Mateo 3:17 - Nuevo Testamento Toba Sombrero Negro

¹⁷ Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

Nuevo Testamento Toba Sur

¹⁷ Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.

La'aqtaqa Ñim Lo'onatac 'Enauacna 2013

¹⁷ Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Mateo 3:17 Referans Kwoze

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

2 Pedro 1:17

Jauanaĝa ca'li ñe'me Qadet'a Dios da'me yanem da'me li'yoĝodenataĝanaĝac nataq'aen da'me en 'lonaĝac, joca'li 'uo da'me 'laqatac joñe'me Dios jo'ne eetac: “Jenjo' jo'ne mach'e Yalec 'me ñoqopitaĝaua: nach'ena jo'ne mach'e yiquiyac.”

Lucas 9:35

Qama'le ga'me piyem lo'oc chimaqapegoue ga'me nejamaĝa jo'ne enaac: “Jenjo' mach'e yalec jo'ne yiquiyac: ¡'noota qom anaquiaĝañiya!”

Mateo 12:18

“Jenjo' mach'e yalemaĝajet, Naqaena jena'me yataqachiñe yiquiyac, Nataq'aen mach'e jauotec Choqoda'me ñetotapec. Janoue ñe'me Yepaqal Qaedi 'yaĝatetapema joda'me yataqatelegue joga'me noyaqapi.

Marcos 9:7

Qama'le ua'a ca'li needañe ga'me piyem lo'oc jo'ne yapadelo'te jogaa'me. Nataq'aen queda'me chimaqapegoue joga'me lo'oc ga'me nejamaĝa jo'ne enaac: “Jenjo' mach'e yalec jo'ne jauotec: ¡anaquiaĝañiya!”

Lucas 3:22

qama'le ñe'me Dios Lepaqal di'yoĝoja da'me nenochi'ña joñe'me, ena'am ga'me doqoto'. Nataq'aen queda'me qodomachiya ga'me najamaĝa 'me chimaqapije'ma di'me piyem, jo'ne enaac: —Am yalec jo'ne jauotec, mach'e am jo'ne yataqata Yiquiyac.

Marcos 1:11

Nataq'aen queda'me qodomachiya ga'me nejamaĝa jo'ne chimaqapije'ma di'me piyem jo'ne enaac: “Am yalec jo'ne jauotec, mach'e am jo'ne yataqata yiquiyac.”

Colosenses 1:13

Ñe'me Dios joote qo'mi nec'alaĝatedegue, da'me qo'mi yachiyoĝotauelo joda'me 'lañaĝac ga'me 'lalaĝa, qama'le qo'mi yovidaĝateda'a da'me lejaliaĝa ñe'me C'oĝot jo'ne yauotec,

Efesios 1:6

Chane'eja 'noota qom yataqata 'ñonaĝataĝaye joñe'me jouaĝat jena'me jenjo' t'adaic 'lonaĝac, 'me chiyaqayi da'me onaĝaic loqopich'i jo'ne qo'mi yanema. Jayatenaq da'me yataqata eja da'me loqopich'i, qa'a joote qo'mi yanema joga'me qadec'alaĝac chiyaqayi joñe'me onolec lec'oĝot ca'li namaĝaquena.

Juan 5:37

“Nach'e ena'am ñe'me Qadet'a jo'ne jayem namaĝaquena jayem 'yaĝatetac. Qalaĝaja da'me ami ja auomachiiya ga'me lajamaĝa, choqoda'me ja auañiya,

Apocalipsis 14:2

Yem qama'le jomachiya ga'me nejamaĝa jo'ne chiyaqaje'ma di'me piyem jo'ne ena'am ga'me noĝop ladic qom 'uo ga'me nayeñe, nataq'aen ena'am da'me qajoĝonaĝa 'loĝoyaĝac, nataq'aen ena'am da'me lejamaĝa ga'me jiyaĝadipi jo'ne jalcote 'me viquinaĝanaĝaiquipi nale yiviquiñelo ga'me liviquil.

Juan 5:20

Qa'a ñe'me Taĝadena' jayem noqopita nataq'aen da'me jayem yaloĝonalo ena'uaque jogaa'me uo'oe jo'ne 'lonataqa, nataq'aen jogaa'me 'lonataqa laqaya' jo'ne let'adayaqa nach'e ena'am jayem yaloĝonalo qomle, qaedi ami ua'ajopa qomle da'me auoqoch'iyem.

1 Juan 5:9

Nale jaconaĝagueta daa'me 'laqataĝanaĝaco jogaa'me jiyaĝadipi, qalaĝaja da'me 'laqataĝanaĝac joñe'me Dios yataqata napacalegue ena'uac; chane'eja yataqata jaconaĝaguet dojo' 'laqataĝanaĝac joñe'me Dios jo'ne dechoqotaĝanec joñe'me Lec'oĝot.