Mateo 4:24 - Nuevo Testamento Toba Sombrero Negro

²⁴ Yema di'me aleua jo'ne Siria qo'yaĝatetac ñe'me Jesús, qama'le qoyeda'alo gaa'me yodapecache lachoĝodeco 'me ja 'noe'n, napite'nadi nataq'aen layaliaĝaco, nataq'aen jogaa'me uetayelo gaa'me payac lepaqa'li, nataq'aen jogaa'me copechaĝayaqa choqogaa'me choĝolaĝayaqa. Qama'le ena'uaque e'n yemedegue ñe'me Jesús.

Nuevo Testamento Toba Sur

²⁴ Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

La'aqtaqa Ñim Lo'onatac 'Enauacna 2013

²⁴ Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Mateo 4:24 Referans Kwoze

Mateo 17:15

—Jaliaĝanec, 'noota qom avichoĝoden di'me yalec, qa'a jalcote da'me lecopichaĝac nataq'aen yataqachiñe chaqaic da'me lachoĝodec; nach'e eta't tañgui nale ga'me dole' uotaĝa ga'me noĝop.

Mateo 8:6

qama'le enaac: —Jaliaĝanec, di'me yalemaĝajet ue'ta ga'me 'yachaqa' yeleuac, ja t'añegue.

Lucas 5:15

Taqaeue'ta yaqalan taĝa da'me qo'naĝatetapiye joñe'me Jesús ma'ejama'le nichiquetaye, nataq'aen jalcote ga'me jiyaĝadipi qoyemetapega qaedi qodomachiya nataq'aen qaedi e'n yemedegue gaa'me leuaĝayaqa.

Lucas 2:2

Dojo' 'uaechiñe nedaĝanaĝac jo'ne qoyen nedela't ca'li ga'me jiyaĝadipi, nach'ena qoya'uo ca'li ñe'me Quirinio nejaliaĝatelegue di'me aleua jo'ne Siria.

Mateo 17:18

Chane'eja Jesús yecochaq ga'me payac qama'le en ca'e ga'me notolec, qanach'e ua'a ca'li male yemegue.

Mateo 15:22

Qama'le 'uo jañe'me yauo Canaán laje jo'ne neta'ña di'me dijo' aleua, yec'ata ñe'me Jesús ca'li niyaĝatapejeguem: —¡Jaliaĝanec, mach'e am David c'oĝot, jayem avichoĝoden! ¡Jalcote da'me lachoĝodec jadi'me yale qa'a uetaye ga'me payac lepaqal!

Mateo 12:22

Qoyauega ga'me qanam nataq'aen ja domachiyac, jo'ne uetaye ga'me payac lepaqal, qama'le Jesús yitaĝa yanem da'me nauachiñe nataq'aen yitaĝa uo'oe gaa'me 'laqataqa.

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Hechos 15:23

qama'le jogaa'me qoyamaĝaguelo jana'me janjo' nediije: “Qo'mi jo'ne namaĝa's nataq'aen 'yaĝaicachidi mach'e adaqayadi'; qadamaic ami janemaĝama, ami qadaqaya'olqa jo'ne ja judiopi, nataq'aen 'me oñiya'ña di'me Antioquía, nataq'aen di'me aleua Siria choqodi'me Cilicia.

Marcos 2:3

Qama'le uo'oe gaa'me cuatrolqa jiyaĝa'u jo'ne yacotedo'ot ñe'me laqaya't jo'ne choĝolaĝaic qaedi yedode'uo joñe'me Jesús.

Marcos 1:32

Ca'li joote yenoĝoñi jañe'me ajeua, qalaqach'ele 'nalchiñe, da'me yenoĝonegue ga'me nolo' jo'ne niyamaqatac, qama'le qoyeda'alo ñe'me Jesús ena'uaque joga'me leuaĝaiquipi, nataq'aen jogaa'me payac lete',

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Hechos 15:41

Qama'le tadelegue di'me Siria nataq'aen Cilicia, 'yañaqate'tape jogaa'me qadaqaya'olqa yema gaa'me noyaqa.

Lucas 4:14

Yem da'me dojo' qama'le da'me 'lañaĝac joñe'me Dios Lepaqal 'yiyelaĝata di'me Galilea joñe'me Jesús. Qo'naĝatetapiye joñe'me ena'uaque jogaa'me noyaqolqa jo'ne neda'ña di'me aleua,

Marcos 1:28

Qama'le paja'a qoyayatenapega't joñe'me Jesús ena'uaque jogaa'me 'nachaqa'te di'me Galilea.

