Mateo 3:6 - Nuevo Testamento Toba Sombrero Negro

⁶ Yechoĝote'tape jogaa'me loeco, qama'le Juan nachilaĝadiñgui di'me ñache.

Nuevo Testamento Toba Sur

⁶ Nachi namayipi i'axa't naua lasouaxashi'te da ÿaxaadeec, nachi so Juan nachilaxangui so tala Jordán.

La'aqtaqa Ñim Lo'onatac 'Enauacna 2013

⁶ Nache somayepi ỹa'axa't naua lasouaxashe'ete da ỹaxaare'c, nache so Juan nachelaxangui so tala Jordán.

Mateo 3:6 Referans Kwoze

Hechos 19:18

Nach'e ena'am qayoĝode' gaa'me jo'ne p'iida'a yovidetapiye't qama'le yechoĝotetapegouelo ga'me jiyaĝadipi yema ga'me ja no'en 'me 'lonataqa joca'li,

1 Juan 1:9

Qalaĝaja, qom jechoĝotaqa'tape daa'me qadoeco qama'le ñe'me Dios yapalaĝa't ena'uaque jodaa'me, nataq'aen qo'mi nepolidiñe qaedi yiyo'y ena'uac gaa'me jo'ne ja chimadichidiñe. Nach'e naq'aeta qa'a Dios ja doqovinaĝan, dite da'me yataqatelegue joñe'me.

Hebreos 9:10

Yema da'me dojo' jo'ne qoya'uo joca'li, nach'edaua daa'me namaĝajoĝonaĝaco jo'ne ch'e yelotede'eguet da'me jiyaĝaua lapachiaĝac, da'me 'uo da'me niqui'yaĝac nataq'aen da'me yomaĝac, choqodaa'me niyoĝoco jo'ne yodapecache, da'me dojo' jo'ne te'me 'uo da'me lajo'viyaĝac chayovida'a qom Dios yadalaĝa't yemeda jogaa'me uo'oe.

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Hebreos 6:2

Ja yitaĝa ta'le ji'iyelaĝajoĝolegue da'me ja'aĝataqatac da'me chilaĝanataĝanaĝac uotaĝa da'me jachaqalo'te naa'me qadoua' jogaa'me p'etaqadayaqa, uotaĝa da'me qo'niyelaĝachidijeguem jogaa'me joote yele'u, uotaĝa da'me Dios laloqotenaĝanaĝac jo'ne qaya'te loiquiaqa'.

Colosenses 2:12

Ca'li ami qonachilaĝa'n qama'le ami qoyijediñijop joñe'me Cristo, nataq'aen ca'li 'niyelaĝajeguem qama'le nach'e ena'am a'niyelaqaejeguem, qa'a auep'iiya'a joñe'me Dios jo'ne 'uo da'me lañoqotaĝanaĝac qaedi 'niyelaĝachijeguem joñe'me.

1 Corintios 10:2

Chane'eja, ena'uaque jogaa'me yoqoteteda'aguet di'me Moisés qa'a ena'am ta'le chiyaqayi ga'me piyem lo'oc nataq'aen ga'me noĝop let'a da'me qonachilaĝa'n.

Hechos 22:16

Nayi, ena'te anayaloĝoden. Oñijeguem qama'le auaconeguet da'me nachilaĝanataĝanaĝac nataq'aen aneyoediñe ga'me adoeco, da'me a'uamaqaten joñe'me Jesús mach'e Adejaliaĝanec.»

Hechos 11:16

“Chane'eja ñetouena da'me jo'ne 'laqatac ca'li ñe'me Jaliaĝanec: «Eja da'me Juan dachilaĝanataĝañgui ga'me noĝop, qalaĝaja ami qamqa'me ami qonachilaĝaneque joñe'me Dios Lepaqal 'me ja 'nalegue.»

Hechos 1:5

Yataqachiñe eja queda'me Juan dachilaĝanataĝanec ga'me noĝop; qalaĝaja ja cop'a qama'le ami qonachilaĝaneque joñe'me Dios Lepaqal jo'ne ja 'nalegue.

Lucas 3:16

Qalaĝaja Juan ena'uaque enapegalo jogaa'me: —Jayem, eja da'me male ami ñachilaĝañilo ga'me noĝop; qalaĝaja 'uo qom'te ñe'me jo'ne jayem napacalegue jo'ne yataqata p'ajaye nataq'aen ja jalo'oguet ta'le jejodegue gaa'me lapela'te leque'te. Nach'eñe ami nachilaĝaneque qom'te joñe'me Dios Lepaqal uotaĝa ga'me dole'.

Marcos 1:5

Ena'uaque jogaa'me 'lachaqa't di'me aleua jo'ne Judea, nataq'aen jogaa'me 'lachaqa't di'me noic jo'ne Jerusalén, ena'uaque jogaa'me yec'adeta ñe'me Juan qaedi domachita; yechoĝote'tape jodaa'me loeco qama'le Juan nachilaĝadiñgui di'me ñache jo'ne Jordán.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Santiago 5:16

Qo'che' 'noota qom auechoĝochiyema gaa'me adaqayadi' ga'me adoequi, nataq'aen da'me anetameñilo'te onolqa'tape jogaa'me adaqayadi' qaedi en yemedegue q'ae'n. Qa'a da'me netamenaĝac joga'me jiyaĝaua jo'ne yataqatelegue, nach'eda jo'ne 'uo da'me lañoqotaĝanaĝac da'me lepe'e.

Lucas 1:16

Joñe'me yaqanatet ta'le en 'niyelaĝadetot joñe'me Dios mach'e Qadejaliaĝanec jogaa'me qayoĝode' jogaa'me Israel laje'pi.