodeco jo'ne chiyoqodayi da'me qademe'teguet ñe'me Cristo, yajouaĝat jena'me p'etaqadaiquipi jo'ne mach'e lapat.

Romanos 5:3

Nataq'aen ja jaldata da'me dojo', dite da'me nach'e ena'am ñi'yoĝodetapela't da'me uo'oe gaa'me qadachoĝodeco; qa'a jayatenaq queda'me qadachoĝodec qo'mi yanema da'me qadalo'oguet da'me qanapogaĝadenaĝac.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Hebreos 11:6

Qalaĝaja gaa'me jo'ne qaya'te lepe'e' ja yaqanate't ta'le yiyamaĝade'n ñe'me Dios, qa'a gamachaqaega ga'me jo'ne jetaque yec'ata joñe'me, cha'li 'uaeñe youetaque da'me 'yamaqaten joñe'me da'me eja da'me 'uo, qama'le nataq'aen 'yamaqaten da'me ya'uo ga'me lomataĝanaĝa't gaa'me jo'ne yelotedaque.

1 Ts 2:15

Naa'me naajo' judiopi nach'enaua ca'li yala't ñe'me Jaliaĝanec Jesús, ena'ama ga'me let'alpi jo'ne yala't ca'li dia'me Dios 'laqataĝanaĝanaqa, qama'le da'me qo'mi ch'e qo'mi yeladedegue, ja qo'mi 'te najeteta, qa'a jouaĝat da'me ja noqopideta joñe'me mach'e Qadet'a jo'ne Dios, eetedapega da'me yataqata qaya'te 'yamaqaten.

Filipenses 2:17

Da'me jayem uotaĝa male jayem qoyalat qomle, qama'le da'me yeleuaĝa ena'am ta'le qoyen najaqajec jo'ne qoyecodelegue da'me mach'e adajaqajec 'me chiyaqayi da'me adepi'i. Qama'le qom naq'aeta jena'me jenjo', male yataqata jayem matac jo' qomle, qama'le ami ñetauanaĝa'u da'me yamaic, onolqa'tape da'me ami.

2 Corintios 4:17

'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

Mateo 6:16

“Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.

1 Corintios 3:8

Ñe'me jo'ne danaĝan nach'e ena'am ga'me jo'ne depetaĝan, qama'le onolqa'tape yaconeguet ga'me qoyejetenec qomle qonaloqotenaĝateguet ga'me 'lonatac jo'ne ye'et.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

Hechos 16:25

Qalaĝaja ca'li yedete'eguet joga'me pi'yaĝa laeñi, ca'li Pablo nataq'aen Silas cha'li netame'tape choqoda'me t'onaĝa'tape, 'nonachidegue joñe'me Dios, qama'le jogaa'me necoñetae's laqaya' naquiaĝatapegalo ca'li.

Lucas 13:34

“¡Ami Jerusalén laje', jo'ne aualachi' dia'me Dios 'laqataĝanaĝanaqa nataq'aen auajaĝayique ga'me qadipi dia'me aqataĝanaĝayaqa jo'ne Dios ami namaĝalo! ¡Nach'eda da'me jetaque ami jemata'a't, ena'am jaga'me olegaĝa yapetetapega't gaa'me c'oqo'tolqa yacho'oto ga'me laua, qalaĝaja ami ja a'uamaqachiñe!

Hebreos 11:26

Qama'le en lelnataĝac da'me jetaque yaconeguet da'me lachoĝodec jo'ne ena'am da'me jo'ne yachalegue ñe'me Dios liquiyac, da'me jo'ne eetapega yaguegue joda'me lajo'viyaĝac, ja ena'am da'me namaic jo'ne leuoyaĝac di'me Egipto, qa'a joote yelotapega da'me mach'e nejetenaguec jo'ne chiyoqo'ot qomle ñe'me Dios.

Filipenses 1:29

Joote ami qoyaje'tema ta'le ami lalemaĝaje'te joñe'me Cristo, qama'le nayi male auep'iiya'a joñe'me, uotaĝa qom 'uo joga'me qoyen adachoĝodequi jouaĝat joñe'me.

Hebreos 10:34

Qa'a da'me ami yataqata avichoĝodeñi' ca'li jogaa'me jo'ne netedaue jaga'me coñetaĝanaĝaiqui, nataq'aen da'me maliaĝa ami made'tape ca'li qodoĝotaĝaneque gaa'me adadiyamaqataqadi', qa'a auayachiñe da'me 'uo da'me adoĝochi laqaya jo'ne yaguegue da'me 'lonaĝac nataq'aen da'me nach'e eta't ja pal.

Hebreos 11:33

Yemeda joñaa'me yataqata p'iida'a joñe'me Dios, qama'le noma't gaa'me noyaqa laqaya', nataq'aen chimaqachiñe da'me lejaliaĝa'j, qama'le yacoteguet da'me jo'ne Dios joote 'yaĝatema. Qama'le nach'e ena'am da'me e'n qoyapadiñguilo naa'me nedegaqa'te jogaa'me jauaĝayaqa,

Santiago 5:10

Ami yaqaya'olqa, 'noota qom auadenaĝachi' jodia'me 'laqataĝanaĝanaqa ñe'me Dios, queda'me 'uo da'me lachoĝode'j nataq'aen da'me napogaĝadenaĝa'j ca'li yojaĝanaĝa'n da'me lañoqotaĝanaĝac joñe'me Jaliaĝanec.