Mateo 3:8 - Nuevo Testamento Toba Sombrero Negro

⁸ 'Noota qom qoyauana da'me at'oyaĝaqui queda'me yataqachiñe eja da'me a'viyelaqaiyot joñe'me Jaliaĝanec.

Nuevo Testamento Toba Sur

⁸ Ÿataqta qanachaxañiita qome, yaqto' ishit da qaila'a da 'eesa da qami' qai'axañiideec naua qan'onataxacolli'.

La'aqtaqa Ñim Lo'onatac 'Enauacna 2013

⁸ Ỹataqta qauachaxañiita da qarataxaqui da qaỹa'axañiiue'c naua qauema maye qauo'ocheeta'ape.

Mateo 3:8 Referans Kwoze

Lucas 3:8

'Noota qom qoyauana da'me at'oyaĝaqui queda'me yataqata eja da'me a'viyelaqaiyot joñe'me Jaliaĝanec. Nataq'aen ena'te aueñetapela't: «¡Qo'mi qonec'alaĝatedegue qomle qa'a yataqachiñe qo'mi lec'oqo'tepi di'me Abraham!»; qa'a eja da'me ami jenapegalo queda'me chayovida'alo naajo' qadipi Dios yaqanatet ta'le neleguemaĝatalo daa'me Abraham c'oqo'tepi.

Hechos 26:20

dite da'me 'uaeñe janema dojo' 'naqataĝanaĝac jogaa'me ueteda'a di'me Damasco, yem qama'le Jerusalén nataq'aen yema di'me aleua jo'ne Judea, nach'e ena'ama joga'me jo'ne ja judiopi, ñepota'tape jogaa'me qaedi nejouoĝodiñe qama'le 'niyelaĝadetot joñe'me Dios, nataq'aen qaedi yauo'oe gaa'me 'lonataqa jo'ne yaloĝo'n chiyaqayi da'me yataqachiñe 'ñemaĝadiñe.

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

Efesios 5:9

Qa'a gaa'me jo'ne uetedaue da'me yoqochiñe, daa'me 'lonataĝanaĝaco 'noote' nataq'aen chimaqachidiñe nataq'aen yataqatelo'te.

Mateo 21:32

Qa'a Juan 'me chilaĝanataĝanaĝaic ami nec'atalo ca'li qaedi ami yapaĝagueneque ga'me nadic jo'ne chimaqategue, qama'te ami ja auep'iiya'a. Qalaĝaja gaa'me lo'ol da'me nejetenataĝanaĝac nataq'aen jaga'me quejeguetaĝaipi qamqa'me p'iida'a. Qama'te ami, mate mane'e auañiya, ja nejouoĝodiñe naa'me adai'lidi' qaedi auep'iiya'a.

Efesios 5:8

Ga'me ja yateton joñe'me Dios, ena'am ta'le uetaue joga'me 'naltapiye, ja yayaten joga'me ya'uo. Ca'li da'me ami naq'aeta da'me at'oyaĝaqui, qa'a ja auatetoñi ca'li joñe'me Dios. Qalaĝaja nayi male yataqata auatetoñi joñe'me, qama'le ena'am ta'le male ovitaue da'me yoqochiñe. Chane'eja 'noota qom male auadenaĝachi' gaa'me uetedaue da'me yoqochiñe.