Mateo 14:1

Jaa'me jaajo' noloqo'ote, Herodes jo'ne nejaliaĝatelegue di'me Galilea domachilegue da'me qo'yaĝatetac ñe'me Jesús,

Juan 10:21

Qalaĝaja jogaa'me laqaya' enapega'ajalo: —Ga'me jiyaĝaua jo'ne uetaye ñe'me payac lepaqal ja yaqanatet ta'le 'yaĝatetac da'me dojo'. Nataq'aen, ga'me jiyaĝaua jo'ne uetaye ñe'me payac lepaqal, ¿qo'li 'uo ga'me yaqanatet da'me ya'uo lec'atenaĝanaĝac jogaa'me qana'mi?

Mateo 9:35

Jesús quetayelo ena'uaque joga'me noicolqa nataq'aen 'nachaqa'tolqa, dapaĝaguenataĝatapegouelo gaa'me nemaĝaiqui' 'me na'ñalo nale gaa'me yec'atalo. Dapaĝaguenataĝatapec da'me onaĝaic 'naqataĝanaĝac jo'ne 'yaĝatetac da'me Dios lejaliaĝa, nataq'aen en yemedegue ga'me leuaĝaiquipi 'me yodapecache gaa'me lapite'nadi choqogaa'me layaliaĝaco.

Mateo 9:26

Qama'le yema di'me aleua laguelegue da'me qo'yaĝatetac ga'me 'uo joca'li.

Mateo 8:28

Mane'e ca'li Jesús yovideta ga'me lajego jaga'me qa'em lat'edai, di'me aleua jo'ne Gadara, uo'oe gaa'me dojolqa payac lete' jo'ne chiyaqauelo jogaa'me napa'lpi lete' qama'le yec'adeta ñe'me. Yataqachiñe 'uo da'me lichi'j ca'li jogaa'me, qaya ga'me 'nañaĝat da'me uayoĝolo'te.

Mateo 8:33

Jogaa'me jo'ne netelalo ga'me coochelpi dajodegue ca'li; mane'e ca'li yovideta ga'me noic paja'a 'yaĝatetedac ga'me 'uo ca'li, yema ga'me di'yoĝoma ca'li jogaa'me payac lete'.

Marcos 2:4

Qalaĝaja queda'me ja yaqanate't ta'le yedode'uo joñe'me, qa'a ja nejataĝaic ga'me jiyaĝadipi, qama'le quidije'mec ga'me p'ajeguem qaedi naqa't ga'me lapo' ga'me emec, qama'le ga'me lauac q'aen e'n tadi'ñguet ga'me lela' ñe'me jiyaĝaua jo'ne leuaĝaic.

Marcos 2:9

¿Qo'li 'uo jogamaĝa laqalaic ta'le eetojo' ga'me 'yaqatac da'me jamaĝalegue jenjo' leuaĝaic: «Joda'me adoeco joote qoyapalaĝa't», uotaĝa jenaac: «Oñijeguem, qama'le oc»?

Lucas 4:38

Jesús yenoĝonegue ca'e ga'me nemaĝaiqui qama'le yec'ata di'me 'lachaqa' ñe'me Simón. Jaga'me Simón li'yodo lapoqo't ga'me neviloĝolaqataĝanac, qama'le qonachoĝodenot joñe'me Jesús qaedi yichoĝoden.

Lucas 5:24

Qalaĝaja ami jaloĝonalo nayi queda'me jayem jo'ne mach'e jayem Jiyaĝaua Lec'oĝot, 'uo da'me yañoqotaĝanaĝac qaedi japalaĝa't jogaa'me loeco ga'me jiyaĝadipi. Chane'eja eetojo' da'me dajoyalegue ga'me leuaĝaic, enaac: —Am jenapega: oñijeguem, auacona na'me adela' qama'le oc, auec'ata ga'me at'achaqa'.

Hechos 8:7

Qama'le qoyen yemedegue ca'li qayoĝode' gaa'me jiyaĝa'u jo'ne netayelo ga'me nepaqa'li jo'ne ja 'noe'n, qama'le ga'me nepaqa'li chiyaqauelo jogaa'me 'nalaqatedapejeguem; nataq'aen qayoĝode' gaa'me choĝolaĝayaqa jogaa'me ja daconaĝanapiye'ajalo qoyen yemedegue ca'li.

Lucas 7:17

Qama'le qo'yaĝatetac da'me dojo' jo'ne ya'uo ñe'me Jesús yema di'me judiopi 'naleua nataq'aen ena'uaque jogaa'me noyaqa jo'ne dajoedauo.

Hechos 28:9

Chiyoqotelegue da'me dojo' uoja'ae ga'me 'lachaqa't jaga'me nepe jo'ne uo'oe gaa'me lapite'nadi nach'e ena'ama yec'adeta ñe'me qama'le e'n yemedegue.